ဤနောက်ဆုံးရဒေသတွင်းသတင်းတိုသည် တောအူး (တောင်ငူ) ခရိုင်၊ ထောတထူ (ထန်းတပင်) မြို့နယ်တွင် ဖြစ်ပွားခဲ့ သော လူ့အခွင့်အရေးချိုးဖောက်မှုများကို ဖော်ပြထားသည်။ ၂၀၂၅ ခုနှစ်၊ သြဂုတ်လတွင် အ---အမည်ရှိသော အမျိုးသား တစ်ဦးသည် ဧရာဝတီတိုင်း၊ မအူပင်မြို့တွင် အဓမ္မစစ်မှုထမ်းခိုင်းစေခြင်းကိုခံခဲ့ရသည်။ လက်နက်ကိုင်ဆောင်လာသော လူတစ်စုသည် ယာဉ်အမျိုးအစားမသိရသည့်ကားတစ်စီးဖြင့် အ---ဆီကို ရောက်လာပြီး ၎င်းအား ကားအနောက်ဖုံးထဲကို ထည့်ခေါ်သွားခဲ့သည်။ ထို့နောက် အ---သည် ဆန္ဒမရှိပဲ စစ်သင်တန်းကို တက်ခဲ့ရပြီးနောက် ၎င်းအား ထောတထူမြို့ နယ်၊ မောနေပွားမြို့၊ အဒ---ကျေးရွာအနီးတွင်တည်ရှိသော ဘုမ္မတီးရှေ့တန်းတပ်စခန်းသို့ ပို့ဆောင်ခဲ့သည်။ ၂၀၂၅ ခုနှစ်၊ ဖေဖော်ဝါရီလတွင် ဘ---အမည်ရှိသော အမျိုးသားတစ်ဦးသည် နေပြည်တော်ကောင်စီနယ်မြေရှိ တပ်ကုန်းမြို့တစ်နေ ရာတွင် အလုပ်လုပ်နေစဉ်တွင် တပ်မတော်စစ်သားဟောင်းဖြစ်ကြသည့် ကျေးရွာအုပ်ချုပ်ရေးမှူး (၂) ဦးမှ ၎င်းအား လိမ်လည်ခေါ်ဆောင်သွား၍ အဓမ္မစစ်မှုထမ်းခိုင်းစေခဲ့သည်။ ဘ---သည် စစ်သင်တန်းကို တက်ခဲ့ရသည်။ ထို့နောက် ၎င်းအား ထောတထူမြို့နယ်၊ ပယ်ထီးကျေးရွာအုပ်စု၊ အဆ--- ကျေးရွာရှိ တပ်ရင်းဖြူး (၃၀၆) သို့ ပို့ဆောင်ခဲ့သည်။ ထိုမှ တဆင့် ၎င်းအား ဘုမ္မတီးတပ်စခန်းသို့ ပို့ဆောင်ခဲ့ပြန်သည်။ ဘ---သည် ပထမအကြိမ်ထွက်ပြေးပြီးနောက် ပြန်လည် အဖမ်းခံရ၍ အလုပ်ကြမ်းနှင့်ထောင်ဒဏ် (၃)လ ကျခဲ့သည်။ ထို့နောက် ၎င်းအား ဘုမ္မတီးတပ်စခန်းသို့ ပြန်ပို့ဆောင်ခဲ့ သည်။ ၂၀၂၆ ခုနှစ်၊ ဇန်နဝါရီလ ၂၈ ရက်နေ့တွင် အဓမ္မစစ်မှုထမ်းခံရသည့် အ---၊ ဘ--- နှင့်ဆ---တို့သည် ဘုမ္မတီးတပ် စခန်းမှ ထွက်ပြေးလွတ်မြောက်လာခဲ့သည်။

ဤနောက်ဆုံးရဒေသတွင်းသတင်းတိုသည် ၂၀၂၆ ခုနှစ်၊ ဇန်နဝါရီလမှ ဧပြီလအတွင်း ဒူးသထူ(သထုံ) ခရိုင်၊ ဘားအံမြို့ နယ်တွင် ဖြစ်ပွားခဲ့သောလူ့အခွင့်အ‌ရေးချိုးဖောက်မှုဖြစ်စဉ်များကို ဖော်ပြထားသည်။ ၂၀၂၆ ခုနှစ်၊ ဇန်နဝါရီလ ၁၂ ရက် နေ့နှင့် မတ်လ ၁၉ ရက်နေ့အတွင်း တောင်ကလေးတပ်စခန်းတွင် အခြေစိုက်သော မြန်မာစစ်တပ် ခြေမြန်တပ်ရင်း (ခမရ) အမှတ် (၂၀၂) သည် ဘန့်ဘွေးကုန်း (နို့မကွီး) ကျေးရွာအုပ်စု၊ တဇ---နှင့်အခ---ကျေးရွာအတွင်းသို့ လက်နက်ကြီး များရမ်းသမ်းပစ်ခတ်ခဲ့သည်။ ဤလက်နက်ကြီးပစ်ခတ်မှုတွင် ရွာသားတစ်ဦးထိမှန်ဒဏ်ရာရရှိပြီး စိုက်ပျိုးခြံလည်း ထိခိုက်ပျက်စီးခဲ့သည်။ ထို့အပြင် နွားတစ်ကောင်လည်း ထိမှန်ဒဏ်ရာရရှိခဲ့သည်။ ဤဖြစ်စဉ်ကြောင့် ဒေသခံရွာသားများသည် ၎င်းတို့၏ဘေးကင်းလုံခြုံရေးအတွက် စိုးရိမ်ကြောက်ရွံ့ကြပြီး ရွာသားတစ်ဦးမှာ နီးစပ်ရာမြစ်ချောင်းနားသို့ ထွက်ပြေးတိမ်းရှောင်ခဲ့ရသည်။ ထိုမျှမက ၂၀၂၆ ခုနှစ်၊ ဇန်နဝါရီလ ၁၂ ရက်နေ့တွင်လည်း မြန်မာစစ်တပ်သည် တဇ---ကျေးရွာအနီးတွင် လေကြောင်းတိုက်ခိုက်မှုပြုလုပ်ခဲ့သည်။ ၂၀၂၆ ခုနှစ်၊ ဖေဖော်ဝါရီလ ၂ ရက်နေ့တွင် မြန်မာစစ်တပ်ပိုင် ဂျက်လေယာဉ်တစ်စီးသည် ဟတ္တလိုက်ကျေးရွာအုပ်စုရှိ သဖ---ကျေးရွာအနီးတွင် ဗုံးနှစ်လုံးကြဲချတိုက်ခိုက်ခဲ့သည်။ ထိုလေကြောင်းတိုက်ခိုက်မှုတွင် ရာနှင့်ချီသော ရော်ဘာပင်များ၊ ကားနှစ်စီး၊ ဆိုလာပြားတစ်ချပ်၊ လူနေအိမ်များနှင့် ကျေးရွာဆေးခန်းတစ်လုံး ထိမှန်ပျက်စီးခဲ့ပါသည်။ ၂၀၂၆ ခုနှစ်၊ ဧပြီလ ၁၆ ရက်နေ့တွင် မြန်မာစစ်တပ်ပိုင် ဂျက်လေ ယာဉ်များသည် ဇန---ကျေးရွာအနီးတွင် လေကြောင်းတိုက်ခိုက်မှုပြုလုပ်၍ ဆိုလာပြားတစ်ချပ်နှင့် ရာနှင့်ချီသောရော်ဘာပင်များ ထိမှန်ပျက်စီးခဲ့သည်။ ထို့အပြင် လေယာဉ်ပေါ်မှ စက်သေနတ်များ ဖြင့်ပစ်ခတ်ခဲ့သည်ဟု ရွာသားများတင်ပြကြသည်။ ထိုနေ့တွင်လည်း မြန်မာစစ်တပ် ခမရ (၂၀၂) သည် ဇန---ကျေးရွာအနီးပတ်ဝန်းကျင်သို့ လက်နက်ကြီး (၇) လုံးပစ်ခတ်၍ လူနေအိမ်နှင့်ရော်ဘာပင်များ ထိမှန်ပျက်စီးပြီး ခွေးတစ်ကောင်လည်း ထိမှန်သေဆုံးသည်။ ထိုသို့လေကြောင်းတိုက်ခိုက်မှုနှင့်လက်နက်ကြီးပစ်ခတ်မှုများကြောင့် ဇန---ကျေးရွာမှ ရွာသားများအားလုံးသည် ထွက်ပြေးတိမ်း ရှောင်ရပြီး နောက်ထပ်ပစ်ခတ်တိုက်ခိုက်မှုများဖြစ်ပွားမှာကို ကြောက်ရွံ့ထိတ်လန့်နေကြသည်။

