တၢ်ကဲထီၣ်သးအကလုာ်

ထံကီၢ်တၢ်ပၢတၢ်ပြးကီၣ်ကးကရၢ (SAC) ခးလီၤကျိဖးဒိၣ်ဒီးကဘီယူၤခးလီၤတၢ်အဃိဒုး အိၣ်ထီၣ်ဝဲတၢ်ဘၣ်ဒိဘၣ်ထံးလၢဒူသဝီဖိသ့ၣ်တဖၣ်

တၢ်ကဲထီၣ်သးမုၢ်နံၤမုၢ်သီ

လါဒံၣ်စဲဘၢၣ် ၃၀ ဒီး ၃၁ သီ, ၂၀၂၄ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

အအ---သဝီ, ကတၢတံးကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤအ---

စီၤဘ---

သးနံၣ်

၂၁ နံၣ်

၄၃ နံၣ်

မုၣ်/ ခွါ

ခွါ

ခွါ

ကလုာ်

ကညီ

ကညီ

ထီၣ်ပှၢ် / သဘျ့  

သဘျ့

ထီၣ်ပှၢ်

တၢ်ဖံးတၢ်မၤ

ထူစံာ်

ထူစံာ်

တၢ်ဘူၣ်တၢ်ဘါ

ခရံာ်ဖိ

ခရံာ်ဖိ

တၢ်ဟံးမူဒါ/ လီၢ်လၤ

သဝီဖိ

သဝီဖိ

အိၣ်ဆိးဒူသဝီ

အအ---သဝီ, ကတၢတံးကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်

အအ---သဝီ, ကတၢတံးကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

တသ့ၣ်ညါ

[SAC] ကတၢတံးသုးကလၢၤ, ကတၢတံးကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်

တသ့ၣ်ညါ

တသ့ၣ်ညါ

တသ့ၣ်ညါ

တသ့ၣ်ညါ

[တသ့ၣ်ညါ SAC] သုးကဘီယူၤအိၣ် တၢ်လီၢ်

မ့အီၤလဲၤ

[ထိအီၣ်လၢအမ့ၢ်(SAC) ကလံၤသုး သုးရိၣ်မဲခိၣ် ကျၢၢ်]

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ဖဲယ [KHRG ပျီပူၤပှၤမၤတၢ်ဖိ] နၢ်ဟူကဘီယူၤခးလီၤတၢ်ဒီးတၢ်ခးလီၤကျိဖးဒိၣ်အဆၢကတီၢ်ယဘၣ်ကိၢ်ဘၣ်ဂီၤလၢသဝီဖိတၢ် ဘၣ်ဒိဘၣ်ထံးကအိၣ်ထီၣ်အဃိယလဲၤဆူ အဘ--- တၢ်ဟ့ၣ်ကသံၣ်ဒၢးလၢအအိၣ်ဖဲကတၢတံးကရူၢ်ဒီးထံၣ်လိာ်သးဒီးပှၤလၢအ ဘၣ်ဒိတဂၤလၢအမ့ၢ် စီၤဘ--- လၢအအိၣ်ဖဲ အအ---သဝီ န့ၣ်လီၤ. ယမၤတၢ်ထံၣ်လိာ်သံကွၢ်ဒီးစီၤဘ---ဘၣ်ဃးအတၢ်ဘၣ်ဒိ ဘၣ်ထံးအဂ့ၢ်န့ၣ်လီၤ. ဖဲယသံကွၢ်အီၤလၢမ့ၢ်တၢ်ဘၣ်ဒိဘၣ်ထံးအဂၤအိၣ်ဒံးတမံၤမံၤဧါဒီး အဝဲစံးဆၢယၤလၢသဝီဖိလၢအအိၣ်ဖဲ အအ--- သဝီဒီးအမံၤမ့ၢ် စီၤအ--- တဂၤသံဝဲလၢအပူၤကွံာ်တသီဖဲ လါဒံၣ်စဲဘၢၣ် ၃၀ သီ, ၂၀၂၄ နံၣ်အနံၤ န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

