ဤဓာတ်ပုံများကို ၂၀၂၆ ခုနှစ်၊ ဧပြီလတွင် ဒူးသထူခရိုင်၊ ဘီးလင်းမြို့နယ်၊ ပယားရောကျေးရွာအုပ်စု၊ အဆ--- ကျေးရွာ၌ ရိုက်ယူခဲ့ပါသည်။ KNLA နှင့် ပြည်သူ့ကာကွယ်ရေးတပ်ဖွဲ့ (PDF) တို့လေကေ့စစ်တပ်စခန်းအားတိုက်ခိုက်ပြီး KNLA နှင့် PDF ပူးပေါင်းတပ်ဖွဲ့နှင့် စစ်ကွပ်ကဲအခြေစိုက် (စကခ) အမှတ် (၈) လက်အောက်ခံ မြန်မာစစ်တပ်၏ ခမရ အမှတ် (၄၀၉) တို့ကြား တိုက်ပွဲဖြစ်ပွားပြီးသည့်နောက် မြန်မာစစ်တပ်မှ ၂၀၂၆ ခုနှစ်၊ ဧပြီလ ၂ ရက်နေ့မှ ဧပြီလ ၁၂ ရက်နေ့အထိ နေ့စဥ် အဆ--- ကျေးရွာသို့ လေကြောင်းတိုက်ခိုက်မှု အကြိမ်ရေများစွာပြုလုပ်ခဲ့ပါသည်။ ဤလေ ကြောင်းတိုက်ခိုက်မှုအတွင်း မြန်မာစစ်တပ်မှ တိုက်လေယာဥ်ဖြင့် ပေါင် ၅၀၀ ဗုံး ဆယ်လုံးကျော်ကြဲချခဲ့သည့်အပြင် Y-12 လေယာဥ်ဖြင့် လက်နက်ကြီးအလုံးရေ ၁၀၀ ကျော်ကြဲချခဲ့ပါသည်။ ဤလေကြောင်းတိုက်ခိုက်မှုကြောင့် နေအိမ် ၅၀ ကျော်အပြင် စျေးဆိုင်များ၊ ဘုန်းကြီး ကျောင်းတစ်လုံး၊ ထမင်းစားခန်းတစ်လုံး၊ သိမ်တစ်လုံးနှင့် စာသင်ကျောင်းတစ်လုံး ပျက်စီးသွားခဲ့ပါသည်။ လေကြောင်းတိုက်ခိုက်မှုနှင့် လက်နက် ကြီးပစ်ခတ်မှုကြောင့် ရော်ဘာပင်များစွာလည်း ပျက်စီးသွားခဲ့ပါသည်။ အထက်ဘက်ရှိဓာတ်ပုံများသည် အဆ--- ကျေးရွာရှိ ရွာသားများ၏ နေအိမ်ပျက်စီးသွားသော ဓာတ်ပုံများကို ဖော်ပြထားပါသည်။ အောက်ဘယ်ဘက်ရှိဓာတ်ပုံသည် ဂူထဲတွင်ခိုလှုံနေကြသော အဆ--- ကျေးရွာမှ ထွက်ပြေးတိမ်းရှောင်နေကြသည့် ရွာသားများ၏ပုံကို ဖော်ပြထားပါသည်။ အောက်ညာဘက်ရှိဓာတ်ပုံသည် အဆ--- ကျေးရွာသို့ကျ‌‌ရောက်သည့် ပေါက်ကွဲသွားသော လက်နက်ကြီးအပိုင်းအစများနှင့် မပေါက်ကွဲသေးသည့် လက်နက်ကြီး၏ပုံကို ဖော်ပြထားပါသည်။ ပူးပေါင်းတပ်ဖွဲ့များမှ လေကေ့စစ်တပ်စခန်းကို စတင်သိမ်းပိုက်ခြင်းမပြုမီ ရွာသားများအားလုံးသည် မြစ်ချောင်းများ၊ တောတောင်များ၊ လယ်တဲများ၊ ဂူများနှင့် တောင် ယာတဲများသို့ ထွက်ပြေးတိမ်းရှောင်ခဲ့ကြပါသည်။ အချို့ရွာသားများသည် ၎င်းတို့၏အိမ်အသုံးအဆောင်ပစ္စည်းများ၊ အစားအစာများနှင့် အခြား သောပိုင်ဆိုင်မှုများကို သယ်‌ဆောင်လာနိုင်ခြင်းမရှိကြပါ။ ထိုကြောင့် ထွက်ပြေးတိမ်းရှောင်နေရသည့်ရွာသားများသည် နေရာထိုင်ခင်း၊ အစား အစာနှင့် ဆေးဝါးများရရှိရန်အခက်အခဲများဖြင့် ရင်ဆိုင်နေကြရသည်။ ၂၀၂၆ ခုနှစ်၊ ဇူလိုင်လတွင် အဆိုပါရွာသားများသည် ၎င်းတို့၏ကျေးရွာသို့ ပြန်လည်နေထိုင်ရန် ကြောက်ရွှံ့နေကြပြီး ထွက်ပြေးတိမ်းရှောင်နေကြရဆဲဖြစ်ပါသည်။ (ဓာတ်ပုံ - KHRG)

ဤဓာတ်ပုံများကို ၂၀၂၆ ခုနှစ်၊ ဧပြီလတွင် ဒူးသထူခရိုင်၊ ဘားအံမြို့နယ်၊ နို့မကွီးကျေးရွာအုပ်စု၊ အဃ--- ကျေးရွာအနီး၌ ရိုက်ယူခဲ့ပါသည်။ ၂၀၂၆ ခုနှစ်၊ ဧပြီလ ၁၆ ရက်နေ့ ညနေ ၄း၅၀ မိနစ်တွင် မြန်မာစစ်တပ်တိုက်လေယာဥ်တစ်စီးမှ အဃ--- ကျေးရွာသို့ ဗုံးခြောက်လုံးကြဲချခဲ့ပါသည်။ ဘယ်ဘက်ရှိဓာတ်ပုံသည် ပေါက်ကွဲသွားသည်ဗုံးတစ်လုံး၏ အမြီးပိုင်းကိုဖော်ပြထားပြီး ညာဘက်ရှိဓာတ်ပုံသည် အဃ---ကျေးရွာရှိ ရော်ဘာခြံထဲ သို့ကျရောက်သွားခဲ့သည် မပေါက်ကွဲသေးသောဗုံးတစ်လုံး၏ပုံကို‌ ဖော်ပြထားပါသည်။ ပထမလေကြောင်းတိုက်ခိုက်မှုအတွင်း အဆိုပါတိုက် လေယာဥ်တစ်စီးမှ ဗုံးသုံးလုံးကြဲချခဲ့ပါသည်။ အဆိုပါဗုံးထဲမှ နှစ်လုံးပေါက်ကွဲသွားခဲ့ပြီး ရွာသားများ၏ပိုင်ဆိုင်မှုများ ပျက်စီးသွားခဲ့ကာ အခြား သောဗုံးတစ်လုံးသည် မပေါက်ကွဲသေးပဲကျန်ရှိနေပါသည်။ ပထမလေကြောင်းတိုက်ခိုက်မှုပြီးသည့်နောက် အဆိုပါလေယာဥ်မှ အဃ--- ကျေးရွာ သို့ ဗုံးသုံးလုံးထပ်မံကြဲချခဲ့သည့်အပြင် လေယာဥ်မှ စက်သေနတ်များဖြင့်ပစ် ခတ်ခဲ့ပါသည်။ အဆိုပါဗုံးများသည် ရွာသားများ၏ရော်ဘာခြံပတ် လည်နှင့် ခြံထဲသို့ကျရောက်ခဲ့ပြီး ရော်ဘာပင်ရာနှင့်ချီပျက်စီးသွားခဲ့ပါသည်။ မြန်မာစစ်တပ်၏လေယာဥ်မှ ဗုံးကြဲပြီးမိနစ်အနည်းငယ်အကြာတွင် ခမရ အမှတ် (၂၀၂) မှစစ်သားများသည် ၁၂၂ လက်နက်ကြီး ခုနှစ်လုံးအား အဃ--- ကျေးရွာတွင်းသို့ပစ်ခတ်ခဲ့သဖြင့် နေအိမ်များနှင့်ရော်ဘာခြံ များထပ်မံပျက်စီးသွားခဲ့ပါသည်။ ဤကဲ့သို့လေကြောင်းတိုက်ခိုက်မှုများနှင့် လက်နက်ကြီးပစ်ခတ်မှုများကြောင့် အဃ--- ကျေးရွာရှိ ရွာသားများ အားလုံး ထွက်ပြေးတိမ်းရှောင်ခဲ့ကြပါသည်။ ရွာသားများသည် လေကြောင်းတိုက်ခိုက်မှုနှင့် လက်နက်ကြီးပစ်ခတ်မှု၏ရန်မှ ကြောက်ရွှံ့နေခဲ့ကြရ ပါသည်။ ၎င်းတို့အနေဖြင့် မြန်မာစစ်တပ်၏ထပ်မံစစ်ရေးလှုပ်ရှားမှု ပြုလုပ်မည်ကိုလည်း ကြောက်ရွှံ့နေကြရပါသည်။ (ဓာတ်ပုံ - KHRG)