ဤဓာတ်ပုံသတင်းသည် ၂၀၂၆ ခုနှစ်၊ ဇန်နဝါရီလ မှ ဇွန်လအထိ မြန်မာစစ်တပ်မှ မြန်မာပြည်အရှေ့တောင်ပိုင်းတွင် အ ဓိကကျူးလွန်သော လူ့အခွင့်အရေးချိုးဖောက်မှုများ၏ ဓာတ်ပုံအထောက်အထားများကို ဖော်ပြထားပါသည်။ ကရင်လူ့ အခွင့်အ‌ရေးအဖွဲ့ (KHRG) မှ အစီရင်ခံစာကာလအတွင်း လူ့အခွင့်အရေးချိုးဖောက်မှု၏ သက်ရောက်မှုများကို ဖော်ပြ ထားသည့် ဓာတ်ပုံ ၁,၇၀၁ ပုံကိုလက်ခံရရှိခဲ့ပါသည်။ ဤလူ့အခွင့်အရေးချိုးဖောက်မှုဓာတ်ပုံများတွင် လေကြောင်းတိုက် ခိုက်မှု၊ လက်နက်ကြီးပစ်ခတ်မှု၊ မြေမြှုပ်မိုင်း၊ တွေ့လျှင်ပစ်စနစ်၊ အဓမ္မဖမ်းဆီးခြင်းနှင့် အခြားလူအခွင့်အရေးချိုးဖောက် မှုများ ပါဝင်ပါသည်။ မြန်မာအာဏာသိမ်းစစ်တပ်၏ ၂၀၂၆ ခုနှစ် ဒုတိယနှင့်တတိယအကြိမ်ကျင်းပသော ဒီမိုကရေးစီ နည်းလမ်းအရ ရွေးချယ်တင်မြောက်ခြင်းမရှိသည့် ရွှေးကောက်ပွဲနှင့်အတူ ၂၀၂၆ ခုနှစ်၊ ဇန်နဝါရီလနှင့်ဇွန်လအတွင်း မြန်မာစစ်တပ်၏ လူအခွင့်အရေးချိုးဖောက်ကျူးလွန်မှုမှာ ပိုမိုဆိုးရွားလာပါသည်။ KHRG ၏ သတင်းမှတ်တမ်းပြုစုမှု၌ မြန်မာပြည်အရှေ့တောင်ပိုင်းတွင် လေကြောင်းတိုက်ခိုက်မှုများ၊ ဒရုန်းတိုက်ခိုက်မှုများနှင့် လက်နက်ကြီးပစ်ခတ်တိုက် ခိုက်မှုများ ပို၍များပြားလာကြောင်းဖော်ပြထားပြီး အဆိုပါတိုက်ခိုက်မှုများကြောင့် ဒဏ်ရာရခြင်း၊ သေဆုံးခြင်း၊ နေအိမ် များ၊ စိုက်ပျိုးရေးစိုက်ခင်းများ၊ လူမှုအသိုက်အဝိုင်းအဆောက်အအုံများ ဖျက်ဆီးခံရခြင်းနှင့် ရွာသားများ၏ထွက်ပြေး တိမ်းရှောင်နေရမှုများလည်း ပို၍များပြားလာပါသည်။ ၂၀၂၆ ခုနှစ်တွင် မြန်မာစစ်တပ်၏စစ်ရေးလှုပ်ရှားမှုများနှင့် မြေ ပြင်စစ်သားများမှ နေရာ‌ဒေသအများအပြားသို့ ဝင်ရောက်မှုများတိုးများလာသဖြင့် ဒေသခံရွာသားများသည် ဖမ်းဆီးခံ ရခြင်း၊ သတ်ဖြတ်ခံရခြင်း၊ နှိပ်စက်ခံရခြင်း၊ ပေါ်တာဖမ်းခံရခြင်း၊ လမ်းပြဖြစ်စေခြင်း၊ အဓမ္မစစ်သားစုဆောင်းခံရခြင်း နှင့် အဓမ္မပျောက်ဆုံးစေခြင်းတို့မှာ ပိုမိုများပြားလာခဲ့ပါသည်။ မြန်မာစစ်တပ်မှကျူးလွန်သည့် ဤကဲ့သို့သော လူ့အခွင့် အရေးချိုးဖောက်ကျူးလွန်မှုများသည် ဒေသခံရွာသားများကို အမြဲတစေ အကြောက်တရားအောက်၌ရှိစေပြီး နေရပ်ရွှေ့ ပြောင်းတိမ်းရှောင်နေရခြင်းကြောင့် မလုံခြုံမှုအပြင် အရေးကြီးလိုအပ်သည့် ဝန်ဆောင်မှုများဖြစ်သည့် ကျန်းမာရေး၊ ပညာရေးနှင့် အသက်မွေးဝမ်းကြောင်းတို့အား လက်လှမ်းမီနိုင်ရန် အကန့်အသတ်ရှိမှုတို့ဖြင့် ရင်ဆိုင်ကြုံတွေ့နေရကြ ပါသည်။