SAC သုးသ့ၣ်တဖၣ်အတၢ်ဟူးတၢ်ဂဲၤ ဒီး အတၢ်ခးလီၤကျိဖးဒိၣ်ဘၣ်သံသဝီဖိ (၃) ဂၤဖဲ ကစၢၢ်ဒိၣ်ကီၢ်ဆၣ်

ဖဲလါအီကူး ၁ သီ, ၂၀၂၄ နံၣ်န့ၣ်,  SAC (ထံကီၢ်တၢ်ပၢတၢ်ပြးကီၣ်ကးကရၢ) သုးလၢအမ့ၢ် ခီၣ်သုးရ့ၣ် နီၣ်ဂံၢ် - ၂၈၀ ဒီး ခီၣ်သုးရ့ၣ် နီၣ်ဂံၢ် - ၂၈၅ လၢအအိၣ်ဆီလီၤအသးဖဲ ပလီသုးကလၢၤ သ့ၣ်တဖၣ်, လဲၤထီၣ်ဝဲဒၣ်ဆူ ပၠ့ၣ်ဖၠိထိခီပနံၣ် အိၣ်တၢ်လီၢ်, လၢအအိၣ်သူၣ်လီၤအသးဖဲ က--- သဝီ, ကျဲမုၢ်ထံးဟီၣ်ကဝီၤ, ကစၢၢ်ဒိၣ်ကီၢ်ဆၣ်, ဘျံးဒဝဲၢ်ကီၢ်ရ့ၣ် အပူၤ န့ၣ်လီၤ. ဖဲနံၣ်စးထီၣ်အခီၣ်ထံးန့ၣ်, ကမျၢၢ်တၢ်ဒီသဒၢသုး (PDF) ဟ့ၣ်လီၤဝဲတၢ်ကလုၢ်လၢ ခီပနံၣ်တဖျၢၣ်အံၤဒ်သိးက ဟးထီၣ်ကွံာ်လၢ က--- သဝီပူၤန့ၣ်လီၤ.

ပၠ့ၣ်ဖၠိထိခီပနံၣ်တဖျၢၣ်အံၤ မ့ၢ်ဝဲမုၢ်ကျိၤဝဲၤကွာ်အခီပနံၣ်တဖျၢၣ်လၢအမ့ၢ် ပှၤမၤမုၢ်ကျိၤဝဲၤကွာ်လၢအမံၤမ့ၢ် မီၤလၣ်သါ အတၢ်န့ၣ်လီၤ. ခီပနံၣ်တဖျၢၣ်အံၤသူၣ်ဝဲ ရၢးဘၢၣ်ထူၣ် ဒီး သ့ၣ်ထူၣ်အဂၤသ့ၣ်တဖၣ် လၢပနံာ်တၢ်ကၤအဂီၢ်န့ၣ်လီၤ. ဖဲတချုးဒံးလၢတၢ်မၤ တၢ်ပတုာ်ကွံာ်တၢ်ခး ဒံးဘၣ်ကဘၣ်ဖဲ ၂၀၀၀ နံၣ်န့ၣ်, ခီပနံၣ်တဖျၢၣ်အံၤမၤသကိးတၢ် ဒီး ပယီၤ သုးန့ၣ်လီၤ. ပယီၤသုးသ့ၣ်တဖၣ် ဂုာ်န့ၢ်ဆူၣ်ဝဲသဝီဖိတနီၤအတၢ်လီၢ်တၢ်ကျဲ ဒီး ဟ့ၣ်ဝဲဟီၣ်ခိၣ်အပှ့ၤလၢတကၢကီၣ်လိာ် သးဘၣ်န့ၣ်လီၤ. သဝီဖိတနီၤအဝဲသ့ၣ်အနီၢ်ကစၢ်ဆါကွံာ်အကျီးန့ၣ်လီၤ.

တၢ်န့ၣ်ဝံၤအလီၢ်ခံ, ဖဲလါအီကူး ၁ သီ, ၂၀၂၄ နံၣ်, ဖဲဟါလီၤခီ ၃ နၣ်ရံၣ် ဒီး ၄ နၣ်ရံၣ် အဘၢၣ်စၢၤန့ၣ်, (ကညီတၢ်ထူၣ် ဖျဲးသုးမုၢ်ဒိၣ်) သုးရ့ၣ် နီၣ်ဂံၢ် - ၁၂ ဒီး (သုးဖီၣ်စုကဝဲၤအဂၤ) အသုးပာ်ဖှိၣ်သ့ၣ်တဖၣ် အိၣ်ခိးခးဝဲ SAC သုးဖိသ့ၣ်တဖၣ် ဖဲအဝဲသ့ၣ်လဲၤတုၤဖဲ ဖ--- သဝီ, ကျဲမုၢ်ထံးဟီၣ်ကဝီၤ ဒီးတၢ်ဒုးကဲထီၣ်ဝဲလၢအဝဲသ့ၣ်ခံခီယၢ်ဘးအဘၢၣ်စၢၤန့ၣ်လီၤ. ဖဲ တၢ်ဒုးကဲထီၣ်လၢသဝီပူၤအဆၢကတီၢ် SAC ခးလီၤဝဲကျိဖးဒိၣ် ဒိး ကျိဖးဒိၣ်ချံတဖျၢၣ်လီၤတဲာ်ဖဲသဝီပူၤ ဒီး ဘၣ်သံဝဲသ ဝီဖိသးနံၣ် (၂၄) နံၣ်လၢအမံၤမ့ၢ် လ--- တဂၤန့ၣ်လီၤ. အဝဲမ့ၢ်ပှၤသဘျ့တဂၤ ဒီး မ့ၢ်စ့ၢ်ကီးပှၤဘှီသိလ့ၣ်ယီၢ် ဖိတဂၤန့ၣ် လီၤ. ဖဲန့ၣ်ဝံၤအလီၢ်ခံ, ပယီၤသုးသ့ၣ်တဖၣ်ဂုာ်က့ၤလီၢ်ခံမ့ၢ်လၢအဝဲသ့ၣ်အပှၤသုးဖိတနီၤဘၣ်ဒိအဃိန့ၣ်လီၤ. အသီတဂီၤ ဖဲလါအီကူး ၂ သီ, ၂၀၂၄ နံၣ်, ဂီၤခီ ၇ နၣ်ရံၣ် ဒီး ၈ နၣ်ရံၣ် အဘၢၣ်ကဝီၤန့ၣ်, ပယီၤသုးသ့ၣ်တဖၣ် လဲၤကဒီးဆူညါ ဆူ ဖ--- သဝီ အသီတဘျီကဒီးန့ၣ်လီၤ. ဖဲအဝဲသ့ၣ်လဲၤတုၤလၢ ဖ--- သဝီအဆၢကတီၢ်အဝဲသ့ၣ်ခးသံဝဲသဝီဖိတဂၤလၢ အမံၤမ့ၢ် အူဘ--- သးနံၣ် (၄၇) နံၣ်န့ၣ်လီၤ.

