တၢ်ကဲထီၣ်သးအကလုာ်

SAC [ထံကီၢ်တၢ်ပၢတၢ်ပြးကီၣ်ကးကရၢ] ဟဲခးလီၤတၢ်ဒီးကဘီယူၤအဃိဒုးအိၣ်ထီၣ်တၢ်သံ တၢ်ပှၢ်, တၢ်ဘၣ်ဒိဘၣ်ထံး, ဒီးတၢ်ဟးဂူာ်ဟးဂီၤ.

တၢ်ကဲထီၣ်သးမုၢ်နံၤမုၢ်သီ

လါအ့ဖြ့ၣ် ၂၈ သီ, ၂၀၂၅ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

ကက--- သဝီ, ကည့ၣ်တဲကရူၢ်, မူဟီၣ်ကဝီၤလီၤဆီ, မူ (မုန်း) ကီၢ်ဆၣ်, ချၢၣ်လွံၢ်ထူၣ်ကီၢ် ရ့ၣ်.

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

မၣ်ဆ---

မၣ်ဂ---

အူထ---

အူရှ---

မၣ်ခ---

သးနံၣ်

၄၄ နံၣ်

၅၀ နံၣ်

၄၀ နံၣ်

၅၃ နံၣ်

၁ နံၣ် ဒီး ၈ လါ

မုၣ်/ ခွါ

မုၣ်

မုၣ်

ခွါ

ခွါ

မုၣ်

ကလုာ်

ပယီၤ

ပယီၤ

ပယီၤ

ပယီၤ

ပယီၤ

ထီၣ်ပှၢ် / သဘျ့  

ထီၣ်ပှၢ်

သဘျ့

ထီၣ်ပှၢ်

ထီၢ်ပှၢ်

-

တၢ်ဖံးတၢ်မၤ

တသ့ၣ်ညါ

တသ့ၣ်ညါ

တသ့ၣ်ညါ

ထူစံာ်

-

တၢ်ဘူၣ်တၢ်ဘါ

ဘူးဒး

ဘူးဒး

ဘူးဒး

ဘူးဒး

-

တၢ်ဟံးမူဒါ/ လီၢ်လၤ

[သဝီဖိ]

[သဝီဖိ]

[သဝီဖိ]

[သဝီဖိ]

[သဝီဖိ]

အိၣ်ဆိးဒူသဝီ

ကက--- သဝီ

ကက--- သဝီ

ကက--- သဝီ

ကက--- သဝီ

ကက--- သဝီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

ကဘီယူၤကလုာ်             

သုးဂံၢ်ထံး

အိၣ်သူၣ်လီၤသးလီၢ်ကျဲ / သုးကလၢၤ

အခိၣ်အမံၤဒီးလီၢ်လၤ

ကဘီယူၤဒုးသုး

ကီၢ်ပယီၤ [ထံကီၢ်တၢ်ပၢတၢ်ပြး ကီၣ်ကးကရၢ SAC] ကလံၤ သုး

တသ့ၣ်ညါ

[သုးခိၣ်ကျၢၢ်ထိအီၤအမူအဒါ ဒ်အမ့ၢ်ကီၢ်ပယီၤသုးကလံၤ သုး]

