တၢ်ကဲထီၣ်သးအကလုာ်

ကဘီယူၤခးလီၤတၢ်. [ကီၢ်ပယီၤသုးကဘီယူၤခးလီၤတၢ်အဃိဘၣ်သံသဝီဖိတဂၤ, ဘၣ်ဒိသဝီ ဖိခံဂၤ, ဒီးဘၣ်ဒိဟးဂီၤစ့ၢ်ကီးသဝီဖိဟံၣ် (၃) ဖျၢၣ်ဒီးသီခါဖၠၢ်တဖျၢၣ်န့ၣ်လီၤ.]

တၢ်ကဲထီၣ်သးမုၢ်နံၤမုၢ်သီ

လါယနူၤအါရံၤ ၂၄ သီ, ၂၀၂၆ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

အအ--- သဝီ, မၠၣ်ပကိကရူၢ်, မူဟီၣ်ကဝီၤလီၤဆီ, မူကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်.

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

အူအ---

အူဘ---

မၣ်ဆ---

သးနံၣ်

၇၅ နံၣ်

၅၅ နံၣ်

၂၇ နံၣ်

မုၣ်/ ခွါ

ခွါ

ခွါ

မုၣ်

ကလုာ်

[ပယီၤ]

[ပယီၤ]

[ပယီၤ]

ထီၣ်ပှၢ် / သဘျ့  

[ထီၣ်ပှၢ်]

တသ့ၣ်ညါ

တသ့ၣ်ညါ

တၢ်ဖံးတၢ်မၤ

တသ့ၣ်ညါ

တသ့ၣ်ညါ

တသ့ၣ်ညါ

တၢ်ဘူၣ်တၢ်ဘါ

တသ့ၣ်ညါ

တသ့ၣ်ညါ

တသ့ၣ်ညါ

တၢ်ဟံးမူဒါ/ လီၢ်လၤ

ပှၤခူၣ်လီၤပှၤသံ

တသ့ၣ်ညါ

တသ့ၣ်ညါ

အိၣ်ဆိးဒူသဝီ

အအ--- သဝီ, မၠၣ်ပကိကရူၢ်, မူ ဟီၣ်ကဝီၤလီၤဆီ, မူကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်.

အအ--- သဝီ, မၠၣ်ပကိကရူၢ်, မူ ဟီၣ်ကဝီၤလီၤဆီ, မူကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်.

အအ--- သဝီ, မၠၣ်ပကိကရူၢ်, မူ ဟီၣ်ကဝီၤလီၤဆီ, မူကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်.

ၦၤလၢအမၤအၢပယွဲတၢ်တဂၤအဂ့ၢ်အကျိၤ

ကဘီယူၤကလုာ်

သုးဂံၢ်ထံး

အိၣ်သူၣ်လီၤသးလီၢ်ကျဲ / သုးကလၢၤ

အခိၣ်အမံၤဒီးလီၢ်လၤ

ကဘီယူၤဒုးသုး

ပယီၤသုးမီၤစိရိၤကလံၤသုး

တသ့ၣ်ညါ

မ့အီၤလဲၤ [သုးခိၣ်ကျၢၢ်ထိအီၤ, ကီၢ်ပယီၤသုး ကလံၤသုးအသုးခိၣ်ကျၢၢ်]

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ဘၣ်ဃးဒီးတၢ်ကဲထီၣ်သးတခါအံၤ, ယ [KHRG ပျီပူၤပှၤမၤတၢ်ဖိ] ဆဲးကျိးသံကွၢ် အအ--- သဝီဖိ, ကိၤဧ---, ဒီးအဝဲတဲဘၣ်ယၤ ဘၣ်ဃးတၢ်ကဲထီၣ်သးအဂ့ၢ်အံၤန့ၣ်လီၤ. ယ [KHRG ပျီပူၤပှၤမၤတၢ်ဖိ] လဲၤဆူ အအ--- သဝီဒီးမၤတၢ်ထံၣ်လိာ်သံကွၢ်ဒီးပှၤတူၢ် ဘၣ်တၢ်အဟံၣ်ဖိဃီဖိတဂၤ, မၣ်တ--- န့ၣ်လီၤ. ယ [KHRG ပျီပူၤပှၤမၤတၢ်ဖိ] ဒိန့ၢ်စ့ၢ်ကီးတၢ်ကဲထီၣ်သးတၢ်ဂီၤသ့ၣ်တဖၣ်န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ပှၤလၢအဟ့ၣ်ယၤတၢ်ဂ့ၢ်တၢ်ကျိၤတဖၣ်မ့ၢ်ဝဲ KNU [ကညီဒီကလုာ်စၢဖှိၣ်ကရၢ] လီၢ်ကဝီၤပှၤဘၣ်မူဘၣ်ဒါသ့ၣ်တဖၣ်လၢဟီၣ်က ဝီၤဖဲန့ၣ်ဒီး [သဝီဖိလၢအဟ့ၣ်ယၤတၢ်ဂ့ၢ်တၢ်ကျိၤတဖၣ်] တနီၤန့ၣ်မ့ၢ်ဝဲပှၤတူၢ်ဘၣ်တၢ်လၢအထံၣ်ထွဲတၢ်ကဲထီၣ်သးအံၤန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၦဲၤၦဲၤတက့ၢ်.