ဖဲလါအီကူး ၃ သီ, ၂၀၂၄ နံၣ်န့ၣ်, ပယီၤသုးသ့ၣ်တဖၣ် လဲၤကဒီးဆူတၢ်လီၢ်လၢ ပၠ့ၣ်ဖၠိထိအခီပနံၣ် အိၣ်သူၣ်လီၤသးအ လီၢ်ဖဲ က--- သဝီ န့ၣ်လီၤ. ဖဲ SAC သုးလဲၤတုၤလၢ က--- သဝီ အဆၢကတီၢ်, တၢ်ဒုးတၢ်ယာ်ကဲထီၣ်ကဒီးအသး ဒီး KNLA ဒီး လီၢ်ကဝီၤသုးဖီၣ်စုကဝဲၤပာ်ဖှိၣ်သ့ၣ်တဖၣ် အဘၢၣ်စၢၤန့ၣ်လီၤ. ပယီၤသုးသ့ၣ်တဖၣ်န့ၣ် အဝဲသ့ၣ်အိၣ်ဆီလီၤ အသးဖဲ ပၠ့ၣ်ဖၠိထိခီပနံၣ်အိၣ်တၢ်လီၢ်န့ၣ်တုၤလၢ လါအီကူး ၅ သီ, ၂၀၂၄ နံၣ်အနံၤန့ၣ်လီၤ.

ဖဲလါအီကူး ၅ သီ, ၂၀၂၄ နံၣ်, ဂီၤခီအဆၢကတီၢ်, သဝီဖိခံဂၤ ဘၣ်သဂၢၢ်လိာ်သးဒီးပယီၤသုးသ့ၣ်တဖၣ် ဖဲ က--- သဝီ, ဖဲ ခီပနံၣ်အကျဲရၢးဘၢၣ်ကျီးပူၤ ဖဲအဝဲသ့ၣ်လဲၤဆှၢန့ၣ် KNLA သုးရ့ၣ်နီၣ်ဂံၢ် -၁၂ မ့ၤဘိၣ်အဆၢကတီၢ်န့ၣ်လီၤ. ပယီၤသုး သ့ၣ်တဖၣ်ခးအဝဲသ့ၣ်န့ၣ်လီၤ. လၢအကျါတဂၤလၢအမံၤမ့ၢ် စီၤအ--- သးနံၣ် (၄၀) နံၣ်လၢအအိၣ်လၢ န--- သဝီ, ကျဲမုၢ်ထံး ဟီၣ်ကဝီၤတဂၤသံကွံာ်ဝဲန့ၣ်လီၤ. အဟံၣ်ဖိဃီဖိအိၣ် (၆) ဂၤန့ၣ်လီၤ. သဝီဖိလၢအဂၤတဂၤန့ၣ်အမံၤမ့ၢ် စီၤဆ--- သးနံၣ် (၁၃) နံၣ်, ဘၣ်ဒိဖဲအခီၣ်စ့ၣ်သနာ်က့အဝဲဃ့ၢ်ပူၤဖျဲးအသးန့ၢ်ဒံးန့ၣ်လီၤ.  အဝဲမ့ၢ် က--- သဝီဖိန့ၣ်လီၤ. အဒီပုၢ်ဝဲၢ်အိၣ် (၆) ဂၤဒီး အဝဲမ့ၢ်ပှၤလွံၢ်ဂၤတဂၤလၢအဒီပုၢ်ဝဲၢ်ကျါန့ၣ်လီၤ.

ဖဲလါအီကူး ၆ သီ, ၂၀၂၄ နံၣ်န့ၣ်, ပယီၤသုးသ့ၣ်တဖၣ် အံၤက့ၤဃီၤက့ၤဆူ ဖ--- သဝီ, ဒီး ဖဲ မုၢ်ထူၣ် ၁၂ နၣ်ရံၣ် အဆၢ ကတီၢ်သဝီဖိသ့ၣ်တဖၣ် ပာ်ဖှိၣ်ထီၣ်အသးဒီး KNLA သုးရ့ၣ် နီၣ်ဂံၢ် - ၁၂ ဒီး PDF သုးဖိသ့ၣ်တဖၣ်လၢကလဲၤဟံးန့ၢ်က့ၤ သဝီဖိလၢပယီၤသုးခးသံအီၤတဂၤန့ၣ်အစိၣ်န့ၣ်လီၤ. တနံၤဃီအတီၢ်ပူၤ, ဖဲ ဟါလီၤခီ ၁ နၣ်ရံၣ်အဆၢကတီၢ်န့ၣ်, PDF ဒီး KNLA အသုးပာ်ဖှိၣ်သ့ၣ်တဖၣ်ဒွဲၣ်အူထီၣ်ကွံာ်ခီပနံၣ်အတၢ်သူၣ်ထီၣ်သ့ၣ်တဖၣ်န့ၣ်လီၤ.