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

KNU [ကညီဒီကလုာ်စၢဖှိၣ်ကရၢ] လီၢ်ကဝီၤပှၤဘၣ်မူဘၣ်ဒါဖဲမူဟီၣ်ကဝီၤလီၤဆီလၢအမံၤမ့ၢ် စီၤတ--- တဂၤတဲဘၣ်ယၤ [KHRG ပျီပူၤပှၤမၤတၢ်ဖိ] ဘၣ်ဃးတၢ်ကဲထီၣ်သးအဂ့ၢ်အံၤလီၤ. အဝဲမၢယလဲၤဆူအအိၣ် [အဝဲၤဒၢးလၢအအိၣ်သူလီၤအသးဖဲ ယွၤမၣ်ကၠံကရူၢ်, မူဟီၣ်ကဝီၤလီၤဆီအပူၤ] ဝံၤဒီးအဝဲၤလဲၤဆှၢယၤဆူတၢ်ကဲထီၣ်သးအလီၢ်န့ၣ်လီၤ. ယ [KHRG ပျီပူၤပှၤမၤတၢ် ဖိ] ထံၣ်လိာ်သးစ့ၢ်ကီးဒီးပှၢ်တူၢ်ဘၣ်တၢ်အဟံၣ်ဖိဃီဖိသ့ၣ်တဖၣ်လၢအထံၣ်ထွဲတၢ်ကဲထီၣ်သးဒီးယမၤတၢ်ထံၣ်လိာ်သံကွၢ်ဒီးအ ဝဲသ့ၣ်န့ၣ်လီၤ. [ပျီပူၤပှၤမၤတၢ်ဖိမၤဝဲတၢ်ထံၣ်လိာ်သံကွၢ်ဒီးသဝီဖိ (၂) ဂၤလၢအမ့ၢ်ပှၤလၢအဘၣ်သဂၢၢ်ဒီးတၢ်သံတၢ်ပှၢ် မၣ်ဆ--- တဂၤအပၢ်ဒီး အူရှ--- လၢအမ့ၢ်ပှၤလၢအဘၣ်ဒိဘၣ်ထံးအကျါတဂၤန့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ဘၣ်ဃးဒီးတၢ်ကဲထီၣ်သးအံၤဖဲ စီၤတ--- [လီၢ်ကဝီၤပှၤဘၣ်မူဘၣ်ဒါလၢမူဟီၣ်ကဝီၤလီၤဆီတဂၤ] အိၣ်လၢအဝဲၤဒၢးပူၤအဆၢက တီၢ်အဝဲနၢ်ဟူဝဲကဘီယူၤဟဲခးလီၤတၢ်လၢ ကက--- သဝီန့ၣ်လီၤ. အဝဲဆဲးကျိးဝဲသဝီဖိတဖၣ်ဒီးအဝဲသ့ၣ်တဲဘၣ်အီၤဘၣ်ဃး တၢ်ကဲထီၣ်သးအဂ့ၢ်န့ၣ်လီၤ. အဝဲလဲၤဝဲဆူတၢ်ကဲထီၣ်သးအလီၢ်တဘျီဃီဒ်သိးကမၤလီၤတံၢ်ဝဲတၢ်ကဲထီၣ်သးအဂ့ၢ်န့ၣ်လီၤ. ဝံၤ အလီၢ်ခံအဝဲဆဲးကျိးဝဲ KHRG ပျီပူၤပှၤမၤတၢ်ဖိတဂၤဒီး KHRG ပျီပူၤပှၤမၤတၢ်ဖိတဂၤန့ၣ်လဲၤထံၣ်လိာ်သးဒီးပှၤတူၢ်ဘၣ်တၢ်သ့ၣ် တဖၣ်အဟံၣ်ဖိဃီဖိဒ်သိးကမၤနီၣ်မၤဃါဝဲတၢ်ဂ့ၢ်တၢ်ကျိၤလၢအဘၣ်ဃးဒီးတၢ်ကဲထီၣ်သးအံၤန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါအ့ဖြ့ၣ် ၂၈ သီ, ၂၀၂၅ နံၣ်အနံၤ, ကဘၣ်ဖဲဂီၤခီ ၁၀:၁၅ မံးနံးအဆၢကတီၢ်, SAC အကဘီယူၤဒုးသုးတဘ့ၣ်ဟဲတ့ၢ်လီၤဝဲ မ့ၣ်ပိၢ် (၂) ဖျၢၣ်ဆူ ကက--- သဝီ, ကည့ၣ်တဲကရူၢ်, မူဟီၣ်ကဝီၤလီၤဆီ, မူ (မုန်း) ကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်အပူၤန့ၣ်လီၤ. မ့ၣ်ပိၢ်အကျါတဖျၢၣ်န့ၣ်လီၤတဲာ်ပိၢ်ဖးထီၣ်လၢသဝီပူၤဒီးအဂၤတဖျၢၣ်န့ၣ်လီၤတဲာ်လၢသဝီချၢဒီးတပိၢ်ဖးထီၣ်ဘၣ်န့ၣ်လီၤ. လၢတၢ် ဂ့ၢ်ဒ်အံၤအဃိသဝီဖိအဟံၣ် (၂) ဖျၢၣ်လၢအမ့ၢ် ကိၤည--- ဒီး မၣ်ဂ--- အဟံၣ်ဘၣ်ဟးဂီၤလီၤပှီၢ်ကွံာ်ဝဲဒၣ်န့ၣ်လီၤ. လၢန့ၣ်အမဲာ် ညါခီဖျိမ့ၣ်ပိၢ်အတၢ်ပိၢ်ဖးထီၣ်အဃိဟံၣ်ဘၣ်ဒိဝဲ (၄) ဖျၢၣ်လၢအမ့ၢ် အူပ---, အူရှ---, မၣ်ဆ---, ဒီး အူရ---- အဟံၣ်သ့ၣ်တဖၣ် န့ၣ်လီၤ. အါန့ၢ်အန့ၣ်သဝီဖိလၢအအိၣ်လၢ ကက--- သဝီ (၃) ဂၤဘၣ်သံကွံာ်ဝဲဒၣ်န့ၣ်လီၤ.

