အခင်းဖြစ်ပွားမှုအမျိုးအစား

လက်နက်ကြီးပစ်ခတ်မှုနှင့် ဒဏ်ရာရရှိမှု

အခင်းဖြစ်ပွားသည့်နေ့ရက်

၂၀၂၄ ခုနှစ်၊ ဒီဇင်ဘာလ ၂၆ ရက်နေ့

အခင်းဖြစ်ပွားသည့်နေရာ (ခရိုင်၊ မြို့နယ်၊ ကျေးရွာ အုပ်စု၊ ကျေးရွာ)  

ခလယ်လွီထူခရိုင်၊ မူးမြို့နယ်၊ ထွားနီကုန်းကျေးရွာအုပ်စု၊ အ--- ကျေးရွာ

စော်ကားခံရသူ(ရာဇဝတ်မှုကျူးလွန်ခံရသူ)၏ ကိုယ်ရေးအကြောင်းအရာအပြည့်အစုံ

အမည်

စောဒ---

အသက်

၄၆ နှစ်

ကျား/မ

ကျား

လူမျိုး

ကရင်

အိမ်ထောင် ရှိ/မရှိ   

ရှိ

အလုပ်အကိုင်

လယ်သမား

ကိုးကွယ်သည့် ဘာသာ

နတ်ကိုးကွယ်ယုံကြည်မှု

ရာထူးအဆင့်

-

နေရပ် ရွာအမည်

အ--- ကျေးရွာ

ပစ်မှုကျူးလွန်သူ၏ကိုယ်ရေးအကြောင်းအရာအပြည့်အစုံ

အမည်

ရာထူး

စစ်ကြောင်း၊ တပ်ရင်း၊ တပ်မ

အခြေစိုက်သည့်နေရာဒေသ           

အထက်အရာရှိ အမည်

[မသိရှိပါ]

[မသိရှိပါ]

SAC [နိုင်ငံတော်စီမံ အုပ်ချုပ်ရေးကောင်စီ] [တပ်ရင်းမသိရှိရပါ]

[ခလယ်လွီထူခရိုင်၊ မူးမြို့နယ်၊ စစ်တောင်းမြစ်အနောက်ဖက်တွင်

တည်ရှိသည့်]ကွင်းချောင်းရွာစခန်း

[မသိရှိပါ]

(၁) ဤသတင်းအချက်အလက်မှတ်တမ်းပြုစုပုံတစ်ဆင့်ချင်းကို ရှင်းပြပါ။

မှုခင်းဖြစ်ပွားပြီး [ကရင်ကျန်းမာရေး၊ ကယ်ဆယ်ရေးနှင့်ပြန်လည်ထူထောင်ရေးဌာန မှဖွင့်လှစ်လည်ပတ်သော] ဃ--- ဆေးရုံသို့ ထိခိုက်ဒဏ်ရာရရှိသူအား ပို့ဆောင်ခဲ့ပြီးသည့်နောက် နော်ဘ--- အမည်ရှိသူနာပြုတစ်ဦးမှ ဖြစ်ပွားခဲ့သည့် အကြောင်းအရာနှင့်ပတ်သက်၍ ကျွန်ုပ် [KHRG သတင်းမှတ်တမ်းပြုစုသူ] ထံသို့ချဥ်းကပ်ခဲ့ပါသည်။ ထို့နောက် ကျွန်ုပ် [သတင်းမှတ်တမ်းပြုစုသူ] မှ [ဒဏ်ရာရရှိသူ၏ညီကိုဖြစ်သော စောဆ--- နှင့်တွေ့ဆုံမေးမြန်းခဲ့ပြီး] သတင်းမှတ်တမ်း ဆက်လက်ပြုလုပ်ခဲ့ပါသည်။

(၂) ဤသတင်းကိုပေးသောသူတို့သည် ဤသတင်းအချက်အလက်များမှန်ကန်ကြောင်း မည်သို့ဖော်ပြလိုပါသနည်း။ ၎င်းတို့တစ်ဦးချင်းစီ၏ ရှင်းပြချက်(များကို) ရေးမှတ်ပေးပါ။

မှုခြင်းဖြစ်ပွားချိန်တွင် ဒဏ်ရာရရှိသူထံသို့ရောက်ရှိခဲ့သော ဒဏ်ရာရရှိသူ၏ညီကိုဖြစ်သည့် စောဆ--- မှ သတင်းအချက် အလက်များအားကို ပေးခဲ့ပါသည်။ ထို့နောက် ဒဏ်ရာရရှိသူအား ဆေးရုံသို့ပို့ဆောင်ခဲ့ပါသည်။