ဤဓာတ်ပုံကို ၂၀၂၆ ခုနှစ်၊ မတ်လတွင် တောအူးခရိုင်၊ ထောတထူ (ထန်းတပင်) မြို့နယ်၊ ဇရပ်ကြီးတောင်ခြမ်းကျေးရွာအုပ်စု၊ အဂ--- ကျေးရွာ၌ ရိုက်ယူခဲ့ပါသည်။ ၂၀၂၆ ခုနှစ်၊ ဇန်နဝါရီလ ၉ ရက်နေ့ ည နေ ၂း၃၀ မိနစ်တွင် ဇရပ်ကြီးစစ်တပ်စခန်းအခြေစိုက် မြန်မာစစ်တပ် ၏ ခလရ အမှတ် (၇၃) မှ အဂ--- ကျေးရွာထဲသို့ ၁၂၀ မမ လက်နက် ကြီးနှစ်လုံးကို ပစ်ခတ်ခဲ့ပါသည်။ ဤပုံတွင် လက်နက်ကြီးပစ်ခတ်မှု ကြောင့် ပျက်စီးသွားသော နေအိမ်တစ်လုံး၏ပုံကို ဖော်ပြထားပါသည်။ (ဓာတ်ပုံ - KHRG)

ဤဓာတ်ပုံကို ၂၀၂၆ ခုနှစ်၊ မတ်လ ၃ ရက်နေ့တွင် တောအူးခရိုင်၊ ထောတထူမြို့နယ်၊ ဒေးလိုကျေးရွာအုပ်စု၊ အဧ--- ကျေးရွာရှိ ရွာသား တစ်ဦးထံမှ လက်ခံရရှိခဲ့ပါသည်။ ဤဓာတ်ပုံသည် ၂၀၂၆ ခုနှစ်၊ ဖေ ဖော်ဝါရီလတွင် ဆယ့်သုံးမိုင် (၁၃ မိုင်) မှ မြန်မာစစ်သားများသည် ရွာသားများ၏နေအိမ်သုံးလုံးအား မီးရှို့ပြီးသည့်နောက် မီးလောင်ကျွမ်း နေသော ပုံကိုဖော်ပြထားပါသည်။ PDF တပ်ဖွဲ့မှ စစ်ကားနှင့်ရွာသား များ၏ကားဖြင့် ခုနှစ်မိုင် (၇ မိုင်) သို့ မြန်မာစစ်တပ်စစ်သားများ စစ်ချီ တက်နေစဥ် အဧ--- ကျေးရွာအနီးရှိ စာသင်ကျောင်းတစ်ကျောင်း အနီးတွင် ၎င်းတို့တိုက်ခိုက်ခံရပြီးသည့်နောက် ရွာသားများ၏နေအိမ် များကို မီးရှို့ခဲ့ကြပါသည်။ အဆိုပါစစ်သားများသည် ဦးဂ---၏အုတ်ဖြင့် ဆောက်လုပ်ထားသော နေအိမ်ကိုမီးရှို့ရာ လောင်ကျွမ်းခြင်းမရှိသဖြင့် ၎င်း၏ပစ္စည်းများကို အိမ်ပြင်သို့ထုတ်ကာ မီးရှို့ခဲ့ပါသည်။ ထို့နောက် ညနေ ၇ နာရီဝန်းကျင်ခန့်တွင် မြန်မာစစ်တပ်မှ အဧ--- ကျေးရွာသို့ လက်နက်ကြီးခုနှစ်လုံး ပစ်ခတ်ခဲ့ပါသည်။ လက်နက်ကြီးများသည် ရွာ ပြင်သို့ကျရောက် ပေါက်ကွဲသွားခဲ့သဖြင့် ဒဏ်ရာရရှိခြင်းမရှိခဲ့ပါ။ သို့ သော်လည်း၊ ရွာသားများသည် ကြောက်ရွှံ့မှုအောက်တွင် ရှိနေကြရပါ သည်။ (ဓာတ်ပုံ - ဒေသခံရွာသား)

ဤဓာတ်ပုံကို ၂၀၂၆ ခုနှစ်၊ မတ်လတွင် တောအူးခရိုင်၊ ထောတထူမြို့ နယ်၊ ပယ်ထီကျေးရွာအုပ်စု၊ အက--- ကျေးရွာရှိ ကရင်ကျန်းမာရေးနှင့် ကယ်ဆယ်ရေးဌာန (KDHW) ဆေးရုံ၌ ရိုက်ယူခဲ့ပါသည်။ ၂၀၂၆ ခုနှစ်၊ မတ်လ ၁၅ ရက်နေ့တွင် မြန်မာစစ်တပ်မှ တိုးဂိတ်တစ်ခုသို့ ဒရုန်းတိုက် ခိုက်မှု ပြုလုပ်ခဲ့ပါသည်။ ဓာတ်ပုံထဲတွင် ထောတထူခရိုင်၊ ဇရပ်ကြီး တောင်ခြမ်းကျေးရွာအုပ်စ၊ အလ--- ကျေးရွာမှ ဦးက--- သည် တိုးဂိတ် တွင်အလုပ်လုပ်နေစဥ် ဒဏ်ရာရရှိသွားသောပုံကို ဖော်ပြထားပါသည်။ ဦးက--- သည် ဝမ်းဗိုက်နှင့် ညာဘက်ပခုံးတို့တွင် ပြင်းထန်စွာဒဏ်ရာ ရရှိသွားခဲ့ပါသည်။ ၎င်းအား မြန်မာအာဏာသိမ်းစစ်တပ်၏ စီမံအုပ် ချုပ်သောဆေးရုံသို့ ပထမဦးစွာပို့ဆောင်ပေးခဲ့ပြီး ထိုဆေးရုံတွင် လုံ လောက်သည့်ပစ္စည်းကိရိယာများ သို့မဟုတ် ဆေးဝါးများမရှိသဖြင့် နောက်ပိုင်း အက--- ကျေးရွာရှိ KDHW စီမံအုပ်ချုပ်သော အမ--- ဆေး ရုံတွင် ဆေးကုသမှုခံယူခဲ့ပါသည်။ အခြားတိုးဂိတ်လုပ်သားတစ်ဦးဖြစ် သော ဦးလ--- သည် ဒရုန်းတိုက်ခိုက်မှုကြောင့် ဒဏ်ရာအနည်းငယ်ရရှိ ခဲ့သော်လည်း ဆေးခန်း၌ ဆေးကုသမှုခံယူရန်မလိုအပ်ခဲ့ပါ။[5] (ဓာတ်ပုံ - KHRG)

