၂၀၂၆ ခုနှစ်၊ မတ်လ ၁၅ ရက် တနင်္ဂနွေနေ့ နေ့လယ် (၁)နာရီအချိန်တွင် နိုင်ငံတော်စီမံအုပ်ချုပ်ရေးကောင်စီ (SAC) ဖြစ် သောမြန်မာစစ်တပ်သည် တောအူး (တောင်ငူ)ခရိုင်၊ ထောတထူ (ထန်းတပင်)မြို့နယ်၊ ဇရပ်ကြီးတောင်ခြမ်းကျေးရွာ အုပ်စု၊ အအ--- ကျေးရွာရှိ ကရင်အမျိုးသားအစည်းအရုံး (KNU) အခွန်ကောက်ဂိတ်ကို ဒရုန်းဖြင့်တိုက်ခိုက်၍ ရွာသား နှစ်ဦးဖြစ်သည့် ဦးအ--- (၆၅ နှစ်) နှင့်ဦးဘ---တို့အား ထိမှန်ဒဏ်ရာရရှိခဲ့သည်။ (ဒရုန်းတိုက်ခိုက်မှုဖြစ်ပွားသည့်အချိန် တွင် ထိုဒေသအတွင်း တိုက်ပွဲဖြစ်ပွားခြင်းမရှိခဲ့ပါ။)

ဦးအ---နှင့်သူ၏သူငယ်ချင်းဖြစ်သူ ဦးဘ---တို့သည် အဆိုပါအခွန်ကောက်ဂိတ်၏ညာဖက်တစ်နေရာတွင် အတူတူထိုင် ၍ သတင်များကြည့်နေခဲ့သည်။ ၎င်းတို့၏အခြားသူငယ်ချင်းဖြစ်သူ ဦးစ---သည်လည်း ထိုဂိတ်၏ဘယ်ဖက်တစ်နေရာ တွင် ထိုင်နေခဲ့သည်။ ထိုဂိတ်၏ဘေးဘက်တွင် သဲအိတ်များ၊ ကျောက်အိတ်များဖြင့် ကာထားပါသည်။ နေ့လယ် (၁)နာရီ အချိန်တွင် SAC စစ်တပ်စခန်းမှ ဒရုန်းတစ်စီးသည် ဗုံး (၃)လုံးလာရောက်ကြဲချခဲ့သည်။ ပထမဗုံးတစ်လုံးသည် ထိုဂိတ်၏ ဘေးတွင်ထားထားသည့်သဲအိတ်များ၊ ကျောက်အိတ်များအပေါ်တွင် ကျရောက်ပေါက်ကွဲပြီး ဗုံးအတိုအစများ လွှင့်စင်၍ ဦးအ---နှင့်ဦးဘ---တို့အား ထိမှန်ကာ ဒဏ်ရာရရှိခဲ့သည်။ ဦးအ--- သည် သူ၏ဗိုက်နှင့်ညာဖက်ညှပ်ရိုးတွင် ဒဏ်ရာပြင်း ထန်စွာရရှိပြီး ဦးဘ---မှာမူ သူ၏လက်မောင်းတွင်အနည်းငယ်သာ ပွန်းခဲ့သည်။ ဂိတ်နားတွင်ရပ်ထားသည့် ဆိုင်ကယ်များလည်း ဗုံးစများထိမှန်၍ ပွန်းပဲ့ပျက်စီးခဲ့သည်။ (အခြားဗုံးနှစ်လုံးသည် ကျေးရွာအပြင်ဖက်တွင်ကျရောက် ပေါက်ကွဲသဖြင့် မည်သူမှထိခိုက်ဒဏ်ရာမရရှိခဲ့ပေ။)