ခီဖျိတၢ်ဒုးတၢ်ယာ်အဃိ, သဝီဖိဟံၣ်ဃီ ဒီး အတၢ်သူၣ်အီၣ်ဖျးအီၣ်လီၢ်ကျဲလၢအအိၣ်ဖဲ က--- သဝီ ဒီး ဖ--- သဝီ သ့ၣ်တဖၣ် ဘၣ်ဒိဟးဂီၤဝဲဒၣ်န့ၣ်လီၤ. ဖဲန့ၣ်အဆၢကတီၢ်သဝီဖိလၢဘၣ်ဃ့ၢ်သ့ၣ်တဖၣ်မ့ၢ်ဝဲသဝီဖိသ့ၣ်တဖၣ်လၢအအိၣ် လၢ ၡ---, ဖ---, က---, ယ---, ဟ---, န--- ဒီး သ--- သဝီသ့ၣ်တဖၣ်လၢအအိၣ်ဘူးလိာ်အသး ဒီး အိၣ်သူၣ်လီၤသးဖဲ ကျဲမုၢ်ထံးဟီၣ်ကဝီၤ ပူၤသ့ၣ်တဖၣ်န့ၣ်လီၤ. သဝီဖိတနီၤမ့ၢ်လၢတၢ်ဒုးကဲထီၣ်အသးလၢသတူၢ်ကလာ်အပူၤအဃိအဝဲ သ့ၣ်စိာ်တၢ်တချုးနီတမံၤဘၣ် န့ၣ်လီၤ. သဝီဖိတနီၤဃ့ၢ်ဆူတၢ်လီၢ်လၢအယံာ်ဒီးအဝဲသ့ၣ်သဝီ ဒီးတၢ်ကဲထီၣ်သးအလီၢ်အကျဲသ့ၣ်တဖၣ်န့ၣ်လီၤ. သဝီဖိတနီၤ ဃ့ၢ်ဆူထံခံကွာ်စိးဖဲအဝဲသ့ၣ်အတၢ်ဖံးအီၣ်မၤအီၣ်အလီၢ်လၢအဘူးဒီးသဝီန့ၣ် လီၤ. ဖဲလါအီကူး ၁၂ သီ, ၂၀၂၄ နံၣ်အဆၢကတီၢ် န့ၣ်, သဝီဖိသ့ၣ်တဖၣ်က့ၤအိၣ်ဆူအဟံၣ်အဃီ, အဒူသဝီပူၤတဘူၣ်ဒံးဘၣ်န့ၣ်လီၤ. ခီဖျိအဝဲသ့ၣ်ပျံၤဝဲ သ့ၣ်တၢ်ကကဲထီၣ်ကဒီး အသးန့ၣ်လီၤ. လၢန့ၣ်အမဲာ်ညါ, သဝီဖိသ့ၣ်တဖၣ်ပျံၤဝဲမ့ၣ် ပိၢ်အတၢ်လီၤဘၣ်ယိၣ် ဒီးကျိချံလၢအတပိၢ်ဘၣ်သ့ၣ်တဖၣ် အတၢ်လီၤဘၣ်ယိၣ် (မ့ၢ်လၢ SAC သုးမ့ၢ်ဂ့ၤ KNLA သုးမ့ၢ်ဂ့ၤဖဲအဝဲသ့ၣ်အိၣ်ဖဲန့ၣ်အဆၢကတီၢ်အဝဲသ့ၣ်ကဒိးလီၤပာ်မ့ၣ်ပိၢ်သ့ၣ် သ့) န့ၣ်လီၤ.

SAC သုးမၢန့ၢ်ဆူၣ်သဝီဖိသ့ၣ်တဖၣ် ကဲပီၤတၤ ဒီးပှၤနံၣ်ကျဲဖိ ဖဲ လၢၢ်ဒိၣ်စိကီၢ်ဆၣ် ဒီး ကစၢၢ်ဒိၣ်ကီၢ်ဆၣ်

ဖဲလါအီကူး ၈ သီ, ၂၀၂၄ နံၣ်န့ၣ်, SAC သုးဖိလၢအမ့ၢ် ခီၣ်သုးရ့ၣ် နီၣ်ဂံၢ် - ၁၀၄ ဒီး ခီၣ်သုးရ့ၣ် နီၣ်ဂံၢ် - ၂၆၇ လၢအ အိၣ်ဆီလီၤအသးဖဲ ဒဝဲၢ်ဝ့ၢ်သ့ၣ်တဖၣ် ဒီး အပှၤသုးဖိဂံၢ်ဘါအိၣ် (၁၀၀) ဂၤထိဃီၤသုးကျိၤဆူ ဝ့ၢ်တၢ်အဲၣ် (မၠ့းတၤ) ဝ့ၢ် လၢအအိၣ်သူၣ်လီၤအသးဖဲ ဝ့ၢ်တၢ်အဲၣ်ဟီၣ်ကဝီၤ လၢအအိၣ်ဖဲ ကစၢၢ်ဒိၣ်ကီၢ်ဆၣ် ဒီး လၢၢ်ဒိၣ်စိကီၢ်ဆၣ် အပူၤလၢက ဆီတလဲအသုးအဂီၢ်န့ၣ်လီၤ. ဖဲ လါအီကူး ၁၀ သီ, ၂၀၂၄ နံၣ်အနံၤန့ၣ်, ပယီၤသုးသ့ၣ်တဖၣ်လဲၤတုၤဖဲ အအ--- သဝီ, ပီချိဟီၣ်ကဝီၤ, ကစၢၢ်ဒိၣ်ကီၢ်ဆၣ် အပူၤန့ၣ်လီၤ. အဝဲသ့ၣ်မံဖဲန့ၣ်တနၤ, ဒီး ဖဲပယီၤသုးသ့ၣ်တဖၣ်မံတ့ၢ်ဖဲသဝီဖဲန့ၣ်အ ဆၢကတီၢ်အဝဲသ့ၣ်ဖီၣ်မၤသံအီၣ်သဝီဖိသ့ၣ်တဖၣ်အဆၣ်ဖိကီၢ်ဖိ, မၤဟးဂီၤသဝီဖိအတၢ်မုၢ်တၢ်ဘိ, ဒီး ဟးမၤပြံပြါသဝီ ဖိအဟံၣ်ပီးလီသ့ၣ်တဖၣ်သကုၤဆးဒးန့ၣ်လီၤ.