ဤဓာတ်ပုံကို KHRG မှ ၂၀၂၆ ခုနှစ်၊ ဇန်နဝါရီလ ၃ ရက်နေ့တွင် ခလယ်လွီထူ (ညောင်လေးပင်) ခရိုင်၊ ဆောထိ (ရွှေကျင်) မြို့နယ်၊ ဝိုင်းပျင်ရေးဒိုင်ကျေးရွာအုပ်စု၊ အဝ--- ကျေးရွာရှိ ရွာသားတစ်ဦးထံ၌ လက်ခံရရှိခဲ့ပါသည်။ ၂၀၂၆ ခုနှစ်၊ ဇန်နဝါရီလ ၂ ရက်နေ့ ညနေ ၄း၃၀ မိနစ်ဝန်းကျင်တွင် မြန်မာစစ်တပ်မှ အဝ--- ကျေးရွာထဲသို့ ဒရုန်း တိုက်ခိုက်မှုပြုလုပ်ခဲ့သဖြင့် ကလေးနှစ်ဦး၏မိခင်ဖြစ်သူ ဒေါ်န--- (အ သက်  ၄၃ နှစ်) သေဆုံးသွားခဲ့ပါသည်။ ဒေါ်န--- သည် ဗုံးပေါက်ကွဲမှု ကြောင့် လက်နက်ကြီးအပိုင်းအစထိမှန် သေဆုံးသွားချိန်တွင် အခြား သောရွာသားတစ်ဦးဖြစ်သည့် ဦးဝ--- ၏အိမ်အပြင်ဘက်တွင် ထိုင်နေ ခဲ့ပါသည်။ ဓာတ်ပုံထဲတွင် ဒေါ်န--- ၏သေဆုံးသွားသည့် ခန္ဓာကိုယ် ပုံကို ဖော်ပြထားပါသည်။ အဆိုပါဒရုန်းတိုက်ခိုက်မှုကြောင့် ဦးဝ--- (အသက် ၆၂ နှစ်) ၏ဘယ်ဘက်ခါးနှင့် ဘယ်ဘက်ခြေထောက်ဒဏ်ရာ ရရှိသွားခဲ့ပါသည်။ (ဓာတ်ပုံ - ဒေသခံရွာသား)

ဤဓာတ်များပုံကို ၂၀၂၆ ခုနှစ်၊ ဇန်နဝါရီလတွင် ခလယ်လွီထူခရိုင်၊ မူးမြို့နယ်၊ မူးအထူးဒေသရှိ နေရပ်ရွှေ့ပြောင်းတိမ်းရှောင်သည့်နေရာတစ်ခု၌ ရိုက်ယူခဲ့ပါသည်။ ၂၀၂၆ ခုနှစ်၊ ဇန်နဝါရီလ ၆ ရက်နေ့ မနက် ၁၁း၃၀ မိနစ်တွင် ရွှေဝစစ်တပ်စခန်းတွင်အခြေစိုက်သည့် ခမရ အမှတ် (၃၀၇) မှ မြန်မာစစ်သားများသည် မူးအထူးဒေသ၊ ဇလုပ်ကျေးရွာအုပ်စု၊ အခ--- ကျေးရွာသို့ လက်နက်ကြီးရမ်းသမ်းပစ်ခတ်ခဲ့ပါသည်။ လက်နက် ကြီးသည် ဘုန်းကြီးကျောင်းအဆောက်အအုံ၏ နံရံများကို ထိမှန်သွားခဲ့ပါသည်။ ဦးပ--- (အသက် ၆၀ နှစ်) သည် ပေါက်ကွဲသွားသည့် လက်နက် ကြီးအပိုင်းအစများဖြင့် ထိမှန်ကာသေဆုံးသွားခဲ့ပါသည်။ ရက်အနည်းငယ်ကြာပြီးနောက် ၂၀၂၆ ခုနှစ်၊ ဇန်နဝါရီလ၈ ရက်နေ့ ညနေ ၁၀း၂၀ မိနစ်တွင် မြန်မာစစ်တပ်၏တိုက်လေယာဥ်တစ်စီးမှ မူးအထူးဒေသ၊ လေးဒို့ကျေးရွာအုပ်စု၊ အရ--- ကျေးရွာထဲသို့ ဗုံးနှစ်လုံးကြဲချခဲ့သဖြင့် ရွာသား တစ်ဦး၏နေအိမ်ကိုထိမှန်သွားခဲ့ပြီး မိသားစုဝင်လေးဦးသေဆုံးသွားခဲ့ပါသည်။ ၎င်းတို့သည် ဒေါ်ခ--- (အသက် ၇၆ နှစ်)၊ ဒေါ်ရ--- (အသက် ၇၉ နှစ်)၊ ဒေါ်စ--- (အသက် ၄၈ နှစ်) နှင့် မောင်တ--- (အသက် ၁၂ နှစ်) တို့ဖြစ်ကြပြီး နေရာတွင်ပင် ချက်ချင်းသေဆုံးသွားခဲ့ကြပါသည်။ မောင်တ--- သည် ၎င်း၏ဦးခေါင်းတွင် ပြင်းထန်သည့်ဒဏ်ရာရရှိခဲ့ပြီး ကြောင်ပျံကျေးရွာအုပ်စုရှိ အစ--- ဆေးရုံသို့ ပို့ဆောင်ပေးခဲ့သော်လည်း ဒဏ်ရာအလွန် ပြင်းထန်သဖြင့် သေဆုံးသွားခဲ့ပါသည်။ အဆိုပါလေကြောင်းတိုက်ခိုက်မှုကြောင့် ဒေါ်ခ--- နှင့် ဒေါ်ရ--- ၏နေအိမ်များပျက်စီးသွားခဲ့ပြီး ဦးယဆ--- ၏ အိမ်မွေးတိရိစ္ဆာန်သေဆုံးသွားခဲ့ပါသည်။ ကြဲချလိုက်သော‌ဗုံးများထဲမှ တစ်လုံးသည် မပေါက်ကွဲသေးပဲကျန်ရှိနေပါသည်။ ဤကဲ့သို့လက်နက် ကြီးရမ်းသမ်းပစ်ခတ်မှုနှင့် လေကြောင်းတိုက်ခိုက်မှုဖြစ်စဥ်များကြောင့် ကျေးရွာ ၂၅ ရွာမှာ ခန့်မှန်းခြေအားဖြင့် ရွာသား ၁၇,၉၀၉ ဦးသည် ၎င်းတို့ ၏နေအိမ်များမှ ထွက်ပြေးတိမ်းရှောင်ခဲ့ကြပါသည်။ အထက်တွင်ဖော်ပြထားသည့်ဓာတ်ပုံများသည် မြန်မာစစ်တပ်၏လေကြောင်းတိုက်ခိုက်မှု ပြီးသည့်နောက် လေးဒို့ကျေးရွာအုပ်စု၊ အရ--- ကျေးရွာနှင့် ဇလုပ်ကျေးရွာအုပ်စု၊ အခ--- ကျေးရွာမှ စစ်ဘေးရှောင်ရွာသားများနေထိုင်နေရသော နေရာထိုင်ခင်းပုံများ ဖြစ်ပါသည်။ (ဓာတ်ပုံ - KHRG)

ဤဓာတ်ပုံကို ၂၀၂၆ ခုနှစ်၊ မတ်လတွင် ခလယ်လွီထူခရိုင်၊ ဝေါကေ့ ကျေးရွာအုပ်စု၊ ဟဧ--- ကျေးရွာ၌ ရိုက်ယူခဲ့ပါသည်။ ၂၀၂၆ ခုနှစ်၊ ဖေ ဖော်ဝါရီလ ၉ ရက်နေ့တွင် မြန်မာစစ်တပ် ခလမ အမှတ် (၂၂) နှင့် ၎င်း ၏ပူးပေါင်းတပ်ဖွဲ့များသည် ဒေသတွင်း စစ်ရေးလှုပ်ရှားမှုပြီးသည့် နောက် ဟ‌‌ဧ--- ကျေးရွာရှိ ရွာသားများ၏နေအိမ်များကို မီးရှို့ခဲ့ကြပါ သည်။ ဤဓာတ်ပုံတွင် မီးလောင်ကျွမ်းပြီးနောက် ပျက်စီးသွားသော ရွာ သားတစ်ဦး၏နေအိမ်ကို ဖော်ပြထားပါသည်။ (ဓာတ်ပုံ - KHRG)  