ဖဲလါယနူၤအါရံၤ ၂၄ သီ, ၂၀၂၆ နံၣ်, ဂီၤခီ ၁၁း၁၅ အဆၢကတီၢ်, ပယီၤသုးမီၤစိရိၤကဘီယူၤဒုးသုးတဘ့ၣ်ဟဲတ့ၢ်လီၤဝဲမ့ၣ်ပိၢ် (၄) ဖျၢၣ်ဆူ အအ--- သဝီ, မၠၣ်ပကိကရူၢ်, မူဟီၣ်ကဝီၤလီၤဆီ, မူကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်အပူၤန့ၣ်လီၤ. မ့ၣ်ပိၢ်ခဲလၢာ်လီၤ တဲာ်ပိၢ်ဖးထီၣ်ဖဲသဝီတဖျၢၣ်န့ၣ်အပူၤန့ၣ်လီၤ. ခီဖျိလၢကဘီယူၤဟဲခးလီၤတၢ်အံၤအဃိ အူဘ--- ဘၣ်ဒိဝဲဒီးမ့ၣ်ပိၢ်အက့ဖဲအအိၣ် လၢအဟံၣ်ပူၤအဆၢကတီၢ်ဒီး အူအ--- ဘၣ်ဝဲဒီးမ့ၣ်ပိၢ်အက့ဖဲအဆ့ၣ်နီၤအိၣ်ဒီးအဟံၣ်ဖိဃိဖိဖဲအဟံၣ်ဖီလာ်အဆၢကတီၢ်ဒီး မၣ်ဆ--- ဘၣ်ဝဲဒီးမ့ၣ်ပိၢ်အက့ဖဲအအိၣ်လၢအဟံၣ်ပူၤအဆၢကတီၢ်န့ၣ်လီၤ. လၢန့ၣ်အမဲာ်ညါသဝီဖိဟံၣ် (၃) ဖျၢၣ်ဒီးသီခါဖၠၢ်တ ဖျၢၣ်လၢအအိၣ်ဖဲသဝီပူၤတဖၣ်ဘၣ်ဒိဟးဂီၤဝဲဒၣ်န့ၣ်လီၤ. တၢ်သံတၢ်ပှၢ်, တၢ်ဘၣ်ဒိဘၣ်ထံး, ဒီးတၢ်ဟးဂူာ်ဟးဂီၤအိၣ်ထီၣ်ဝဲဖဲသ ဝီတဖျၢၣ်အံၤအပူၤခီဖျိသဝီဖိသ့ၣ်တဖၣ်တသ့ၣ်ညါဆိဝဲလၢကဘီယူၤဒုးသုးတဘ့ၣ်အံၤကဟဲခးလီၤတၢ်အဃိဘၣ်န့ၣ်လီၤ. [ဖဲ တၢ်ကဲထီၣ်သးအံၤအဆၢကတီၢ်တၢ်ဒုးတၢ်ယၤကဲထီၣ်အသးတအိၣ်ဘၣ်န့ၣ်လီၤ.]

သဝီဖိတဂၤလၢအဘၣ်သံဒီးကဘီယူၤဟဲခးလီၤတၢ်အံၤန့ၣ်မ့ၢ်ဝဲ အူဘ--- လၢအသးနံၣ်အိၣ် (၅၅) နံၣ်တဂၤဒီးသဝီဖိလၢ အဘၣ်ဒိ ဒီးကဘီယူၤဟဲခးလီၤတၢ်အံၤန့ၣ်မ့ၢ်ဝဲ အူအ--- လၢအသးနံၣ်အိၣ် (၇၅) နံၣ်တဂၤ ဒီး မၣ်ဆ--- လၢအသးနံၣ်အိၣ် (၂၇) နံၣ်တဂၤ န့ၣ်လီၤ. ကျိဖးဒိၣ်အက့ဘၣ်ဝဲ အူဘ--- အချၢဃံဒီးအဝဲဘၣ်ဒိဝဲနးနးကလဲာ်န့ၣ်လီၤ. အူအ--- အစုဒုၣ်လၢအထွဲတပၤဘၣ်ဒိဝဲဒီးမ့မ့ၢ်မၣ်ဆ--- တခီအဘိးပၤအထွဲဘၣ်ဒိဝဲတဆံးတက့ၢ်န့ၣ်လီၤ. လၢန့ၣ်အမဲာ်ညါဟံၣ် တဖၣ်လၢအမ့ၢ် အူဘ---- အဟံၣ်, ဒီၤဝ--- အဟံၣ်, ဒီးအူအ--- အဟံၣ်ခိၣ်ဒုးထးဝါတဖၣ်ဒီးအဒူၣ်သ့ၣ်တဖၣ်ဘၣ်ဒိဟး ဂီၤကွံာ်ဝဲဒၣ်ဒီးသီခါဖၠၢ်အဒူၣ်စ့ၢ်ကီးဘၣ်ဒိဟးဂီၤ ဝဲတဆံးတက့ၢ်န့ၣ်လီၤ.