ဖဲလါအီကူး ၁၁ သီ, ၂၀၂၄ နံၣ်န့ၣ်, ပယီၤသုးသ့ၣ်တဖၣ်အံၤထိဃီၤသုးကျိၤဆူညါ ဆူ ဝ့ၢ်တၢ်အဲၣ်န့ၣ်လီၤ. ဖဲအဝဲသ့ၣ် လဲၤလၢကျဲအဆၢကတီၢ်အဝဲသ့ၣ်ထံၣ်သဝီဖိ ဒီး ဖီၣ်ဝဲဝံၤမၢန့ၢ်ဆူၣ်သဝီဖိယိးန့ၣ်အီၤကျိချံ မျိာ်သၣ်သ့ၣ်တဖၣ်န့ၣ်လီၤ. အဝဲသ့ၣ် ဖီၣ်န့ၢ်သဝီဖိခဲလၢာ် (၁၂) ဂၤ, အကျါပၣ်ဃုာ်ဒီး သဝီဖိ (၇) ဂၤလၢအအိၣ်လၢ မ--- သဝီ, ပီချိဟီၣ်ကဝီၤ, ကစၢၢ်ဒိၣ်ကီၢ်ဆၣ်, သဝီဖိ (၃) ဂၤလၢအအိၣ်လၢ ဝ--- သဝီ, ကမိၤသွ့ဟီၣ်ကဝီၤ, လၢၢ်ဒိၣ်စိကီၢ်ဆၣ်, ဒီး သဝီဖိ (၂) ဂၤလၢ အအိၣ်လၢ ခ--- သဝီ, ကမိၤသွ့ဟီၣ်ကဝီၤ န့ၣ်လီၤ. သဝီဖိလၢအအိၣ်လၢ မ--- သဝီ ဒီး ဝ--- သဝီ သ့ၣ်တဖၣ်ဘၣ်တၢ်ပျၢ်ကွံာ်အဝဲသ့ၣ်ဖဲအလဲၤတုၤ လၢ ပ--- ပၢၤကီၢ်ရူ လၢအအိၣ်ဖဲ ပ--- သဝီ, ကမိၤသွ့ဟီၣ်ကဝီၤ အဆၢကတီၢ်န့ၣ်လီၤ. ဘၣ်ဆၣ်သနာ်က့, သဝီဖိခံဂၤလၢ အအိၣ်လၢ ခ--- သဝီန့ၣ်မ့ၢ်ပှၤပျၢ်ကွံာ်အီၤလံဧါတပျၢ်ကွံာ်ဒံးဘၣ်ဧါန့ၣ်တၢ်သ့ၣ်ညါထွဲအီၤဒံးဘၣ် (KHRG အပှၤဃုဃိထံသ့ၣ်ညါ တၢ်ဖိကလဲၤဟံးမၤန့ၢ်တၢ်ကစီၣ်အံၤလၢ ခ--- သဝီန့ၣ်တန့ၢ်ဘၣ်အဃိ) န့ၣ်လီၤ.

ဖဲလါအီကူး ၁၂ သီ, ၂၀၂၄ နံၣ်န့ၣ်, ပယီၤသုးသ့ၣ်တဖၣ်လဲၤကဒီးဆူ ဝ့ၢ်တၢ်အဲၣ်န့ၣ်လီၤ. ဖဲလါအီကူး ၁၂ သီ, ၂၀၂၄ နံၣ်, ဖဲဂီၤခီ ၇ နၣ်ရံၣ်, တချုးဒံးလၢအဝဲသ့ၣ်လဲၤတုၤလၢ ရ--- သဝီ, ကမိၤသွ့ဟီၣ်ကဝီၤ, ဒံးဘၣ်အဆၢကတီၢ် ဘၣ်သဂၢၢ် ခးလိာ်အသးဒီး KNLA ဒီး လီၢ်ကဝီၤသုးဖီၣ်စုကဝဲၤအဂၤအသုးပာ်ဖှိၣ် ဒီး တၢ်ဒုးကဲထီၣ်ဝဲလၢအဝဲသ့ၣ်ခံခီယၢ်ဘးအဘၢၣ်စၢၤ န့ၣ်လီၤ. ဒီးဖဲဂီၤခီ ၉ နၣ်ရံၣ်အဆၢကတီၢ်န့ၣ်, တၢ်ဒုးကဲထီၣ်ကဒီးအသးလၢ KNLA သုးပာ်ဖှိၣ်သ့ၣ်တဖၣ် ဒီး ပယီၤသုး အဘၢၣ်စၢၤ ဖဲ ရ--- သဝီ အသီတဘျီကဒီးန့ၣ်လီၤ. ဖဲဟါလီၤခီ ၂ နၣ်ရံၣ် ဒီး ၃ နၣ်ရံၣ် အဘၢၣ်ကဝီၤန့ၣ်, တၢ်ဒုးကဲထီၣ်ကဒီး အသးလၢ KNLA သုးပာ်ဖှိၣ် ဒီး ပယီၤသုးအဘၢၣ်စၢၤအသီတဘျီကဒီးဖဲ ထ--- သီခါဖၠၣ်, လၢအအိၣ်ဖဲ ထ--- သဝီ, ကမိၤသွ့ ဟီၣ်ကဝီၤအပူၤန့ၣ်လီၤ. ပယီၤသုးသ့ၣ်တဖၣ်န့ၣ်အိၣ်ဖဲသီခါဖၠၣ်န့ၣ်ဒီး မ့မ့ၢ် သီခါဒီး သဝီဖိသ့ၣ်တဖၣ်တခီဃ့ၢ်ကွံာ်လၢၤလံ န့ၣ်လီၤ. လီၢ်ခံကတၢၢ်န့ၣ်, ဖဲပယီၤသုးသ့ၣ်တဖၣ်ထိသုးကျိၤဆူဝ့ၢ် တၢ်အဲၣ်အဆၢကတီၢ်, ဘၣ်ဖဲ ဟါလီၤခီ ၄ နၣ်ရံၣ် ဒီး ၅ နၣ်ရံၣ်အဘၢစၢၤန့ၣ်, တၢ်ဒုးကဲထီၣ်ကဒီးအသးလၢ KNLA အသုးပာ်ဖှိၣ် ဒီး ပယီၤသုးအဘၢၣ်စၢၤန့ၣ်လီၤ.