ဤဓာတ်ပုံကို ၂၀၂၆ ခုနှစ်၊ မတ်လတွင် ခလယ်လွီထူခရိုင်၊ မူးမြို့နယ်၊ ကြောင်ပျံကျေးရွာအုပ်စု၊ အည--- ကျေးရွာရှိ အည--- ဆေးခန်း၌ ရိုက်ယူခဲ့ပါသည်။ ဤဓာတ်ပုံတွင် မြန်မာစစ်တပ်၏ မြေမြှုပ်မိုင်း ကြောင့် ဘယ်ဘက်ခြေထောက်အောက်ပိုင်း ဖြတ်တောက်ခဲ့ရပြီးသည့် နောက် အည--- ဆေးခန်းတွင် ပြန်လည်သက်သာနေပြီးဖြစ်သော မူးမြို့နယ်၊ လေးဒို့ကျေးရွာအုပ်စု၊ အယ--- ကျေးရွာမှ မောင်ဖ--- ၏ ပုံကိုဖော်ပြထားပါသည်။ မောင်ဖ--- သည် မြန်မာစစ်တပ်၏လေ ကြောင်းတိုက်ခိုက်မှုနှင့် လက်နက်ကြီးပစ်ခတ်မှုများကြောင့် ထွက်ပြေး တိမ်းရှောင်ခဲ့ပြီးနောက် ၂၀၂၆ ခုနှစ်၊ မတ်လ ၄ ရက်နေ့တွင် အယ--- ရွာသို့ပြန်၍ ရိက္ခာများပြန်ယူရာလမ်း၌ မြေမြှုပ်မိုင်းနင်းမိခဲ့ပါသည်။ မြေမြှုပ်မိုင်းပေါက်ကွဲမှု မဖြစ်ပွားမီ မြန်မာစစ်သားများသည် အယ--- ကျေးရွာထဲတွင် ရှိနေခဲ့သဖြင့် အဆိုပါမြေမြှုပ်မိုင်းကို မြန်မာစစ်သား များမှ ထောင်ထားခဲ့ကြကြောင်း ယူဆကြပါသည်။ (ဓာတ်ပုံ - KHRG)

ဤဓာတ်ပုံများကို ၂၀၂၆ ခုနှစ်၊ ဇွန်လ ၂၅ ရက်နေ့တွင် ဒေသတွင်းလှုပ်ရှားနေသော အရေးပေါ်ကူညီကယ်ဆယ်ရေး အဖွဲ့အစည်းတစ်ဖွဲ့ထံမှ လက်ခံရရှိခဲ့ပါသည်။ ၂၀၂၆ ခုနှစ်၊ ဇွန်လ ၂၃ ရက်နေ့တွင် ပိန်းဇ လုပ်မြို့အဖြေစိုက် ခမရ အမှတ် (၂၆၄) မှ မြန်မာစစ်သားများသည် ခလယ်လွီထူခရိုင်၊ လယ်ဒိုမြို့နယ်၊ ကျုံးကြီးကျေးရွာအုပ်စု၊ ဘဒ---ကျေးရွာထဲသို့ ၁၂၀ မမ ပစ်ခတ်ခဲ့သဖြင့် ကျရောက်ပေါက်ကွဲသွားခဲ့ပါ သည်။ ဤလက်နက်ကြီးပစ်ခတ်မှုကြောင့် ဒေါ်ထ--- (အသက် ၄၈ နှစ်) ဒဏ်ရာရရှိခဲ့ပါသည်။ ထိုအပြင် အဆိုပါလက်နက်ကြီးပစ်ခတ်မှုကြောင့် ရွာသားများ၏နေအိမ်များ ပျက်စီးသွားခဲ့ပါသည်။ မြန်မာစစ်တပ်၏ လက်နက်ကြီးပစ်ခတ်မှုကြောင့် ဘဒ--- ကျေးရွာမှ ရွာသားများသည် အခြားဘေးကင်းလုံခြုံသည့် နေရာများသို့ ထွက်ပြေးတိမ်းရှောင်ခဲ့ကြပါ သည်။ အချို့ရွာသားများသည် တောထဲသို့ထွက်ပြေးသွားခဲ့ပြီး အချို့ရွာ သားများသည် ၎င်းတို့၏လယ်ယာများနှင့် အချို့တို့သည် အခြားသော ကျေးရွာများသို့ ထွက်ပြေးတိမ်းရှောင်ခဲ့ကြပါသည်။ ၂၀၂၆ ခုနှစ်၊ ဇူလိုင် လတွင် မြန်မာစစ်တပ်မှ ၎င်းတို့၏ကျေးရွာသို့ဝင်ရောက်ကာ ပိုင်ဆိုင်မှု များကိုလုယက်ခဲ့သဖြင့် အဆိုပါရွာသားများသည် ပို၍ကြောက်ရွံ့လာ ကြပြီး ၎င်းတို့ကျေးရွာသို့ မပြန်နေရဲကြ‌တော့ပါ။ (ဓာတ်ပုံ - ဒေသခံရွာသား)

ဤဓာတ်ပုံကို ၂၀၂၆ ခုနှစ်၊ မတ်လတွင် ဘိတ်-ထားဝယ်ခရိုင်၊ တနော သရီ (တနင်္သာရီ) မြို့နယ်၊ သက--- မြို့၌ ရိုက်ယူခဲ့ပါသည်။ ဤဓာတ်ပုံ တွင် မြန်မာစစ်တပ်၏ တပ်ရင်း ၁၁ ခုရှိ ပူးပေါင်းတပ်ဖွဲ့များမှ ခန့်မှန်း ခြေအားဖြင့် ၁,၀၀၀ ဦးရှိသော စစ်သားများသည် သက--- မြို့၌ စစ်ရေး လှုပ်ရှားမှုပြုလုပ်ခဲ့ဖြင့် ၂၀၂၆ ခုနှစ်၊ မေလ ၈ ရက်နေ့တွင် သက--- မြို့ရှိရွာသားများမှ နယ်စပ်ဒေသသို့ ထွက်ပြေးတိမ်းရှောင်နေရကြရ သော ပုံကိုဖော်ပြထားပါသည်။ မြန်မာစစ်တပ်စစ်သားများသည် မြို့ထဲ သို့ချီတက်လာသည့်အချိန်တွင် သက--- မြို့တွင်းသို့ လက်နက်ကြီးများ ပစ်ခတ်ခြင်း၊ လေကြောင်းတိုက်ခိုက်မှုပြုလုပ်ခြင်းနှင့် ဒရုန်းတိုက်ခိုက် မှုပြုလုပ်ခဲ့ကြပါသည်။ ထို့အပြင် KNLA နှင့် မြန်မာစစ်တပ်ပူးပေါင်း တပ်ရင်း ၁၁ ခုတို့ကြား တိုက်ပွဲနေ့စဥ်ဖြစ်ပွားခဲ့ပါသည်။ ၂၀၂၆ ခုနှစ်၊ မေလ ၂၇ ရက်နေ့တွင် ထိုင်းနယ်စပ်အနီးတောထဲ၌ ရွာသားများထွက် ပြေးတိမ်းရှောင်နေကြရဆဲ ဖြစ်ပါသည်။ မိုးရာသီအချိန်ဖြစ်သော ကြောင့် ရွာသားများသည် လုံလောက်သည့် နေရာထိုင်ခင်းမရှိခြင်းအ ပြင် အစားအစာ၊ အဝတ်အစားနှင့် ဆေးဝါးများပြတ်လပ်ခြင်းတို့ ကြောင့် အခက်အခဲများဖြင့် ကြုံတွေ့နေကြရပါသည်။ (ဓာတ်ပုံ - KHRG)