အခင်းဖြစ်ပွားပုံ အသေးစိတ်ကို ပြည့်စုံစွာ ရေးသားဖော်ပြပေးပါ။

၂၀၂၄ ခုနှစ်၊ ဒီဇင်ဘာလ ၂၆ ရက်နေ့တွင် (ခလယ်လွီထူခရိုင်၊ မူးမြို့နယ်၊ စစ်တောင်းမြစ်အနောက်ဖက်တွင်တည်ရှိသည့်) ကွင်းချောင်းရွာစစ်တပ်စခန်းတွင်အခြေစိုက်သည့် နိုင်ငံတော်စီမံအုပ်ချုပ်ရေးကောင်စီ (SAC) မှ မူးမြို့နယ်၊ ထွားနီကုန်းကျေးရွာအုပ်စု၊ အ--- ကျေးရွာသို့ ဟောင်ဝစ်ဇာနှစ်လုံးပစ်ခဲ့ပါသည်။ ဟောင်ဝစ်ဇာတစ်လုံးသည် ကျေးရွာ၏အနောက်ခြမ်းအပြင်ဖက်သို့ကျရောက်ခဲ့ပြီး အခြားတစ်လုံးသည် အသက် ၄၆ နှစ်အရွယ်ရှိ စောဒ--- အနီးသို့ကျရောက်ခဲ့ပါသည်။

စောဒ--- ၏ကနဦးနေရပ်ဇာတိသည် အ--- ကျေးရွာဖြစ်ပါသည်။ ၎င်း၏နေအိမ်သည် လယ်ယာမြေအနီးရှိ အ--- ကျေးရွာ၏အနောက်ဖက်တွင် တည်ရှိပါသည်။ [၂၀၂၄ ခုနှစ်၊ ဒီဇင်ဘာလ ၂၆ ရက်နေ့] ညနေ ၇ နာရီအချိန်တွင် အနီးအနားရှိလယ်ယာမြေတွင် ဟင်းစားမရှိသဖြင့် ညစာအတွက်ဖားရှာထွက်ခဲ့ပါသည်။ ဖားရှာထွက်ပြီးအိမ်သို့ပြန်လာနေစဥ် လက်နက်ကြီးမှ ၎င်း၏အနီးသို့ ကျရောက်ပေါက်ကွဲသွားခဲ့ကာ ၎င်း၏ ညာဖက်ခြေထောက်နှင့် မေးစေ့ဒဏ်ရာရရှိခဲ့ပါသည်။ ၎င်းသည် နာကျင်ကြောက်ရွံ့မှုမှ အကူအညီအတွက် လှမ်းအော်ခဲ့ပါသည်။

မှုခင်းဖြစ်ပွားပြီးနောက် ၎င်း၏ညီကိုဖြစ်သူ စောဆ--- သည် အ--- ကျေးရွာတွင်ရှိသော သူနာပြုတစ်ဦး၏အိမ်သို့ ၎င်းအားခေါ်ဆောင်သွားခဲ့ပါသည်။ သူနာပြုဆရာမထံသို့အလည်လာသော KNLA (ကရင်အမျိုးသားလွတ်မြောက်ရေး တပ်မတော်) ဗိုလ်မှုးတစ်ဦးမှ ၎င်း၏ ဒဏ်ရာအားပတ်စည်းပေးခဲ့ပါသည်။ ထို့နောက် စောဆ--- နှင့် ရွာသားများသည် မူးမြို့နယ်၊ ကြောင်ပျံကျေးရွာအုပ်စု၊ ဃ--- ကျေးရွာရှိ ကရင်ကျန်းမာရေးနှင့်ကယ်ဆယ်ရေးဌာန (KDHW) စီမံခန့်ခွဲ့သောဆေးရုံသို့ လိုက်ပါပို့ဆောင်ပေးခဲ့ပါသည်။

ဆေးရုံရှိဆရာဝန်များမှ ၎င်း၏အနာများကိုကုသပေးခဲ့ကြသော်လည်း ၎င်း၏သွေးမှာအလွန်နည်းနေပြီး အားမရှိတော့ သဖြင့်ထိုနေ့တွင် ၎င်း၏ခြေထောက်အား ဖြတ်တောက်ပေးခြင်းမပြုခဲ့ကြပါ။ သို့သော်လည်း နောက်နေ့တွင် ၎င်း၏ခြေထောက်ကို ဖြတ်တောက်ပေးခဲ့ကြပါသည်။ ၎င်း၏ဒဏ်ရာအခြေအနေသည် အလွန်နူးညံ့သောကြောင့်၊ ဒဏ်ရာအားလုံး ကိုတစ်ချိန်တည်းတွင် ခွဲစိတ်ကုသရန်ကြိုးစားခြင်းသည် အသက်အန္တရာယ်ဖြစ်နိုင်သည်။ ထို့ကြောင့် ဆရာဝန်များသည် စောဒ----- ၏ညီကိုအား ၎င်း (စောဒ---) အနေဖြင့်သည် အချိန်ကြာမြင့်သောကုသမှုလိုအပ်ကြောင်း အသိပေးခဲ့သည်။ စောဆ--- ၏ပြောပြချက်အရ ‌ဆေးရုံတွင်ဆေးဝါးများပြတ်လပ်နေသည့်ကြားမှ ဆရာဝန်များသည် ဆေးဝါးကုသမှုအားအကောင်းဆုံးကုသပေးခဲ့ပါသည်။