• မၣ်ဆ--- သးနံၣ် ၄၄ နံၣ်တဂၤဘၣ်ဝဲအခိၣ်သၣ်ဃံဒီးသံကွံာ်ဝဲဒၣ်န့ၣ်လီၤ.
• အူထ--- သးနံၣ် ၄၀ နံၣ်တဂၤဘၣ်ဝဲအဆံၣ်ဒၢခိၣ်ဒီးသံကွံာ်ဝဲဒၣ်န့ၣ်လီၤ.
• မၣ်ဂ--- သးနံၣ် ၅၀ နံၣ်တဂၤဘၣ်ဝဲအဟၢဖၢဒီးသံကွံာ်ဝဲဒၣ်န့ၣ်လီၤ.

[မၣ်ဆ--- ဘၣ်သံဝဲဖဲအဝဲမၤပျီအဟံၣ်အဆၢကတီၢ်, အူထ--- ဘၣ်သံဝဲဖဲအဝဲသူလီတဲစိလၢစုာ်ပူၤလၢအဟံၣ်ဖီလာ်အဆၢ ကတီၢ်ဒီး မၣ်ဂ--- ဘၣ်သံဝဲဖဲအဝဲဖးဝဲဘူးဒးတၢ်ဘါအလံာ်လၢအဟံၣ်ပူၤအဆၢကတီၢ်န့ၣ်လီၤ.]