ဤဓာတ်ပုံကို ၂၀၂၆ ခုနှစ်၊ ဇန်နဝါရီလတွင် မူတြော် (ဖာပွန်) ခရိုင်၊ ဘူးသိုမြို့နယ်၊ မယ်ကလောကျေးရွာအုပ်စု၊ ဘဟ--- ပြည်တွင်းနေရပ် ရွှေ့ပြောင်းနေထိုင်ရသူများ (IDP) နေရာ၌ ရိုက်ယူခဲ့ပါသည်။ မြန်မာ စစ်တပ်မှ ဘဃ--- ကျေးရွာသို့ လေကြောင်းတိုက်ခိုက်မှုများနှင့် လက် နက်ကြီးပစ်ခတ်မှုများ လတ်တလောပြုလုပ်ခဲ့သဖြင့် မယ်ကလော ကျေးရွာအုပ်စု၊ ဘဃ--- ကျေးရွာရှိ ရွာသားများ ထွက်ပြေးတိမ်းရှောင် ခဲ့ကြပါသည်။ ၂၀၂၆ ခုနှစ်၊ ဇန်နဝါရီလ ၁၅ ရက်နေ့ညဘက်တွင် မြန် မာစစ်တပ်မှ ဘဟ--- IDP နေရာသို့ ဒရုန်းဖြင့် ဗုံးနှစ်လုံးကြဲချခဲ့ပါ သည်။ ဤဗုံးကြဲတိုက်ခိုက်မှုကြောင့် စောည--- ၏ဘယ်ဘက်ခြေ‌ ထောက် ဒဏ်ရာရရှိသွားခဲ့ပါသည်။ ၎င်းအား မယ်ကလောကျေးရွာအုပ် စုရှိ KDHW စီမံအုပ်ချုပ်သော ဘသ--- ဆေးခန်းသို့ ပို့ဆောင်ပေးခဲ့ပါ သည်။ အဆိုပါဆေးခန်းတွင် ဆေးဝါးလုံလောက်မှုမရှိသဖြင့် ဘူးသိုမြို့ နယ်ရှိ အခြား KDHW ဆေးခန်းသို့ ၎င်းအားထပ်မံပို့ဆောင်ခဲ့ပါသည်။ ဒဏ်ရာရရှိပြီးသည့်နောက် စောည--- နှင့် ၎င်း၏မိသားစုတို့သည် အ သက်မွေးဝမ်းကြောင်းစိန်ခေါ်မှု အခက်အခဲများဖြင့် ကြုံတွေ့နေကြရပါ သည်။ ဤဓာတ်ပုံတွင် မြန်မာစစ်တပ်ဒရုန်းတိုက်ခိုက်မှု ဖြစ်ပွားသော နေရာ၌တည်ရှိသည့် ဘဟ--- IDP နေရာ၌ လတ်တလောဆောက်လုပ်ထားသည့် စစ်ဘေးရှောင်မိသားစုတစ်စု၏ တဲပုံဖြစ်ပါသည်။ (ဓာတ်ပုံ - KHRG)

ဤဓာတ်ပုံကို ၂၀၂၆ ခုနှစ်၊ ဖေဖော်ဝါရီလတွင် မူတြော်ခရိုင်၊ လူသော မြို့နယ်၊ ဖလာခို့ကျေးရွာအုပ်စု၊ ဘမ--- ကျေးရွာ၌ ရိုက်ယူခဲ့ပါသည်။ ၂၀၂၆ ခုနှစ်၊ ဖေဖော်ဝါရီလတွင် မြန်မာစစ်တပ်မှ ဖလာခို့ကျေးရွာအုပ် စုအတွင်းရှိ ကျေးရွာများသို့ လက်နက်ကြီးများပစ်ခတ်ခဲ့ပါသည်။ ဤ ဓာတ်ပုံတွင် ဖလာခို့ကျေးရွာအုပ်စု၊ ဘမ--- ကျေးရွာမှ မိသားစုတစ်စု သည် ဖလာခို့ကျေးရွာအုပ်စုတွင်းရှိ တောထဲတစ်နေရာ၌ ထွက်ပြေး တိမ်းရှောင်နေကြသောပုံကို ဖော်ပြထားပါသည်။ အဆိုပါစစ်ဘေး ရှောင်ရွာသားများသည် အသက်မွေးဝမ်းကြောင်းနှင့် ကျန်းမာရေး စောင့်ရှောက်မှု အခက်အခဲများကို ကြုံတွေ့နေကြရပါသည်။  (ဓာတ်ပုံ - ဒေသခံရွာသား)

ဤဓာတ်ပုံကို ၂၀၂၆ ခုနှစ်၊ မတ်လတွင် မူတြော်ခရိုင်၊ လူသောမြို့နယ်၊ တေးမူဒဲကျေးရွာအုပ်စု၊ ဘဝ--- ကျေးရွာ၌ ရိုက်ယူခဲ့ပါသည်။ ၂၀၂၆ ခုနှစ်၊ မတ်လ ၉ ရက်နေ့ ညနေ ၁း၁၅ မိနစ်တွင် မြန်မာစစ်တပ်၏တိုက်လေ ယာဥ်တစ်စီးမှ ဘဝ--- ကျေးရွာရှိ ရွာသားများ၏‌နေအိမ်များသို့ ပေါင် ၅၀၀ ဗုံးတစ်လုံးကြဲချခဲ့သဖြင့် ရွာသားသုံးဦးသေဆုံးသွားခဲ့ပြီး ငါးဦးဒဏ် ရာရရှိသွားခဲ့ပါသည်။ သေဆုံးသွားသည့်ရွာသားများသည် ရင်ဘက်နှင့် ညာဘက်ခြေထောက်တွင် လက်နက်ကြီးအပိုင်းအစထိမှန်သွားသော အ သက် ၇၀ နှစ်ရှိ နော်စျဒ---၊ ညာဘက်လက်မောင်းတွင် လက်နက်ကြီး အပိုင်းအစ ထိမှန်သွားသော အသက် ၄ နှစ်ရှိ မြေမလေးဖြစ်သူ နော်စျဃ--- နှင့် ဦးခေါင်းတွင် ဒဏ်ရာရရှိသွားသော အသက် ၅၇ နှစ်ရှိ နော်တခ--- တို့ဖြစ်ကြပါသည်။ Stronghold Rescue & Relief မှ နော်တခ--- အား ဆေးကုသမှုခံယူရန်သယ်ယူသွားစဥ် ဆေးရုံသို့မ‌ရောက်မီတွင် သေဆုံး သွားခဲ့ပြီး ထိုနေ့တစ်ညထဲတွင် သူမ၏ရုပ်အလောင်းအားမြှုပ်နှံရန်အ တွက် ဘဝ--- ကျေးရွာသို့ ပြန်သယ်ဆောင်လာခဲ့ကြပါသည်။ နော်တခ--- ၏သမီးနှစ်ဦးဖြစ်သည့် နော်စျဂ--- နှင့် ကိုယ်ဝန်ဆောင်နေသော နော်စျ ဟ--- (အသက် ၂၁ နှစ်) တို့လည်း ဒဏ်ရာရရှိသွားခဲ့ကြပြီး နော်စျဂ--- သည် ဦးခေါင်းတွင် ဒဏ်ရာအနည်းငယ်ရရှိခဲ့ကာ နော်ဟ--- သည် ရင် ဘက်တွင် ဒဏ်ရာရရှိသွားခဲ့ပါသည်။  နော်တခ--- ၏ သားမက်ဖြစ်သူ စော စျဧ--- (အသက် ၂၈ နှစ်) သည် ၎င်း၏ဝမ်းဗိုက်၊ ပုခုံးနှင့်ပေါင်တို့ တွင် ဒဏ်ရာရရှိသွားခဲ့ပါသည်။ စောစျသ--- (အသက် ၇၂ နှစ်) သည် ၎င်း၏ဦးခေါင်း၊ ကျောကုန်းနှင့် ခြေထောက်တို့တွင် ဒဏ်ရာရရှိသွားခဲ့ ပါသည်။ စောစျက--- (အသက် ၁၈ နှစ်) သည် ၎င်း၏ပေါင်တွင် ဒဏ်ရာ ရရှိသွားခဲ့ပါသည်။ အဆိုပါ လေကြောင်းတိုက်ခိုက်မှုကြောင့် နော်စျဒ---၊ နော်တခ---၊ နော်စျလ--- (အသက် ၄၈ နှစ်)၊ စောစျသ---၊ နော်စျမ--- (အသက် ၄၃ နှစ်)၊ နော်စျန--- (အသက် ၅၂ နှစ်) နှင့် နော်စျ ဝ--- (အသက် ၄၃ နှစ်) တို့ပိုင်ဆိုင်သည့် နေအိမ်ခုနှစ်လုံး ပျက်စီးသွားခဲ့ပါ သည်။ လေကြောင်းတိုက်ခိုက်မှုကြောင့် အိမ်မွေးတိရိစ္ဆာန်များလည်း သေဆုံးသွားခဲ့ပါသည်။ ဤဓာတ်ပုံသည် ရွာသားများမှ နော်စျဒ--- နော်စျ ဃ--- နှင့် နော်တခ--- တို့၏ရုပ်အလောင်းများကို မြှုပ်နှံရန်အတွက် စီစဥ် နေကြသောပုံကို ဖော်ပြထားပါသည်။ (ဓာတ်ပုံ - KHRG)