ဦးအ---ကို ဇရပ်ကြီးတောင်ခြမ်းကျေးရွာအုပ်စုရှိ မြန်မာစစ်အစိုးရစီမံခန့်ခွဲသော အဘ--- ဆေးရုံသို့ ဒေသခံရွာသားတစ် ဦး၏ဆိုင်ကယ်တစ်စီးဖြင့် ပို့ဆာင်ခဲ့သည်။ သို့သော်လည်း ထိုဆေးရုံတွင် ဦးအ---၏ဒဏ်ရာကို ကုသပေးရန်အတွက် ဆေးဝါးပစ္စည်းများအပြည့်အစုံမရှိသောကြောင့် ဒေသခံကျေးရွာခေါင်းဆောင်များသည် ဆွေးနွေးတိုင်ပင်၍ ဦးအ--- အား ထောတထူမြို့နယ်၊ ပယ်ထီးကျေးရွာအုပ်စု၊ အဒ--- ကျေးရွာတွင်တည်ရှိသော ကရင်ကျန်းမာရေးနှင့်လူမှုဖူလှုံရေးဌာန (KDHW) စီမံခန့်ခွဲသည့် အစ--- ဆေးရုံသို့ ပို့ဆောင်ရန်ပြင်ဆင်ခဲ့သည်။ ထိုသို့လာသည့်လမ်းမှာလည်း SAC စစ်ဆေး ရေးဂိတ်များရှိသောကြောင့် ကား (၃)စီးလဲလှယ်၍ စီးခဲ့ရသည်။ ပထမလိုက်ပို့သည့်ကားမှာ KNU ဘက်မှ တာဝန်ရှိသူ၏ ကားဖြစ်ပြီး SAC စစ်ဆေးရေးဂိတ်မရောက်ခင်အထိသာ ပို့ဆောင်ပြီးနောက် ရွာသားတစ်ဦး၏ကားဖြင့် စစ်ဆေးရေး ဂိတ်ကို ဖြတ်ကျော်ခဲ့ရသည်။ ထိုကားသည်လည်း လမ်းတစ်ဝက်သာပို့ဆောင်ပြီး ဆေးရုံရောက်ရန်ကျန်ရှိသောခရီးအား ဆေးရုံမှ တာဝန်ရှိသူများ၏ကားဖြင့် ပို့ဆောင်ခဲ့ရပြန်သည်။ အစ--- ဆေးရုံသို့ရောက်ရှိပြီး ဦးအ--- အား ဓာတ်မှန်ရိုက် ကြည့်သည့်အခါတွင် အတွင်းပိုင်းဒဏ်ရာရရှိမှုမရှိခဲ့ကြောင်း သိရှိရသည်။ သို့သော် အခင်းဖြစ်ပွားပြီးနောက် ဦးအ--- သည် (နာကျင်မှုနှင့်စိတ်ဒဏ်ရာများကြောင့်)  နေ့ဘက်ရော၊ ညဘက်ပါအိပ်ပျော်ခြင်းမရှိခဲ့ကြောင်း ၎င်း၏ဇနီးပြောပြ ချက်အရ သိရှိခဲ့ရသည်။              

ဦးအ--- သည် အအ--- ကျေးရွာတွင်နေထိုင်ပြီး သားသမီး (၄)ဦးရှိသည်။ သားသမီးအကြီး (၃)ဦးသည် အိမ်ထောင်ကိုယ် စီရှိကြပြီး အိမ်ထောင်မကျသေးသည်မှာ အငယ်ဆုံးသားတစ်ဦးသာဖြစ်သည်။ အငယ်ဆုံးသားသည် ထိုင်းနိုင်ငံသို့ အလုပ် သွားလုပ်သောကြောင့် အိမ်တွင် ဦးအ---နှင့်သူ၏ဇနီးတို့သာ နေထိုင်ကြသည်။ ကုန်ဈေးနှုန်းများတက်မှုနှင့်နိုင်ငံရေးအ ခြေအနေမပြေလည်မှုကြောင့် ဦးအ--- သည် အအ---ကျေးရွာတွင်ရှိသည့် KNU အခွန်ကောက်ဂိတ်တွင် ဂိတ်ကြေး ကောက်ခံရသည့်အလုပ်ဖြင့် ဝင်ရောက်လုပ်ကိုင်ခဲ့သည်။ ထိုအလုပ်သည် တစ်ရက်လျှင် (၁၅၀၀၀)ကျပ်ရရှိသောကြောင့် သူ၏စားဝတ်နေရေးအတွက် အထောက်ကူပြုခဲ့သည်။ ထိုဂိတ်တွင် အလုပ်လုပ်လာခဲ့သည်မှာ (၉)လကျော်ရှိနေပြီးဖြစ် သည်။ (ဦးအ---သည် ဒဏ်ရာပျောက်ကင်းကာ ဆေးရုံမှ ဆင်းလာ၍ အိမ်ပြန်လာနိုင်ပြီးဖြစ်သည်။ သို့သော်လည်း ယခု လက်ရှိအချိန်တွင် ၎င်း၏စားဝတ်နေရေးအခြေအနေနှင့်ပတ်သက်၍ KHRG အနေဖြင့် မသိရှိရပါ။)