လၢန့ၣ်အမဲာ်ညါဖိသၣ်ပိာ်မုၣ်လၢအသးနံၣ်အိၣ် ၁ နံၣ်ဒီး ၈ လါ လၢအမံၤမ့ၢ် မၣ်ခ--- တဂၤစ့ၢ်ကီးအမဲာ်သၣ်လၢအမဲာ်ချံထွဲအဖီ လာ်ဘၣ်ဒိတစဲးန့ၣ်လီၤ. အဖု အူရှ--- စ့ၢ်ကီးအခီၣ်ဘၣ်ဒိန့ၣ်လီၤ. [ခီဖျိတၢ်ဆါဟံၣ်သ့ၣ်တဖၣ်အပူၤကသံၣ်ကသီအိၣ်တလၢတ ပှဲၤဘၣ်အဃိ] ဘၣ်တၢ်ဆှၢအဝဲ [မၣ်ခ---] ဆူတၢ်ဆါဟံၣ်တဖျၢၣ်လၢဘၣ်တၢ်ပၢဆှၢအီၤလၢ SAC လၢအအိၣ်လၢဖၠူဝ့ၢ်ပူၤဝံၤဘၣ် တၢ်လဲၤဆှၢကဒီးအီၤဆူတၢ်ဆၣ်ဟံၣ်တဖျၢၣ်လၢအအိၣ်လၢတီအူဝ့ၢ်ဒီးလၢခံကတၢၢ်ဘၣ်တၢ်ဆှၢကဒါက့ၤအီၤဆူတၢ်ဆါဟံၣ်တဖျၢၣ်လၢအအိၣ်လၢဝ့ၢ်တကူၣ်န့ၣ်လီၤ. ဟံၣ်ဖိဃီဖိတဖၣ်ဟ့ၣ်ဝဲတၢ်လဲၤတၢ်က့ၤဒီးတၢ်ကူစါယါဘျါအဘူးအလဲလၢအဝဲသ့ၣ်အနီၢ် ကစၢ်ဒၣ်ဝဲန့ၣ်လီၤ. တၢ်လၢာ်ဘူၣ်လၢာ်စ့ၤလၢတၢ်လဲၤတၢ်က့ၤဆူတၢ်ဆါဟံၣ်တကပၤလၢာ်ဝဲ ၃၀၀,၀၀၀ ကၠး ဒီးတၢ်လၢာ်ဘူၣ် လၢာ်စ့ၤလၢတၢ်ကူစါယါဘျါတကပၤလၢာ်ဝဲ ၆၀,၀၀၀ - ၇၀,၀၀၀ ကၠးဃၣ်ဃၣ်န့ၣ်လီၤ.