ကဘီယူၤခးလီၤတၢ်ဝံၤအလီၢ်ခံသဝီဖိသ့ၣ်တဖၣ်လဲၤဆှၢဝဲ အူအ--- ဒီး အူဘ--- ဆူ အဘ--- တၢ်ဆါဟံၣ်ဒီးသိလ့ၣ်ဒ်သိးကဒိး န့ၢ်ဘၣ်တၢ်ကူစါယါဘျါအဂီၢ်န့ၣ်လီၤ. တၢ်ဆါဟံၣ်တဖျၢၣ်အံၤအိၣ်သူၣ်လီၤအသးဖဲ အဘ--- သဝီ, ကၠီၤပၠၤကရူၢ်, မူဟီၣ်ကဝီၤလီၤ ဆီအပူၤဒီးဘၣ်တၢ်ပၢဆှၢအီၤလၢ KDHW [ကညီဆူၣ်ချ့မၤစၢၤဝဲၤကျိၤ]န့ၣ်လီၤ. မ့မ့ၢ်လၢ မၣ်ဆ--- တခီအဝဲဒိးကူစါယါဘျါဒၣ် အသးလၢသဝီဖိအဂၤတဂၤအအိၣ်ဖဲသဝီပူၤခီဖျိဘၣ်ဒိဘၣ်ထံးဒၣ်ထဲတဆံးတက့ၢ်ဧိၤန့ၣ်လီၤ. အူဘ--- အံၤသံကွံာ်ဝဲဖဲပှၤလဲၤ ဆှၢအီၤဆူတၢ်ဆါဟံၣ်ဝံၤအလီၢ်ခံဖဲဟါလီၤခီအဆၢကတီၢ်တနံၤဃီဒီးကဘီယူၤဟဲခးလီၤတၢ်အနံၤန့ၣ်လီၤ. လွံၢ်သီပူၤကွံာ်အလီၢ် ခံဖဲ လါယနူၤအါရံၤ ၂၈ သီ အနံၤန့ၣ် အူအ--- ကိညၢ်လီၤက့ၤဒီးစံၣ်လီၤကွံာ်လၢတၢ်ဆါဟံၣ်န့ၣ်လီၤ. အူအ--- တဟ့ၣ်ဘၣ်ဝဲတၢ် ကူစါယါဘျါအပှ့ၤဘၣ်န့ၣ်လီၤ. တၢ်ကဲထီၣ်သးဝံၤအလီၢ်ခံသဝီဖိကိးဂၤဒဲးပျံၤဝဲလၢကဘီယူၤကဟဲဒီးခးလီၤကဒီးတၢ်အသီတ ဘျီန့ၣ်လီၤ. လၢတၢ်န့ၣ်အဃိသဝီဖိတနီၤဃ့ၢ်ကွံာ်ဝဲဆူအတၢ်ဖံးအီၣ်မၤအီၣ်အလီၢ် [တၢ်သူၣ်တၢ်ဖျးလီၢ်ဒီးစံာ်ပျီ], ဒီးသဝီဖိတနီၤ ဃ့ၢ်ကွံာ်ဆူသဝီလၢအအိၣ်ဘူးဒ်အမ့ၢ် ဘအ--- ဒီး ဘဘ--- သဝီတဖၣ်န့ၣ်လီၤ. မ့မ့ၢ်သဝီဖိလၢအတဃ့ၢ်ထီၣ်ကွံာ်တဖၣ်တခီအ ဝဲသ့ၣ်ဘၣ်အိၣ်လၢတၢ်ပျံၤတၢ်ဖုးအပူၤဒီးတနီၤန့ၣ်ဖဲမုၢ်နၤခီအဆၢကတီၢ်မံဒၣ်လၢတၢ်ပူၤန့ၣ်လီၤ.