ဖဲလါအီကူး ၁၆ သီ, ၂၀၂၄ နံၣ်အနံၤန့ၣ်, ပယီၤသုးလၢအက့ၤတုၤဆူဝ့ၢ်တၢ်အဲၣ်သုးဟူးဂဲၤဝဲၤလီၢ်သုးကလၢၤသ့ၣ်တဖၣ် ဖဲအဝဲသ့ၣ်ကက့ၤလီၤက့ၤဆူ ဒဝဲၢ်ဝ့ၢ်အဆၢကတီၢ်, KNLA အသုး ဒီး သုးဖီၣ်စုကဝဲၤအဂၤသ့ၣ်တဖၣ်ခိးသဂၢၢ်ခးအဝဲသ့ၣ် ဖဲ ဃ--- သဝီ, ပီချိဟီၣ်ကဝီၤ, ကစၢၢ်ဒိၣ်ကီၢ်ဆၣ် အသီတဘျီကဒီးန့ၣ်လီၤ. ဖဲလါအီကူး ၁၈ သီ, ၂၀၂၄ နံၣ်, ဖဲ ပယီၤ သုးသ့ၣ်တဖၣ် လဲၤတုၤဆူ ပ--- ပၢၤကီၢ်ရူဝံၤအလီၢ်ခံ, အဝဲသ့ၣ်က့ၤဆူညါ ဆူအဝဲသ့ၣ်သုးဟူးဂဲၤဟီၣ်ကဝီၤဖဲ ဒဝဲၢ်ဝ့ၢ်န့ၣ်လီၤ. ဖဲအဝဲသ့ၣ်တုၤလီၤ လၢ တ--- သဝီ, ကမိၤသွ့ဟီၣ်ကဝီၤ ဝံၤအလီၢ်ခံဖဲ KNLA သုးသ့ၣ်တဖၣ်ခိးသဂၢၢ်ခးအဝဲသ့ၣ်ဝံၤ အလီၢ်ခံတၢ်ဒုးကဲထီၣ်ဝဲခံဘျီ န့ၣ်လီၤ. တၢ်ဒုးဝံၤအလီၢ်ခံ, ပယီၤသုးသ့ၣ်တဖၣ် ဖီၣ်ဝဲသဝီဖိလၢအမံၤန့ၢ် စီၤဒ--- သးနံၣ် (၄၅) နံၣ်တဂၤလၢအအိၣ်ဖဲ တ--- သဝီန့ၣ်လီၤ. ပယီၤသုးသ့ၣ်တဖၣ်န့ၣ်မၢန့ၢ်ဆူၣ်အီၤလၢအဝဲကလဲၤပိာ်အဝဲသ့ၣ်အခံ ဒီး မၢန့ၢ်ဆူၣ်အီၤလၢကဝံန့ၢ်အဝဲသ့ၣ် ကျိချံမျိာ်သၣ်န့ၣ်လီၤ. ပယီၤသုးသ့ၣ်တဖၣ်လဲၤကဒီးအတၢ်လဲၤကျဲဆူညါ, ဒီး ဖဲအဝဲသ့ၣ်လဲၤတုၤလၢ မ--- သဝီ, ပီချိဟီၣ်ကဝီၤ, ကစၢၢ်ဒိၣ်ကီၢ်ဆၣ် အဆၢကတီၢ် တၢ်ဒုးကဲထီၣ်ကဒီးလၢ အဝဲသ့ၣ် ဒီး KNLA သုးရ့ၣ် နီၣ်ဂံၢ် - ၁၂, သုးရ့ၣ် နီၣ်ဂံၢ် - ၂၇ ဒီး ကီၢ်သူလ့ၤသုးမုၢ်ဒိၣ် (KTLA), ဒီး လီၢ်ကဝီၤသုး ဖီၣ်စုကဝဲၤသ့ၣ်တဖၣ် အဘၢၣ်စၢၤန့ၣ်လီၤ. မ့ၢ်လၢတၢ်ဒုးကဲထီၣ်သးဖဲသဝီကပၤ အဃိ သဝီဖိသ့ၣ်တဖၣ်အတၢ်ဖံးအီၣ်မၤ အီၣ်လီၢ်ကျဲဘၣ်ဟးဂုၤဟးဂီၤဝဲန့ၣ်လီၤ.

စီၤဒ--- စံးဝဲ, "ပယီၤသုးသ့ၣ်တဖၣ်ဖီၣ်န့ၢ်ယၤဖဲယလဲၤတုၤလၢပှၢ်ပူၤအဆၢကတီၢ် ဒီး ပယီၤသုးသ့ၣ်တဖၣ်န့ၣ်သံကွၢ်ယၤ ဒ်သိးအဝဲသ့ၣ်ကသ့ၣ်ညါဘၣ်ဝဲလၢမ့ၢ်ယမ့ၢ် PDF အသုးဧါ တမ့ၢ်ဧါလီၤ. ပယီၤသုးသ့ၣ်တဖၣ်န့ၣ်တဲယၤလၢ ယမ့ၢ်လံၣ် အီၣ်အဝဲသ့ၣ်န့ၣ်အဝဲသ့ၣ်ကတီၢ်သဲၣ်ဖးယခိၣ်သၣ်ဃံလီၤ. ယတဲဘၣ်အဝဲသ့ၣ်လၢ ယတမ့ၢ် PDF အသုးဘၣ်. ပယီၤသုး သ့ၣ်တဖၣ်န့ၣ်မၤပျံၤမၤဖုးစ့ၢ်ကီးယၤ ဒီး ညိၣ်ဃီၤအကျိလၢယခိၣ်သၣ်ဃံလိာ်စ့ၢ်ကီးလီၤ. ဖဲလၢမုၢ်နၤခီအဆၢကတီၢ်, ပယီၤသုး အကျါတဂၤ အဝဲမ့ၢ်ပှၤကညီကလုာ်လီၤ အဝဲဟဲဃီၤလၢယအိၣ် ဟဲစိာ်န့ၢ်ယၤမၣ်မၣ် (၅) ဘိၣ် ဒီး မ့ၣ်ဒွံး (ဒၤမံခၠံး) တဖျၢၣ်လီၤ. အဝဲဟ့ၣ်လီၤယၤမၣ်မၣ်ယဲၢ်ဘိၣ် ဒီး မ့ၣ်ဒွံးတဖျၢၣ် န့ၣ်ဝံၤတဲယၤ 'ဃ့ၢ်, နမ့ၢ်တဃ့ၢ်ပူၤကွံာ်နသးလၢတၢ်လီၢ်အံၤ ဘၣ်န့ၣ်တမ့ၢ် တၢ်ညီလၢနဂီၢ်ဘၣ်.' ဝံၤန့ၣ်, ယဂုာ်ကျဲးစၢးဃ့ၢ်ပူၤဖျဲးကွံာ်ယသးလၢတၢ်လီၢ်ဝဲန့ၣ်န့ၣ် လီၤ." စီၤဟ--- ဃ့ၢ်ကွံာ်ဒီးပူၤဖျဲးထီၣ်ဘၣ်ဝဲ လၢယီၤသုးသ့ၣ်တဖၣ်န့ၣ်အအိၣ်န့ၣ်လီၤ.