ဤဓာတ်ပုံများကို ၂၀၂၆ ခုနှစ်၊ မတ်လတွင် မူတြော်ခရိုင်၊ ဒွယ်လိုးမြို့နယ်၊ မာလေးလယ်ကျေးရွာအုပ်စု၊ ဘရ--- ကျေးရွာရှိ ဘခ--- ရွှေတူး ဖော်ရေးနေရာ၌ ရိုက်ယူခဲ့ပါသည်။ ၂၀၂၆ ခုနှစ်၊ မတ်လ ၁၁ ရက်နေ့ ညနေ ၃း၁၀ မိနစ်တွင် မြန်မာစစ်တပ်၏တိုက်လေယာဥ်တစ်စီးမှ ဘခ--- ရွှေတူးဖော်ရေးနေရာ၌ ပေါင် ၃၀၀ ဗုံးနှစ်လုံးအား ကြဲချခဲ့ပါသည်။ အဆိုပါလေကြောင်းတိုက်ခိုက်မှုကြောင့် အလုပ်သမားနှစ်ဦးဖြစ်သော ဒူးသ ထူခရိုင်၊ ဘီးလင်းမြို့နယ်မှ ကိုစျထ--- (အသက် ၁၆ နှစ်) နှင့် ဧရာဝတီတိုင်းမှ ဦးစျည--- (အသက် ၅၂ နှစ်) တို့နေရာတွင် ချက်ချင်းသေဆုံး သွားခဲ့ပါသည်။ အခြားအလုပ်သမား ၁၃ ဦးလည်းထိမှန် ဒဏ်ရာရရှိသွားခဲ့ပါသည်။ အဆိုပါထိခိုက်ဒဏ်ရာရရှိသွားခဲ့သူများသည် ဦးစျယ---၊ ဒေါ်စျစျ---၊ မောင်ယအ---၊ မယဘ---၊ မယဆ---၊ ‌ဒေါ်ယဒ---၊ ဒေါ်ယဃ---၊ မစက---၊ ယဂ---၊ မယဟ---၊ ယဧ---၊ ယသ--- နှင့်ယက--- တို့ဖြစ်ကြပါသည်။ အဆိုပါလေကြောင်းတိုက်ခိုက်မှုတွင် တဲလေးလုံး၊ ရေထိုးပိုက်စက်လေးလုံး၊ ဓာတ်ဆီတိုင်ဂီ ၂၀ လုံးနှင့် အခြားသောရွှေတူး‌ ဖော်ရေးစက်ပစ္စည်းများ ပျက်စီးသွားခဲ့ပါသည်။ ဘက်ဘက်ရှိဓာတ်ပုံသည် ရွှေတူးဖော်ရေးနေရာသို့ လေကြောင်းတိုက်ခိုက်မှုပြုလုပ်သော ပုံကိုဖော်ပြထားပါသည်။ ညာဖက်ရှိဓာတ်ပုံသည် ဒဏ်ရာရှိသွားခဲ့ကြသော ရွှေတူးဖော်ရေးအလုပ်သမားများကို လေကြောင်းတိုက်ခိုက်မှု ဖြစ်ပွား သည်နေ့ရာမှ သယ်ဆောင်သွားသောပုံကို ဖော်ပြထားပါသည်။ (ဘယ်ဘက်ပုံ - KHRG ၊ ညာဘက်ပုံ - ဒေသခံအာဏာပိုင်)

ဤဓာတ်ပုံများကို ၂၀၂၆ ခုနှစ်၊ ဧပြီလတွင် မူတြော်ခရိုင်၊ လူသောမြို့နယ်၊ ခဲပါထကျေးရွာအုပ်စု၊ ဘတ--- ကျေးရွာ၌ ရိုက်ယူခဲ့ပါသည်။ ၂၀၂၆ ခုနှစ်၊ ဧပြီလ ၁၅ ရက်နေ့ ညနေ ၄ နာရီမှ ညနေ ၅း၃၀ မိနစ်အထိ မြန်မာစစ်တပ်မှ ဘတ--- ကျေးရွာသို့ တိုက်လေယာဥ်နှင့် Y-12 လေယာဥ်များဖြင့် လေကြောင်းတိုက်ခိုက်မှုများကို အဆက်မပြတ်ပြုလုပ်ခဲ့သောကြောင့် ရွာသားသုံးဦးသေဆုံးသွားခဲ့ပြီး ၁၁ ဦးဒဏ်ရာရရှိသွားခဲ့ပါသည်။ သေဆုံးသွားသည့်ရွာသားသုံးဦးတို့သည် စောယလ--- (အသက် ၆၃ နှစ်)၊ စောယမ--- (အသက် ၂၈ နှစ်) နှင့် စောယန--- (အသက် ၄၃ နှစ်) တို့ဖြစ်ကြပါသည်။ ဒေသခံရွာသားများ၏ ပြောပြချက်အရ မြန်မာစစ်တပ်မှ ခလတ်စတာဗုံး၊ ပေါင် ၅၀၀ ဗုံးနှင့် ပေါင် ၃၀၀ ဗုံးများအပါအဝင် ခန့်မှန်းခြေအားဖြင့် ဗုံးအလုံးပေါင်း ၁၁၀ အား ကျေးရွာထဲသို့ ကြဲချခဲ့ပါသည်။ အဆိုပါလေယာဥ်မှ ဒုံးကျည်များ၊ အော်လီ ဂန်လက်နက်ကြီးများနှင့် ကျေးရွာတွင်းသို့ Y-12 ဖြင့်စက်သေနတ်များပစ်ခတ်ခဲ့ပါသည်။ အဆိုပါလေကြောင်းတိုက်ခိုက်မှုကြောင့် စာသင်ကျောင်း၊ ဆေးခန်းနှင့် ဘုရားရှိခိုးကျောင်းအဆောက်အအုံများပျက်စီးသွားခဲ့ပြီး ရွာသားများ၏နေအိမ်အနည်းဆုံး ၂၀ လုံးမီးလောင်သွားခြင်း၊ ကျေးရွာ တွင်းရှိနေအိမ်များအားလုံးနီးပါး ပျက်စီးသွားခြင်း၊ ကားအများ၊ စက်ပစ္စည်းများနှင့်ပိုင်ဆိုင်မှုများ ပျက်စီးသွားခဲ့ပါသည်။ အဆိုပါလေကြောင်း တိုက်ခိုက်မှုဖြစ်ပွားသည့်အချိန်တွင် ကျေးရွာအနီး သို့မဟုတ် ကျေးရွာထဲတွင် မည်သည့်တိုက်ပွဲမှ ဖြစ်ပွားခဲ့ခြင်းမရှိပါ။ ၂၀၂၆ ခုနှစ်၊ ဧပြီလ ၁၆ ရက်နေ့တွင် မြန်မာစစ်တပ်မှ ဘတ--- ကျေးရွာသို့ လေကြောင်းတိုက်ခိုက်မှု ထပ်မံပြုလုပ်ခဲ့သဖြင့် စောယဝ--- (အသက် ၅၄ နှစ်) ဒဏ်ရာ ရရှိသွားခဲ့ပါသည်။ လေကြောင်းတိုက်ခိုက်မှုပြီးသည့်နောက် ကျေးရွာထဲရှိရွာသားများနှင့် အနီးအနားကျေးရွာများရှိ ရွာသားများသည် တောထဲ သို့ထွက်ပြေးတိမ်းရှောင်ခဲ့ကြပြီး အချို့ရွာသားများသည် ထိုင်းနိုင်ငံသို့ ထွက်ပြေးခဲ့ကြပါသည်။ စစ်ဘေးရှောင်ရွာသားများသည် အစားအစာ၊ နေရာထိုင်ခင်း၊ ပညာရေးနှင့် ကျန်းမာရေးစောင့်ရှောက်မှုစသည့် စိန်ခေါ်မှုများဖြင့် ကြုံတွေ့နေကြရပါသည်။ ဘယ်ဘက်ရှိဓာတ်ပုံသည် မြန်မာစစ်တပ်မှ ဘတ--- ကျေးရွာသို့ လေကြောင်းတိုက်ခိုက်မှုအတွင်း ပျက်စီးမှုများကိုဖော်ပြထားပါသည်။ ညာဘက်ရှိဓာတ်ပုံသည် ကျရောက် ပေါက်ကွဲသွားသော ဗုံးတစ်လုံး၏အပိုင်းအစပုံကို ဖော်ပြထားပါသည်။[8] (ဓာတ်ပုံများ - KHRG)