အူအ--- အဖိမုၣ်, မၣ်တ--- စံးဝဲ, “ယနၢ်ဟူဖိသၣ်တဖၣ်ကိးပသူထီၣ်, ‘ကဘီယူၤဟဲလံ’ ဒီးတချုးဒံးလၢယလဲၤနုာ်လီၤတုၤလၢ တၢ်ပူၤဒံးဘၣ်န့ၣ်မ့ၣ်ပိၢ်သ့ၣ်တဖၣ်လီၤတုၤဝဲလံလီၤ. မ့ၣ်ပိၢ်ပိၢ်ဖးထီၣ်ဝံၤအလီၢ်ခံပပျံၤတၢ်ဖုးတၢ်ဒီးပဃ့ၢ်လီၤ. ဝံၤအလီၢ်ခံပ မုဂါကိးပှၤဒီးစံးဘၣ်ပှၤလၢပပၢ် [အူအ---] ဘၣ်လံဒီးအဝဲမၢပကိးဖိသၣ်သ့ၣ်တဖၣ်ဒီးဃ့ၢ်ဆူ [ဟံၣ်] လီၢ်ခံတကပၤလီၤ. လၢတၢ် န့ၣ်အဃိပဃ့ၢ်ဆူတၢ်လီၢ်ခံတပၤလီၤ. ဘၣ်မနုၤအဃိအဝဲသ့ၣ် [ကီၢ်ပယီၤသုး] ဟဲခးလီၤတၢ်ဒီးကဘီယူၤလဲၣ်န့ၣ်ယတသ့ၣ် ညါဘၣ်. […] ကဘီယူၤဟဲခးလီၤတၢ်ဝံၤအလီၢ်ခံပဘၣ်ပလီၢ်ပသးလၢကဘီယူၤကလုၢ်ဒီးကျိဖးဒိၣ်ကလုၢ်လီၤ. ပမ့ၢ်နၢ်ဟူတၢ်က လုၢ်သီၣ်န့ၣ်ပဃ့ၢ်နုာ်ဆူတၢ်ပူၤလီၤ. ပဘၣ်အိၣ်ဒၣ်ဒ်န့ၣ်လီၤ. ခီဖျိလၢကဘီယူၤဟဲခးလီၤတၢ်အံၤအဃိယတူၢ်ဘၣ်တၢ်တဘံၣ်တ ဘၢဘၣ်ဒီးယပျံၤတၢ်ဒိၣ်မးတုၤယအီၣ်မ့ၤတနုာ်လၢၤဘၣ်လီၤ. ယမံလၢတၢ်ပူၤလၢသဝီဖိအဂၤတဂၤအဟံၣ်လီၤ. အဝဲသ့ၣ်မၢယမံ လၢဟံၣ်ပူၤဘၣ်ဆၣ်ယမံလၢဟံၣ်ပူၤတဘူၣ်ဘၣ်အဃိယမံဒၣ်လၢတၢ်ပူၤလီၤ.”

ခီဖျိလၢပယီၤသုးမီၤစိရိၤခးလီၤကျိဖးဒိၣ်, ခးလီၤတၢ်ဒီးဒြိ, ဒီးခးလီၤတၢ်ဒီးကဘီယူၤဒ်အံၤအဃိထံဖိကီၢ်ဖိလၢအအိၣ်ဖဲမူဟီၣ်က ဝီၤလီၤဆီပူၤတဖၣ်အါဒၣ်တက့ၢ်ဘၣ်ဃ့ၢ်မှံဟးဖျိးအဃိအဝဲသ့ၣ်ဘၣ်ကွၢ်ဆၢၣ်မဲာ်ဝဲဒီးတၢ်ကီတၢ်ခဲဒ်အမ့ၢ်တၢ်အိၣ်ကဒုလီၢ်, တၢ် အီၣ်တၢ်အီၣ်တကူတယၢ, တၢ်ဆူးတၢ်ဆါသ့ၣ်တဖၣ်, ဒီးအဝဲသ့ၣ်တဖၣ်ထီဘိဘၣ်အိၣ်လၢတၢ်ပျံၤတၢ်ဖုးတၢ်ဘၣ်ယိၣ်ဘၣ်ဘှီအ ပူၤန့ၣ်လီၤ.

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပက သူတၢ်ဂ့ၢ်အံၤလၢကျဲဒ်လဲၣ်.

ပှၤလၢအဟ့ၣ်ပှၤတၢ်ဂ့ၢ်တၢ်ကျိၤ မၣ်တ--- ဒီးပှၤတူၢ်ဘၣ်တၢ်အဂၤခံဂၤအဟံၣ်ဖိဃီဖိတဖၣ်ဟ့ၣ်ပှၤ [KHRG] အခွဲးလၢလၢပှဲၤပှဲၤ လၢပကသူတၢ်ဂ့ၢ်တၢ်ကျိၤအံၤန့ၣ်လီၤ.