ဖဲလါအီကူး ၂၀ သီ, ၂၀၂၄ နံၣ်န့ၣ်, ပယီၤသုးသ့ၣ်တဖၣ် လဲၤတုၤဖဲ အဘ--- ပၢၤကီၢ်ရူ လၢအအိၣ်ဖဲ အဘ--- သဝီ, ပကၤယံး ဟီၣ်ကဝီၤ, ဒဝဲၢ်ဝ့ၢ် (အိၣ်လၢ SAC အတၢ်ပၢဖီလာ်) န့ၣ်လီၤ.

သဝီဖိလၢအအိၣ်ဖဲ မ--- သဝီ, ဃ--- သဝီ, ပီချိဟီၣ်ကဝီၤ, ကစၢၢ်ဒိၣ်ကီၢ်ဆၣ်, ဒီး ရ--- သဝီ, ထ--- သဝီ, တ--- သဝီ, ကမိၤသွ့ဟီၣ်ကဝီၤ သ့ၣ်တဖၣ်ဘၣ်ဃ့ၢ်ထီၣ်ကွံာ်လၢအဝဲသ့ၣ်အဒူသဝီပူၤဆူသဝီအဂၤ စးထီၣ်လၢ လါအီကူး ၉ သီ, ၂၀၂၄ နံၣ်, ဖဲပယီၤသုးသ့ၣ်တဖၣ်စးထီၣ်ထိသုးကျိၤဝံၤအလီၢ်ခံ တုၤ လါအီကူး ၂၀ သီ, ၂၀၂၄ နံၣ်န့ၣ်လီၤ. သဝီဖိတနီၤ ဟဲက့ၤဆူအဝဲသ့ၣ်ဟံၣ်ဃီဖဲ ပယီၤသုးသ့ၣ်တဖၣ်ဟးထီၣ်ကွံာ်လၢသဝီပူၤ (တၢ်ကဲထီၣ်သးဟီၣ်ကဝီၤ) အဆၢကတီၢ် န့ၣ်လီၤ.

SAC သုးသ့ၣ်တဖၣ် ဒွဲၣ်အူထီၣ်ဟံၣ်ဃီ ဒီး မၤသံသဝီဖိတဂၤ ဖဲလၢၢ်မုၢ်လါကီၢ်ဆၣ်

ဖဲလါစဲးပထ့ဘၢၣ် ၁၄ သီ, ၂၀၂၄ နံၣ်န့ၣ်, SAC ပယီၤသုးလၢအမ့ၢ် ခီၣ်သုးရ့ၣ် နီၣ်ဂံၢ် - ၂၈၅ အသုးဖိနီၣ်ဂံၢ်အိၣ် (၁၀၀) ဂၤဃၣ်ဃၣ်ထိဃီၤသုးကျိၤဆူ ဂ--- သဝီ, ပလီဟီၣ်ကဝီၤ, လၢၢ်မုၢ်လါကီၢ်ဆၣ်, ဘျံးဒဝဲၢ်ကီၢ်ရ့ၣ် လၢကမၤၡဲမၤပျီကွံာ် (ဒုးလီၤမၢ်ကွံာ်သုးဖီၣ်စုကဝဲၤလၢဒုးထီဒါအဝဲသ့ၣ်သ့ၣ်တဖၣ်အတၢ်ဟူးတၢ်ဂဲၤ) ဖဲသဝီန့ၣ်အပူၤန့ၣ်လီၤ. ဖဲ SAC အသုး သ့ၣ်တဖၣ်လဲၤတုၤလၢ ကဟ--- သဝီ, ပလီဟီၣ်ကဝီၤ ပူၤအဆၢတီၢ်န့ၣ်တၢ်ဒုးကဲထီၣ်လၢ အဝဲသ့ၣ်ဒီး ကညီဂၢၤသးသုး မုၢ်ဒိၣ် (KNDO) သုးရ့ၣ် နီၣ်ဂံၢ်- ၇ အသုးပာ်ဖှိၣ်သ့ၣ်တဖၣ်န့ၣ်လီၤ. တၢ်န့ၣ်ဝံၤအလီၢ်ခံ, ပယီၤသုးသ့ၣ်တဖၣ်ဒွဲၣ်အူထီၣ်ဝဲသဝီဖိ အဟံၣ် (၉) ဖျၢၣ်န့ၣ်လီၤ. SAC သုးဖိသ့ၣ်တဖၣ်အိၣ်တ့ၢ်ဖဲ ကဟ--- သဝီန့ၣ် ဒီး ဖဲ လါစဲးပထ့ဘၢၣ် ၁၆ သီ, ၂၀၂၄ နံၣ်န့ၣ်, အဝဲသ့ၣ်စးထီၣ်မၤၡဲမၤပျီကွံာ် ကဧ--- သဝီ, ဖဲ ပလီဟီၣ်ကဝီၤ ဒီး တၢ်ဒုးကဲထီၣ်အသးအသီတဘျီက ဒီး လၢယီၤသုး ဒီး သုးဖီၣ်စုကဝဲၤပာ်ဖှိၣ် (KNDO, KNLA, ဒီး PDF) သုးသ့ၣ်တဖၣ်အဘၢၣ်စၢၤန့ၣ်လီၤ. SAC သုးသ့ၣ်တဖၣ်န့ၣ်ဒွဲၣ်အူထီၣ်ကွံာ်ဝဲ သဝီဖိသ့ၣ်တဖၣ်အဟံၣ်န့ၣ်လီၤ.