ဤဓာတ်ပုံကို KHRG မှ ၂၀၂၆ ခုနှစ်၊ ဇန်နဝါရီလ ၂၁ ရက်နေ့တွင် ဒူးပလာယာခရိုင်၊ နို့တကောမြို့နယ်၊ တခါ့ကလိုး (ကြခတ်ချောင်း) ကျေးရွာအုပ်စု၊ ဘဖ--- ကျေးရွာရှိ ဒေသခံခေါင်းဆောင်တစ်ဦးထံမှ လက်ခံရရှိခဲ့ပါသည်။ ဤဓာတ်ပုံသည် ၂၀၂၆ ခုနှစ်၊ ဇန်နဝါရီလ ၂၀ ရက်နေ့တွင် ဘဖ--- ကျေးရွာရှိ ရော်ဘာခြံထဲ၌ မြန်မာစစ်တပ်၏ ခလရ အမှတ် (၂၈၄) မှစစ်သားများ၏ စက်သေနတ်ဖြင့် ပစ်ခတ်ခြင်း ကိုခံရပြီး သေဆုံးသွားခဲ့သော မယပ--- (အသက် ၄၁ နှစ်) ၏ ရုပ်အ လောင်းကို ဖော်ပြထားပါသည်။ မယပ--- သည် သူမ၏ ဘယ်ဘက်နား ရွက်အောက်တွင်ထိမှန်ကာ ချက်ချင်းသေဆုံးသွားခဲ့ပါသည်။ အဆိုပါ ပစ်သတ်မှုပြီးသည့်နောက် ဘဖ--- ကျေးရွာမှရွာသားများသည် ၎င်းတို့ ၏နေအိမ်များမှ ထွက်ပြေးတိမ်းရှောင်ခဲ့ကြပါသည်။[10] (ဓာတ်ပုံ - ဒေသ ခံခေါင်းဆောင်)

ဤဓာတ်ပုံကို ၂၀၂၆ ခုနှစ်၊ မတ်လတွင် ဒူးသထူခရိုင်၊ နို့တကောမြို့နယ်၊ လေးဝါ့ခကျေးရွာအုပ်စု၊ ဘည--- ကျေးရွာ၌ ရိုက်ယူခဲ့ပါသည်။ ၂၀၂၆ ခုနှစ်၊ မတ်လ ၂၀ ရက်နေ့ မနက် ၁၀ နာရီဝန်းကျင် ခန့်တွင် မြန်မာစစ်တပ်မှ နို့တကောမြို့နယ်၊ ကြာအင်းဆိပ်ကြီးမြို့ရှိ စစ်ဆေးရေးတစ်ခု၌ လူငယ်လေးဦးအား ဖမ်းဆီးကာပြင်းထန်စွာရိုက် နှက်ခဲ့ပါသည်။ အဆိုပါရွာသားလေးဦးဖြစ်ကြသော စောယ ခ--- (အ သက် ၂၂ နှစ်)၊ စောယရ--- (အသက် ၁၈ နှစ်)၊ စောယစ--- (အသက် ၁၆ နှစ်) နှင့် စောယတ--- (အသက် ၁၉ နှစ်) တို့အား လက်နက်ကိုင် တော်လှန်ရေးတပ်ဖွဲ့နှင့် ဆက်နွယ်ပတ်သက်ကြောင်း မြန်မာစစ်တပ်မှ စွပ်စွဲပြီးနောက် ၎င်းတို့အား စစ်ဆေးရေးဂိတ်တွင် ဖမ်းဆီးခဲ့ပါသည်။ အဆိုပါလူငယ်လေးဦးသည် ၎င်းတို့၏သူငယ်ချင်း အမျိုးသမီးနှစ်ဦးကို ကြာအင်းဆိပ်ကြီးမြို့မှတဆင့် အခြားသောကျေးရွာသို့ လိုက်ပါပို့ ဆောင်ပေးခဲ့ကြပါသည်။ အဆိုပါအမျိုးသမီးနှစ်ဦးသည် ဖမ်းဆီးမခံရ ကြပဲ ဒေသခံအာဏာပိုင်တစ်ဦးထံမှ အကူအညီတောင်းကာ ၎င်းမှ ဖမ်းဆီးခံထားရသော ရွာသားလေးဦးသည် မည်သည့်လက်နက်ကိုင် တော်လှန်ရေးအဖွဲ့ နှင့်ပတ်သက်မှုမရှိကြောင်း မြန်မာစစ်တပ်ထံပြော ပြခဲ့ပါသည်။ ထို့နောက် ၂၀၂၆ ခုနှစ်၊ မတ်လ ၂၀ ရက်နေ့ ဖမ်းဆီး ခံရပြီးသည့် နာရီအနည်းငယ်ကြာပြီးနောက် မနက် ၁၁ နာရီ‌တွင် ၎င်းတို့ပြန်လည်လွတ်မြောက်လာခဲ့ပါသည်။ ဤဓာတ်ပုံတွင် မြန်မာစစ် တပ်၏စစ်သားများမှ စောယခ--- အားတုတ်တစ်ချောင်းဖြင့် ရိုက်နှက် ပြီးသည့်နောက် ၎င်း၏ကျောပြင်ဘက်တွင် ရိုက်နှက်ဒဏ်ရာထင်ကျန် နေသောပုံကို ဖော်ပြထားပါသည်။[11] (ဓာတ်ပုံ - KHRG)