 အူရှ--- လၢအမ့ၢ်ပှၤတူၢ်ဘၣ်တၢ်ဘၣ်ဒိဘၣ်ထံးတဂၤစံးဝဲလၢ “ဖဲတၢ်တနံၤန့ၣ် [လါအ့ဖြ့ၣ် ၂၈ သီ, ၂၀၂၅ နံၣ်အနံၤ], ယဒ့မုၣ် [မၣ်ဂ---] ဖးဝဲဘူးဒးတၢ်ဘါအလံာ်ဒီးမ့မ့ၢ်ယဲတခီယခဲၣ်တၢ်ဂီၤဒီးယလံၤမုၣ် [မၣ်ခ---] လၢအဘၣ်ဒိတဂၤလီၤ. ကဘီယူၤအံၤ ဟဲလၢမုၢ်နုာ်တကပၤ ဒီးယူၤဝ့ၢ်ဝီၤဝဲလၢသဝီကပိာ်ကပၤလီၤ. လၢတၢ်န့ၣ်အဃိယတဲအီၤ [မၣ်ဂ---] လၢ, ‘ဒ့မုၣ်ဧၢ, တၢ်အိၣ်သး တဂ့ၤဘၣ်. ပကလဲၤဃ့ၢ်နုာ်လၢတၢ်ပူၤ.’ အဝဲဘ့ၣ်လီၤအမဲာ်ဒီးဒီးကွၢ်ဃီၤယၤလီၤ. ယတဲကဒီးအီၤ ‘ဒ့မုၣ်ဧၢ, တၢ်အိၣ်သးနးထီၣ် ရုၢ်ရုၢ်လီၤ, ဖးဘူးဒးတၢ်ဘါအလံာ်လၢၤတဂ့ၤ, ဃ့ၢ်နုာ်တခီ [ဆူတၢ်ပူၤ].’ စှၤကိးစဲးကးဝံၤအလီၢ်ခံ, တချုးလၢပလဲၤတုၤဒံးလၢ တၢ်ပူၤအဆၢကတီၢ်မ့ၣ်ပိၢ်လီၤတဲာ်ပိၢ်ဖးထီၣ်ဒီးတၢ်ခဲလၢာ်ခံးသူကွံာ်အသး [တၢ်ခုၣ်လၢအဟဲထီၣ်လၢမ့ၣ်ပိၢ်အအိၣ်တဖၣ် လုၢ်ဘၢ ကွံာ်တၢ်ခဲလၢာ်] န့ၣ်လီၤ. ကိညၢ်လၢယကြၤလီၤ [ဒ်သိးကပဒ့ၣ်ဟးဆှဲးက ဘီယူၤအတၢ်ခးလီၤတၢ်] ချုးဆၢချုးကတီၢ် အဃိယတသံဘၣ်. သနာ်က့ယခီဘၣ်ဒိန့ၣ်လီၤ. ဖဲယဘၣ်ဒိအဆၢကတီၢ်ယတူၢ်ဘၣ်လၢယမိၢ်ပှၢ် ကိၢ်ထီၣ်ဒီတဂၤန့ၣ်လီၤ. ဝံၤအလီၢ်ခံယမါဆၢထၢၣ်လၢတၢ်ကပၤဒီးတဲယၤ, ‘ကိး မၣ်ဂ---’. ယစံးဆၢက့ၤအီၤ, ‘ခီချိလၢမ့ၣ်ပိၢ်လီၤတဲာ်ပိၢ်ဖးထီၣ်လၢအဟံၣ် အဃိပတဘၣ်လိၣ်ကီးအီၤလၢၤဘၣ်. အစိၣ်ဒၣ်လဲာ်မ့ၢ်ပကထံၣ်က့ၤဒံးဧါတထံၣ်က့ၤလၢၤဘၣ်ဧါန့ၣ်တလီၤတံၢ်ဘၣ်.’ ယလံၤမုၣ် [မၣ်ခ---] စ့ၢ်ကီးဘၣ်ဒိဝဲဒၣ်ဒီးမ့ၣ်ပိၢ်အက့န့ၣ်လီၤ. ဖဲယအိၣ်ဒံးလၢဟံၣ်ပူၤအဆၢကတီၢ်ယတထံၣ်တၢ်သွံၣ် [မၣ်ခ--- အသွံၣ်] ဘၣ်. ဖဲယဟးထီၣ်လၢတၢ်ချၢအဆၢကတီၢ်ယထံၣ်တၢ်သွံၣ်န့ၣ်လီၤ. လၢတၢ်န့ၣ်အဃိယဟီၣ်ဒီးကိးပသူဃ့တၢ်မၤစၢၤဒီး ယလဲၤစိာ်အီၤဆူသုးကသံၣ်သရၣ် ဘ--- အဟံၣ်န့ၣ်လီၤ. ဝံၤအလီၢ်ခံကသံၣ်သရၣ်တဂၤန့ၣ်ဟ့ၣ်ဒုးအီအီၤကသံၣ်န့ၣ်လီၤ. အခိၣ်တီခါယဆိကမိၣ်လၢထဲဒၣ်ယဒ့မုၣ် [မၣ်ဂ---] ဘၣ်သံန့ၣ်လီၤ. ဘၣ်ဆၣ်သနာ်က့လၢခံပသ့ၣ်ညါဘၣ်လၢ မၣ်ဆ--- ဒီး အူထ--- စ့ၢ်ကီးဘၣ်သံဝဲဒၣ်န့ၣ်လီၤ. ဖဲန့ၣ်အဆၢကတီၢ်ယသး ဘၣ်ဖှီၣ်ဒိၣ်မးန့ၣ်လီၤ.” [ဘ--- မ့ၢ်ဝဲ ကမျၢၢ်တၢ်ဒီသဒၢသုး (PDF) သုးကသံၣ်သရၣ်တဂၤန့ၣ်လီၤ