ဖဲလါစဲးပထ့ဘၢၣ် ၁၈ သီ, ၂၀၂၄ နံၣ်န့ၣ်, SAC ပယီၤသုးသ့ၣ်တဖၣ် လဲၤတုၤဖဲ ဂ--- သဝီ ဒီး တၢ်ဒုးကဲထီၣ်လၢ အဝဲသ့ၣ်ဒီး သုးဖီၣ်စုကဝဲၤပာ်ဖှိၣ်လၢအမ့ၢ် KNDO, KNLA, ဒီး PDF သုသ့ၣ်တဖၣ် အဘၢၣ်စၢၤ ဒီး SAC သုးသ့ၣ်တဖၣ် ဒွဲၣ်အူထီၣ်ကွံာ် ဝဲကမျၢၢ်သ့ၣ်တဖၣ်အဟံၣ်အဃီန့ၣ်လီၤ. ဖဲလါစဲးပထ့ဘၢၣ် ၁၉ သီအနံၤန့ၣ်, SAC အသုးလၢအထိဃီၤ သုးကျိၤဆူ စ---  သဝီသ့ၣ်တဖၣ်မ့ၢ်လၢပှၤအိၣ်ခိးသဂၢၢ်ခးအဝဲသ့ၣ်လၢအပူၤကွံာ်နံၤန့ၣ်အဃိအဝဲသ့ၣ်ဒွဲၣ် အူထီၣ်ကွံာ်ဝဲ စ--- သဝီဖိအဟံၣ် (၄၀) ဖျၢၣ်န့ၣ်လီၤ. ပဒိၣ် နီၢ်ဒဆ---- လၢအမ့ၢ် (လီၢ်ကဝီၤကညီဒီကလုာ်စၢဖှိၣ်ကရၢ (KNU) ပှၤဘၣ်မူဘၣ်ဒါလၢ အမၤစၢၤသဝီဖိလၢ လဲၤဃ့ၢ်အိၣ်ကမှံဖဲလီၢ်ကဝီၤန့ၣ်အပူၤ) ပှၤကွၢ်ထွဲပှၤလီၢ်ကဝီၤလီၢ်အိၣ်ကမှံတဂၤစံးဝဲ, ဖဲအဝဲသ့ၣ်ဒွဲၣ်အူထီၣ်ကွံာ် စ--- သဝီ အဆၢကတီၢ်သဝီဖိတဂၤမ့ၣ်အူအီၣ်သံကွံာ်အီၤန့ၣ်လီၤ.

ဖဲလါစဲးပထ့ဘၢၣ် ၂၀ သီ, ၂၀၂၄ နံၣ်န့ၣ်, SAC သုးဖိသ့ၣ်တဖၣ်, ဟဲက့ၤလီၤက့ၤဆူ ခီၣ်သုးရ့ၣ် နီၣ်ဂံၢ် - ၂၈၅ အသုးက လၢၤန့ၣ်လီၤ. တၢ်န့ၣ်ဝံၤအလီၢ်ခံ, သဝီဖိလၢအအိၣ်လၢ စ--- သဝီ သ့ၣ်တဖၣ်, ဒီး သုးဖီၣ်စုကဝဲၤသ့ၣ်တဖၣ်ထံၣ်ဝဲလၢသ ဝီဖိတဂၤအစိၣ်လၢအသံကွံာ်ဖဲတၢ်အူထီၣ်အလီၢ်ကဝီၤန့ၣ်လီၤ. SAC သုးသ့ၣ်တဖၣ်ဒွဲၣ်အူထီၣ် စ--- သဝီဖဲမုၢ်နၤခီဖးဖီ မုၢ်ဖဲ သဝီဖိသ့ၣ်တဖၣ်မံအဆၢကတီၢ်န့ၣ်လီၤ. တၢ်ပာ်ဖျါထီၣ်ဝဲလၢ သဝီဖိလၢအသံတဂၤအံၤအသးနံၣ်အိၣ် (၅၀) နံၣ် ဃၣ်ဃၣ် ဒီး ဆိးက့စ့ၢ်ကီးန့ၣ်လီၤ. အဃိသဝီဖိသ့ၣ်တဖၣ်တသ့ၣ်ညါလီၤတံၢ်ဝဲလၢ မ့ၢ်သဝီဖိတဂၤအံၤန့ၣ် SAC သုးဖီၣ် အီၤတချုးဖဲလၢ အဝဲသ့ၣ်ဒွဲၣ်အူထီၣ်တၢ်ဒံးဘၣ်အခါဒီး ဒွဲၣ်အူသံဃုာ်ကွံာ်သဝီဖိတဂၤအံၤ မ့တမ့ၢ် မ့ၢ်ခီဖျိလၢအဝဲအိၣ်တဆူၣ်ဘၣ်အဃိ အဝဲဃ့ၢ်တကဲဃိဧါန့ၣ်ဘၣ်လီၤ.

ဖဲလါစဲးပထ့ဘၢၣ် (တသ့ၣ်ညါမုၢ်နံၤ) ၂၀၂၄ နံၣ်န့ၣ်, SAC သုးသ့ၣ်တဖၣ်ထိဃီၤသုးကျိၤဆူ ပလီဟီၣ်ကဝီၤ ကပိၤကပၤ သ့ၣ်တဖၣ် ဒီး ဒွဲၣ်အူထီၣ်ဝဲသဝီဖိအဟံၣ်အါန့ၢ်ဒံး (၆၀) ဖျၢၣ်န့ၣ်လီၤ. မ့ၢ်လၢပယီၤသုးမၤဝဲတၢ်မၤၡဲမၤပျီကွံာ်လီၢ်ကဝီၤ အဃိ, အဝဲသ့ၣ်ဘၣ်သဂၢၢ်ထီဒါလိာ်အသးဒီး သုးဖီၣ်စုကဝဲၤလၢအဒုးထီဒါအီၤသ့ၣ်တဖၣ် ဒ်အမ့ၢ် KNDO, KNLA, ဒီး PDF သုးသ့ၣ် တဖၣ် ဒီး တၢ်ဒုးကဲထီၣ်လၢအဝဲသ့ၣ်အဘၢၣ်စၢၤအဃိ, အဝဲသ့ၣ် (SAC အသုးသ့ၣ်တဖၣ်) ဒွဲၣ်အူထီၣ် ဟံၣ်ဃီသ့ၣ်တဖၣ်, ဒီး သမံသမိးတၢ်, ဖီၣ်တၢ် ဒီး မၤနၢၤမၤဃၣ်သဝီဖိသ့ၣ်တဖၣ်န့ၣ်လီၤ. တၢ်အိၣ်သးခဲကနံၣ်အံၤ,  လၢတၢ်ဘံၣ်တၢ်ဘၢအဂီၢ် (KNU ပှၤဘၣ်မူဘၣ်ဒါသ့ၣ်တဖၣ်) တပျဲသဝီဖိတနီၤက့ၤဆူအဝဲသ့ၣ်တၢ်အိၣ်တၢ်ဆိးအလီၢ် ဒံးဘၣ်န့ၣ်လီၤ.