ဤဓာတ်ပုံများကို ၂၀၂၆ ခုနှစ်၊ မေလတွင် ဒူးပလာယာခရိုင်၊ နို့တကော မြို့နယ်၊ နို့တ‌ကောကျေးရွာအုပ်စု၊ ဘစျ--- ကျေးရွာ၌ ရိုက်ယူခဲ့ပါသည်။ ၂၀၂၆ ခုနှစ်၊ မေလ ၂၄ ရက်နေ့ ညနေ ၁၂း၃၀ ဝန်းကျင်ခန့်တွင် မြန်မာစစ်တပ်၏တိုက်လေယာဥ်တစ်စီးမှ ဘစျ--- ကျေးရွာသို့ ပေါင် ၅၀၀ ဗုံးနှစ်လုံးကြဲချခဲ့ပါသည်။ ဗုံးတစ်လုံးသည် ဒေါ်ယည--- (အသက် ၄၅ နှစ်) ၏နေအိမ်နှင့် စားသောက်ဆိုင်တစ်လုံးပေါ် ကျရောက်ပေါက်ကွဲ ခဲ့ဖြင့် ရွာသားသုံးဦးသေဆုံးသွားခဲ့ပြီး နှစ်ဦးဒဏ်ရာရရှိသွားခဲ့ပါသည်။ အဆိုပါ လေကြောင်းတိုက်ခိုက်မှုကြောင့် ဆိုင်ပိုင်ရှင် ဒေါ်ယည---၊ သူမ၏ဆိုင်ဝန် ထမ်းယယ--- (အသက် ၃၉ နှစ်) နှင့် ဧည့်သည်‌ဒေါ်ယစျ--- (အသက် ၄၉ နှစ်) တို့အားလုံး သေဆုံးသွားခဲ့ပါသည်။ စားသောက် ဆိုင်တွင် အလုပ်လုပ် သော ယယ--- ၏သမီး မညအ--- (အသက် ၁၆ နှစ်) သည် သူမ၏ညာဘက်ခြေထောက်တွင် ပြင်းထန်စွာဒဏ်ရာ ရရှိသွားခဲ့ပါသည်။ ပြင်းထန်စွာ ဒဏ်ရာရရှိပြီးသည့်နောက် ထိုင်းနိုင်ငံရှိ ဆဘ--- ဆေးရုံသို့ သူမကိုလွှဲ ပြောင်းခြင်းမပြုမီ သူမကို ဆအ--- ဆေးခန်းသို့ပို့ဆောင်ပေးခဲ့ပါသည်။ အခြားရွာသားတစ်ဦးဖြစ်သော ဦးညဘ--- (အသက် ၆၂ နှစ်) သည် ၎င်း၏ဦးခေါင်းတွင် ဒဏ်ရာအနည်း ငယ်ရရှိသွားခဲ့ပါသည်။ အဆိုပါလေ ကြောင်းတိုက်ခိုက်မှုကြောင့် အခြားရွာသားနှစ်ဦး၏နေအိမ်များနှင့် ကားတစ်စီးပျက်စီးသွားခဲ့ပါသည်။ လေကြောင်းတိုက်ခိုက်မှုသည် ကိုယ်ထူကိုယ်ထအလယ်တန်းစာ သင်ကျောင်းတစ်လုံး၏အနီးတွင် ဖြစ်ပွားခဲ့သောကြောင့် ဘေးကင်း လုံခြုံရန်အတွက် ထိုစာသင်ကျောင်းကို ပိတ်ခဲ့ရပါသည်။ အဆိုပါ လေကြောင်းတိုက်ခိုက်မှုပြီးသည့်‌နောက် အချို့ရွာသားများသည် ထွက်ပြေးတိမ်းရှောင်ကာ ပို၍လုံခြုံသောနေရာတွင် အိပ်ခဲ့ကြပါ သည်။ အထက်ဘယ်ဘက်ဓာတ်ပုံတွင် ဒေါ်ယစျ--- ၏ခန္ဓာကိုယ်ပုံကို ဖော်ပြထားပြီး အထက်ညာဘက်ဓာတ်ပုံနှင့် အောက်ဘက်ဓာတ်ပုံ တို့တွင် ပျက်စီးသွားသော ဒေါ်ယည--- ၏စျေးဆိုင်နှင့်အိမ်ပုံတို့ကို ဖော်ပြထားပါ သည်။ (ဓာတ်ပုံများ - KHRG)

ဤဓာတ်ပုံကို ၂၀၂၆ ခုနှစ်၊ မတ်လတွင် ဘားအံခရိုင်၊ တနေးဆား (နဘူး) မြို့နယ်၊ ထို့ကော်ကိုးကျေးရွာအုပ်စု၊ တရ--- ကျေးရွာ၌ ရိုက်ယူခဲ့ပါသည်။ ဤဓာတ်ပုံတွင် တရ--- ကျေးရွာသို့ ထွက်ပြေးတိမ်း ရှောင်သည့် ဆဂ--- ကျေးရွာနှင့် ဆဟ--- ကျေးရွာမှ အိမ်ထောင်စု နှစ်ဆယ်၏ ဆောက်လုပ်ထားသော တဲများ၏ပုံကို ဖော်ပြထားပါ သည်။ ၂၀၂၆ ခုနှစ်၊ ဇန်နဝါရီလမှစ၍ ၂၀၂၆ ခုနှစ်၊ မတ်လ နောက်ပိုင်းအထိ မြန်မာစစ်တပ်မှ လေကြောင်းတိုက်ခိုက်မှုများကို ကျေးရွာများသို့ပြုလုပ်ခဲ့သဖြင့် ရွာသားများသည် နေရာဒေသအသီး သီးသို့ ထွက်ပြေးတိမ်းရှောင်ခဲ့ကြပါသည်။ အချို့ရွာသားများသည် တောထဲသို့ ထွက်ပြေးတိမ်းရှောင်ခဲ့ကြပြီး ရွာသားအများစုသည် ဆဧ--- ကျေးရွာနှင့် တရ--- ကျေးရွာသို့ ထွက်ပြေးတိမ်းရှောင်ခဲ့ကြပါ သည်။  (ဓာတ်ပုံ - KHRG)

ဤဓာတ်ပုံများကို ၂၀၂၆ ခုနှစ်၊ မတ်လ ၂၇ ရက်နေ့တွင် ဘားအံခရိုင်၊ တနေးဆားမြို့နယ်၊ နို့ကေ့ကျေးရွာအုပ်စု၊ ဆဂ--- ကျေးရွာရှိ ဒေသခံ ရွာသားတစ်ဦးထံမှ လက်ခံရရှိခဲ့ပါသည်။ ဤဓာတ်ပုံများသည် ၂၀၂၆ ခုနှစ်၊ မတ်လ ၂၀ ရက်နေ့တွင် မြန်မာစစ်တပ်၏တိုက်လေယာဥ်တစ်စီးမှ ဆဂ--- ကျေးရွာသို့ဗုံးကြဲချိန်၌ ဆဂ--- ကျေးရွာရှိ ဘုန်းကြီးကျောင်းအဆောက်အအုံပျက်စီးသွားသည်ပုံများကို ဖော်ပြထားပါသည်။ ပထမဗုံး ပေါက်ကွဲမှုတွင် ဘုန်းကြီးကျောင်းအ‌ဆောက်အအုံ၏ ဒုတိယအထပ်နှင့် တတိယအထပ်ပျက်စီးသွားခဲ့ပါသည်။ ရွာသားများနှင့်ဘာသာရေးခေါင်း ဆောင်များသည် ကြောက်ရွံ့၍ကျေးရွာမှ ထွက်ပြေးနှင့်ပြီးဖြစ်သောကြောင့် ဒဏ်ရာရရှိသူများမရှိခဲ့ပါ။ ခဏကြာပြီးနောက် လေယာဥ်သည် ထို နေရာဒေသသို့ ပျံဝဲကာ ဆဂ--- ကျေးရွာရှိလမ်းမပေါ်သို့ ဗုံးများထပ်မံကြဲချခဲ့သဖြင့် တဲတစ်လုံးနှင့် စျေးဆိုင်တစ်လုံးမီးလောင်သွားခဲ့ပါသည်။ (ဓာတ်ပုံများ - ဒေသခံရွာသား)