ဘၣ်ဃးဒီးကဘီယူၤဟဲခးလီၤတၢ်အံၤခီဖျိလၢဒူဖိသဝီဖိတဖၣ်တပလီၢ်သးဒီးတဆိကမိၣ်ဝဲလၢ [SAC] အကဘီယူၤဒုးသုးကခး လီၤတၢ်ဘၣ်အဃိဒူဖိသဝီဖိ [လၢ ကက--- သဝီ] ဘၣ်ဒိဘၣ်ထံးဒီးဘၣ်သံကွံာ်ဝဲဒၣ်န့ၣ်လီၤ. မၣ်ဆ--- အပၢ် အူဒ--- စံးဝဲဒ်အံၤ “ကဘီယူၤဟဲခးလီၤတၢ်ဒ်အံၤလၢအပူၤကွံာ်န့ၣ်တကဲထီၣ်တ့ၢ်အသးနီတဘျီ. ဖဲတၢ်တနံၤန့ၣ်တၢ်ဒုးတၢ်ယၤကဲထီၣ်လၢ [သဝီ] ကလံၤထံးတကပၤ [ပမ့ၢ်လဲၤဒီးသိလ့ၣ်ယီၢ်န့ၣ်ကယံာ်ဝဲတနၣ်ရံၣ်ဃၣ်ဃၣ်], ဘၣ်ဆၣ်မ့ၢ်တၢ်လီၢ်ဖဲလဲၣ်န့ၣ်ယတသ့ၣ်ညါ လီၤတံၢ်ဘၣ်. [SAC] အကဘီယူၤ လဲၤလၢတၢ်လီၢ်ဖဲန့ၣ်ဒီးခးလီၤတၢ်န့ၣ်လီၤ. လၢအပူၤကွံာ်န့ၣ်ကဘီယူၤသ့ၣ်တဖၣ် ဟဲတ့ၢ်ဝဲဒ်အံၤ [ခးလီၤဒၣ်တၢ်လၢတၢ်ဒုးကဲထီၣ်ဟီၣ်ကဝီၤ] အဃိပဝဲသ့ၣ်တဖၣ်ပတပာ်သူၣ်ပာ်သးဘၣ်. ပဆိကမိၣ်လၢ ကဘီယူၤလဲၤလၢတၢ်လီၢ်ဖဲန့ၣ်ခီဖျိတၢ်ဒုးတၢ်ယၤကဲထီၣ်အဃိန့ၣ်လီၤ. လၢန့ၣ်ဝံၤအလီၢ်ခံကဘၣ်ဖဲဂီၤခီ ၁၀:၁၅ မံးနံး အဆၢကတီၢ်ကဘီယူၤတဘ့ၣ်ခးလီၤတၢ်လၢသဝီပူၤန့ၣ်လီၤ.” အူဒ--- စံးအါထီၣ်ကဒီးဝဲဒ်အံၤ “ဖဲ တၢ်တနံၤန့ၣ်ယဖိမုၣ် မၣ်ဆ--- တဲယၤလၢအဝဲကက့ၤဆူအဟံၣ်ဒီးမၤကဆှီတၢ်န့ၣ်လီၤ. […] ကဘၣ်ဖဲဂီၤခီ ၁၀:၁၅ မံးနံးအဆၢကတီၢ်ကဘီယူၤဟဲတဘ့ၣ် ဒီးခးလီၤတၢ်လၢသဝီပူၤန့ၣ်လီၤ. တၢ်ဘၣ်ဝဲအ  [မၣ်ဆ---] ခိၣ်သၣ်ဃံဒီးအခိၣ်သၣ်ဃံသဘှံးကွံာ်ဝဲဒၣ်န့ၣ်လီၤ.”