စီၤဘ---အိၣ်ဝဲဖဲအအ---သဝီဖဲတၢ်ကဲထီၣ်သးအဆၢကတီၢ်ဒီးအဝဲမ့ၢ်ပှၤတူၢ်ဘၣ်တၢ်ဖိတဂၤန့ၣ်လီၤ. [KHRG ပျီပူၤပှၤမၤတၢ်ဖိ] မၤလီၤတံၢ်စ့ၢ်ကီးတၢ်ဂ့ၢ်အံၤဒီးစီၤဆ--- လၢအမ့ၢ်ဝဲ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) သုးဖိတဂၤလၢအဟံးတၢ်ဘံၣ် တၢ်ဘၢလၢအဘူးဒီး အအ---သဝီဒီး ထံၣ်ထွဲဒီးနၢ်ဟူဝဲလၢ SAC လၢအအိၣ်ဖဲကတၢတံးသုးကလၢၤခးလီၤဝဲကျိဖးဒိၣ် (၆၀ မမ) (၆) ဘျီဖဲ အအ---သဝီ ဒီးဘၣ်သံဝဲ စီၤအ---န့ၣ်လီၤ. စီၤဆ--- နၢ်ဟူဝဲကျိဖးဒိၣ်လၢတၢ်ခးလီၤအံၤအိၣ်ဟဲလိၤလိၤဆူ SAC သုးကလၢၤန့ၣ်လီၤ. [KHRG ပျီပူၤပှၤမၤတၢ်ဖိတဲသကိးဘၣ်တၢ်စ့ၢ်ကီးဒီး အဘ---ကရူၢ်ခိၣ် လၢအမ့ၢ်သရၣ် ဒ--- န့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါဒံၣ်စဲဘၢၣ် ၃၀ သီ, ၂၀၂၄ နံၣ်အနံၤ, ဟါလီၤခီ ၈း၀၀ အဆၢကတီၢ်, SAC သုးဖိလၢအအိၣ်ဆီလီၤအသးဖဲကတၢတံးသုး ကလၢၤသ့ၣ်တဖၣ်ခးလီၤဝဲကျိဖးဒိၣ် (၆၀ မမ) (၆) ဖျၢၣ်ဆူ အအ---သဝီ, ကတၢတံးကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်အ ပူၤဒီးဘၣ်သံဝဲ အအ--- သဝီဖိလၢအမံၤမ့ၢ်ဝဲစီၤအ---, သးနံၣ်အိၣ် (၂၁) နံၣ်ဖဲအဝဲအိၣ်လၢတၢ်ဃ့ၢ်အိၣ်ကဒုအလီၢ်ဒီးဟဲက့ၤကွၢ် အဟံၣ်ဒီးဒုးအီၣ်ဆၣ်ဖိကီၢ်ဖိအဆၣ်လၢအဘုၣ်ဝဲသ့ၣ်တဖၣ်ဖဲသဝီပူၤန့ၣ်လီၤ. ဖဲတၢ်ကဲထီၣ်သးဝံၤအလီၢ်ခံ KNLA သုးဖိလၢအ ဟံးတၢ်ဘံၣ်တၢ်ဘၢလၢအဘူးဒီးသဝီတဖၣ်လဲၤဒီးသမံသမိးကွၢ်ဝဲတၢ်ကဲထီၣ်သးအလီၢ်န့ၣ်လီၤ. KNLA သုးဖိထံၣ်ဝဲ စီၤအ---အသံစိၣ်ဖဲ အအ---သဝီဒီးဒုးသ့ၣ်ညါဝဲသဝီခိၣ်နၢ် ဒီးတၢ်အိၣ်ဖှိၣ်သရၣ်လၢအအိၣ်ဖဲတၢ်ဃ့ၢ်အိၣ်ကဒုအလီၢ်န့ၣ်လီၤ. ဝံၤအလီၢ်ခံ တၢ်အိၣ်ဖှိၣ်သရၣ်ဒီးသဝီခိၣ်နၢ်တဖၣ်ရဲၣ်ကျဲၤဝဲ တၢ်သံဘူၣ်တၢ်ရဲၣ်တၢ်ကျဲၤန့ၣ်လီၤ. ဖဲလါယနူၤအါရံၤ ၃ သီ, ၂၀၂၅ နံၣ်အနံၤန့ၣ်, တၢ်အိၣ်ဖှိၣ်သရၣ်ဒီးသဝီဖိလၢအဃ့ၢ်အိၣ်ကဒုသ့ၣ်တဖၣ် ရဲၣ်ကျဲၤဒီးမၤဝဲတၢ်သ့ၣ်နီၣ်ထီၣ်မုၢ်နံၤလၢ စီၤအ---အဂီၢ်ဖဲတၢ်ဃ့ၢ်အိၣ် ကဒုအလီၢ်န့ၣ်လီၤ.