သဝီဖိသ့ၣ်တဖၣ်လၢဘၣ်တၢ်ဖီၣ်န့ၢ်အီၣ်ဖဲ SAC ဟူးဂဲၤအဆၢကတီၢ်သ့ၣ်တဖၣ်တၢ်တနၢ်ဟူအပရၢနီတမံၤဘၣ်န့ၣ်လီၤ. ပဒိၣ် နီၢ်ဒဆ---, လၢအမ့ၢ် လီၢ်ကဝီၤပှၤ ဘၣ်မူဘၣ်ဒါလၢအဟ့ၣ်တၢ်မၤစၢၤဆူသဝီဖိလၢအအိၣ်ဖဲဟီၣ်ကဝီၤပူၤန့ၣ် ဒီး ဟ့ၣ်တၢ်ကစီၣ် အံၤဆူ KHRG အအိၣ်တဂၤအံၤ တသ့ၣ်ညါဝဲလၢမ့ၢ်သဝီဖိလၢတၢ်ဖီၣ်န့ၢ်အီၤလၢအအိၣ်လၢ ပလီဟီၣ်ကဝီၤသ့ၣ်တဖၣ်န့ၣ် မ့ၢ်အအိၣ်ဟဲန့ၣ်ဖဲလဲၣ်, ဒီး ဘၣ်တၢ်ဖီၣ်န့ၢ်အီၤပှဲၤဂၤလဲၣ်ဘၣ်န့ၣ်လီၤ. မ့ၢ်လၢသဝီဖိသ့ၣ်တဖၣ်ပျံၤတၢ်ဖုး တၢ်အဃိတနီၤဃ့ၢ်ဆူ ပှၢ်ပူၤ, တနီၤသုးကွံာ်အသးဆူသဝီလၢအဘူးသ့ၣ်တဖၣ်အပူၤ, တနီၤလဲၤအိၣ်လဲၤဆိးက့ၤဆူဝ့ၢ်အဂၤအပူၤ, ဒီး တနီၤလဲၤအိၣ်က့ၤ ဆူဒဝဲၢ်ဝ့ၢ်န့ၣ်လီၤ. လၢတၢ်န့ၣ်အဃိ, KHRG ပှၤဃုဃိထံသ့ၣ်ညါတၢ်ဖိမၤနီၣ်မၤဃါပှၤ လၢ SAC သုးဖီၣ်အီၤသ့ၣ်တဖၣ်အနီၣ်ဂံၢ် နီၣ်ဒွးတန့ၢ်ဘၣ်န့ၣ်လီၤ.

မ့ၢ်လၢ SAC သုးသ့ၣ်တဖၣ် ထိသုးကျိၤ ဒီး မၤပယွဲပှၤဟီၣ်ခိၣ်ဖိခွဲးယာ်အဃိ, သဝီဖိတနီၤ က့ၤကွၢ်က့ၤအသဝီ (အဟံၣ် အဃီ), ဘၣ်ဆၣ် သဝီဖိတနီၤက့ၤဆူအသဝီအဟံၣ်အဃီတဘူၣ်ဘၣ်န့ၣ်လီၤ. သဝီဖိသ့ၣ်တဖၣ်ထံၣ်ဘၣ်သဂၢၢ်ဒီး တၢ် ကီတၢ်ခဲအါမး ဒ်အမ့ၢ် တၢ်အီၣ်တၢ်အီတကူတလၢ, တၢ်ကူတၢ်သိးတအိၣ်, ဒီး တၢ်အိၣ်ဆူၣ်အိၣ်ချ့အတၢ်ကဟုကယာ် သ့ၣ်တဖၣ်န့ၣ်လီၤ. ပဒိၣ် နီၢ်ဒဆ--- ပှၤကွၢ်ထွဲပှၤလီၢ်အိၣ်ကမှံ (လၢအမ့ၢ်လီၢ်ကဝီၤပှၤဘၣ်မူဘၣ်ဒါတဂၤ) ဖဲ ပလီဟီၣ် ကဝီၤ, လၢၢ်မုၢ်လါကီၢ်ဆၣ် တဂၤစံးဝဲလၢ, သဝီဖိသ့ၣ်တဖၣ်လၢ CIDKP (ကီၢ်ပူၤကညီပှၤလီၢ်အိၣ်ကမှံကမံးတံာ်) အမဲာ်ညါအဝဲသ့ၣ်တဒိးန့ၢ်ဘၣ် တၢ်ဆီၣ်ထွဲမၤစၢၤလီၤလီၤဆီဆီလၢတၢ်ကရၢကရိအဂၤသ့ၣ်တဖၣ်အအိၣ်နီတဖုဒံးဘၣ်န့ၣ်လီၤ. အဝဲပာ်ဖျါထီၣ်စ့ၢ်ကီးလၢ သဝီဖိ အါဒံအါဂၤက့ၤဆူအဝဲသ့ၣ်အသဝီပူၤတဘူၣ်လၢၤဘၣ် မ့ၢ်လၢအဝဲသ့ၣ်ပျံၤဝဲလၢ တၢ်ဒုးကကဲထီၣ်ကဒီးအသး, တၢ်ဒိးလီၤမ့ၣ်ပိၢ်, ဒီး လၢအဝဲသ့ၣ်အဂီၢ်တၢ်ဘံၣ်တၢ်ဘၢစှၤ ဒီး သဝီဖိတနီၤဘၣ်လီၤမၢ် ကွံာ်အဟံၣ်အဃီန့ၣ်လီၤ.