တၢ်ကဲထီၣ်သးဝံၤအလီၢ်ခံဖဲသဝီဖိသ့ၣ်တဖၣ်နၢ်ဟူကဘီယူၤအကလုၢ်တဘျီလၢ်လၢ်အဝဲသ့ၣ်ပျံၤတၢ်ဖုးတၢ်ဒီးဘၣ်ယိၣ်ဝဲလၢကဘီယူၤကဟဲခးလီၤကဒီးတၢ် [အသီတဘျီ] န့ၣ်လီၤ. လၢတၢ်န့ၣ်အဃိအဝဲသ့ၣ်ဃ့ၢ်ထီၣ်ကွံာ်လၢသဝီဒ်သိးကပဒ့ၣ်ဟးဆှဲးဝဲက ဘီယူၤအတၢ်လီၤဘၣ်ယိၣ် [ကဘီၣ်ယူၤအတၢ်ဟဲခးလီၤတၢ်အသီတဘျီ] န့ၣ်လီၤ. တၢ်ကဲထီၣ်သးဝံၤအလီၢ်ခံသဝီဖိတနီၤလဲၤ ဃ့ၢ်အိၣ်ကွံာ်ဝဲလၢ ကဂ--- သဝီ (ညီၤပ့ၤသၤကရူၢ်, မူဟီၣ်ကဝီၤလီၤဆီ) ဒီးဖၠူဝ့ၢ်ပူၤခီဖျိအဝဲသ့ၣ်ဘၣ်ယိၣ်ဝဲလၢကဘီယူၤကဟဲ ခးလီၤကဒီးတၢ်အသီတဘျီဖဲ ကက--- သဝီပူၤန့ၣ်လီၤ. ဘၣ်ဆၣ်တဘျီတခီအဝဲသ့ၣ် [သဝီဖိ] ဟဲက့ၤလၢအဟံၣ်အဃီဒီးအ တၢ်ဖံးအီၣ်မၤအီၣ်အလီၢ်န့ၣ်လီၤ. သဝီဖိတနီၤတသုးလီၢ်သုးကျဲဘၣ်ခီဖျိအဝဲသ့ၣ်အိၣ်ဒီးအတၢ်စုလီၢ်ခီၣ်ခိၣ်အါအါဂီၢ်ဂီၢ် [လၢက ဘၣ်အံးထွဲကွၢ်ထွဲဝဲ] န့ၣ်လီၤ. လၢတၢ်န့ၣ်အဃိအဝဲသ့ၣ်ခူၣ်န့ၢ်ဝဲတၢ်ပူၤဒီးမံဝဲဖဲန့ၣ်န့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

ယ [KHRG ပျီပူၤပှၤမၤတၢ်ဖိ] မၤတၢ်ထံၣ်လိာ်သံကွၢ်ဒီးပှၤတူၢ်ဘၣ်တၢ်အဟံၣ်ဖိဃီဖိ [အူဒ--- လၢအမ့ၢ်ပှၤတူၢ်ဘၣ်တၢ် (မၣ်ဆ---) အပၢ်ဒီး အူရှ--- လၢအမ့ၢ်ပှၤတူၢ်ဘၣ်တၢ်တဂၤဒီးအဟံၣ်ဖိဃီဖိစ့ၢ်ကီးဘၣ်သံဘၣ်ပှၢ်ဒီးဘၣ်ဒိဘၣ်ထံး] န့ၣ်လီၤ. ယဃ့ခွဲးလၢ အဝဲသ့ၣ်အအိၣ်  [ပှၤတူၢ်ဘၣ်တၢ်အဟံၣ်ဖိဃီဖိ] လၢတၢ်ကသူဒီးရၤလီၤတၢ်ဂ့ၢ်အံၤ [အဝဲသ့ၣ်တၢ်ဂ့ၢ်တၢ်ကျိၤ] န့ၣ်လီၤ. အဝဲသ့ၣ် ဟ့ၣ်ပှၤ [KHRG] အခွဲးလၢပကသူဒီးရၤလီၤတၢ်ဂ့ၢ်အံၤန့ၣ်လီၤ.