ဒဏ်ရာရရှိသူ၏ညီကိုဖြစ်သော စောဆ--- မှ “သူ့ (စောဒ---) ကို ဟ--- ဆေးရုံကိုလွှဲပေးဖို့ ကျွန်တော်တို့ စီစဥ်ခဲ့ပေမဲ့ ဒီ (အ-- ကျေးရွာ) ကနေဆိုတကယ်ဝေးတယ်။ ကျွန်တော်တို့ ကိုယ်ပိုင်ငွေကိုသုံးပြီးတော့ပဲ သူ့ကိုလိုက် ပို့ခဲ့တယ်။ ကျွန် တော်တို့သာသွားခဲ့ရင် ဟ--- ဆေးရုံကိုမရောက်ခင် အပြင်မှာတစ်ညအိပ်ရမယ်။” [ဟ--- ‌ဆေးရုံသည် မူတြော် (ဖာပွန်) ခရိုင်၊ လူသောမြို့နယ်၊ ယဲမူပလောကျေးရွာအုပ်စု၊ သ--- နေရာတွင်တည်ရှိပြီး ၎င်းကို ကရင်အမျိုးသားအစည်းအရုံး (KNU) မှ စီမံခန့်ခွဲပါသည်။]

၎င်းမှဆေးဝါးကုသမှုခံယူနေစဥ် ဃ--- ဆေးရုံတွင် ဆေးဝါးများလုံလောက်စွာမရှိသောကြောင့် ၎င်း၏မိသားစုမှ မူးမြို့နယ်၊ ထွားနီကုန်းကျေးရွာအုပ်စု၊ ဧ--- ကျေးရွာမှ ဆေးဝယ်ယူခဲ့ရပြီး အနည်းဆုံး ၅၀၀,၀၀၀ ကျပ်ကုန်ကျခဲ့ပါသည်။

KHRG ၏သတင်းမှတ်တမ်းပြုစုသူ၏ပြောပြချက်အရ တစ်ခါတစ်ရံတွင် SAC စစ်သားများသည် မည်သည့်တိုက်ပွဲ သို့မဟုတ် ရှင်းလင်းသည့်အကြောင်းပြချက်မရှိပဲ အ--- ကျေးရွာထဲသို့ လက်နက်ကြီးများပစ်ခတ်ခဲ့ပါသည်။ ရလဒ်အနေဖြင့်ထိခိုက်ဒဏ်ရာရသေဆုံးမှုနှင့် နေရပ်ရွှေ့ပြောင်းနေထိုင်ရမှုများ ဖြစ်ပေါ်စေခဲ့ပါသည်။ အ--- ကျေးရွာရှိရွာသားများသည်အမြဲတစေ သတိဝိရိယဖြင့်နေထိုင်နေကြရပြီး စိုးရိမ်ပူပန်နေခဲ့ကြရပါသည်။ အချို့ရွာသားများသည် ၎င်းတို့၏အသက်မွေးဝမ်းကျောင်းလုပ်ကိုင်ရန်အတွက် စိုက်ပျိုးခြံထဲသို့မသွားရဲကြပါ။ ထို့အပြင်၊ ရွာသားများသည် လက်နက်ကြီးပစ်ခတ်မှုကြောင့် ၎င်းတို့သွားသည့်နေရာတွင် အမြဲတစေ သတိဝိရိယရှိနေရပါသည်။ လက်နက်ကြီးပစ်ခတ်မှုကြောင့် စောဒ---ဒဏ်ရာရရှိသွားသည့်အချိန်တွင် ရွာသားများသည် ဗုံးခိုကျင်းများ ပြင်ဆင်နေခဲ့ကြပါသည်။

ရွာသားသို့မဟုတ် လူ့အခွင့်အရေးချိုးဖောက်ခံရသူသည် ဤသတင်းကိုအသုံးပြုရန်ခွင့်ပြုပါသလား။ မည်ကဲ့သို့သော နည်းလမ်းဖြင့် အသုံးပြုခွင့်ပေးသည်ကိုဖော်ပြပေးပါ။

ဒဏ်ရာရရှိသူ စောဒ--- မှ ဤမှုခင်းနှင့်ပတ်သက်၍ နိုင်ငံတစ်ဝှမ်းလုံးတွင်နေထိုင်ကြသူများ သိရှိရန်အတွက် သတင်း အချက်အလက်ကိုဖြန့်ဝေရန် KHRG အားခွင့်ပြုချက်ပေးထားပါသည်။