သဝီဖိလၢအအိၣ်ဖဲ အအ--- သဝီသ့ၣ်တဖၣ် ဘၣ်ဃ့ၢ်အိၣ်ကဒုစးထီၣ်လၢ လါဒံၣ်စဲဘၢၣ် ၁ သီ, ၂၀၂၄ နံၣ်ခီဖျိသုးဖီၣ်စုကဝဲၤ တၢ်သဘံၣ်သဘုၣ်လၢ SAC ဒီးသုးဖီၣ်စုကဝဲၤကရူၢ်သ့ၣ်တဖၣ်အဘၢၣ်စၢၤန့ၣ်လီၤ. စီၤအ--- အပၢ်န့ၣ်တအိၣ်လၢၤဘၣ်လၢညါ လံၤလံၤလံန့ၣ်လီၤ. စီၤအ--- အမိၢ်လဲၤဃ့ၢ်အိၣ်လၢ အဆ--- သဝီ, ဝဲပၠၢ်ကရူၢ်, ဖၣ်အၣ်ကီၢ်ဆၣ်, ဒူသထူၣ်ကီၢ်ရ့ၣ်ဒီးအဒီပုၢ်ဝဲၢ် သ့ၣ်ဖၣ်လဲၤဃ့ၢ်အိၣ်ဝဲလၢတၢ်လီၢ်အဂၤတတီၤန့ၣ်လီၤ.  လၢတၢ်န့ၣ်အဃိ ဖဲအဝဲတၢ်မၤဘူၣ်ထီၣ်က့ၤအီၤအဆၢကတီၢ် အဟံၣ်ဖိ ဃီဖိတပၣ်ဃုာ်နီတဂၤဘၣ်န့ၣ်လီၤ. စီၤအ---အမိၢ်အံၤဖဲအဝဲနၢ်ဟူလၢအဖိခွါတအိၣ်လၢၤဘၣ်န့ၣ် အဝဲတၢ်ထီၣ်အီၤဒီး ဘၣ်တၢ်ဆှၢအီၤဆူ ဖၣ်အၣ်တၢ်ဆါဟံၣ် လၢအဘၣ်တၢ်တီခိၣ်ရိၢ်မဲအီၤလၢ SAC န့ၣ်လီၤ. သရၣ်ဒ--- လၢအမ့ၢ် အဘ---သဝီခိၣ်နၢ်တဂၤအံၤပှၤတဲဘၣ် အီၤတၢ်အိၣ်သးဘၣ်ဃး စီၤအ--- အမိၢ်န့ၣ်လီၤ.

ဖဲလါဒံၣ်စဲဘၢၣ် ၃၁ သီ, ၂၀၂၄ နံၣ်အနံၤ, ဂီၤခီ ၈း၀၀ အဆၢကတီၢ်, SAC ကဘီယူၤ (၃) ဘ့ၣ်ဟဲခးလီၤတၢ်ဖဲ အအ---သဝီ, ကတၢတံးကရူၢ်ဒီးဘၣ်ဒိဝဲသဝီဖိလၢအမံၤမ့ၢ် စီၤဘ--- ဖဲအဝဲအိၣ်လၢတၢ်ဃ့ၢ်အိၣ်ကဒုလီၢ်ဒံးသိးဒီးစီၤအ---, ဒီးဟဲက့ၤကွၢ်ဝဲအ ဟံၣ်န့ၣ်လီၤ. စီၤဘ--- ဆၢထၢၣ်ဖဲအဟံၣ်မဲာ်ညါ ဖဲကဘီယူၤခးလီၤတၢ်အဆၢကတီၢ်ဒီး အဟံၣ်ဟးဂီၤစ့ၢ်ကီးဝဲန့ၣ်လီၤ. ဖဲအဝဲ ဘၣ်ဒိဝံၤအလီၢ်ခံ KNLA သုးဖိလၢအဟံးတၢ်ဘံၣ်တၢ်ဘၢသ့ၣ်တဖၣ်ဆှၢအီၤဆူ အဘ--- တၢ်ဟ့ၣ်ကသံၣ်ဒၢးလၢအဘၣ်တၢ်တီ ခိၣ်ရိၢ်မဲအီၤလၢ ကညီဆူၣ်ချ့မၤစၢၤဝဲၤကျိၤ (KDHW) ဖဲကတၢတံးကရူၢ် န့ၣ်လီၤ. စီၤဘ--- ဒိးန့ၢ်ဘၣ်ကလီဝဲတၢ်ကူစါယါဘျါ ဖဲတၢ်ဟ့ၣ်ကသံၣ်ဒၢးန့ၣ်လီၤ.

စီၤဘ---အသးနံၣ်အိၣ်ဝဲ (၄၃) နံၣ် ဒီးအဖိအိၣ်ဝဲ (၆) ဂၤန့ၣ်လီၤ. အဟံၣ်ဖိဃီဖိလဲၤဃ့ၢ်အိၣ်ကဒုလၢ အဆ---လ့ပူၤလၢအဘူးဒီး အဆ--- သဝီ, လ့ဖိထၣ်ကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်န့ၣ်လီၤ. စီၤဘ---ပာ်ဖျါထီၣ်ဝဲဆူ KHRG အိၣ်လၢ,"ယအဲၣ်ဒိးတဲ လၢတၢ်သဘံၣ်သဘုၣ်မ့ၢ်ကတၢၢ်န့ၣ် ယတသ့ၣ်ညါလၢယကဘၣ်မၤတၢ်မနုၤအတၢ်မၤဖဲ ယမ့ၢ်က့ၤဆူယသဝီလဲၣ်လီၤ. နံၣ်လၢ ကဟဲပကဘၣ်ဖံးဘၣ်မၤတၢ်. ယတထံၣ်န့ၢ်တၢ်မၤစၢၤလၢတၢ်လီၢ်နီတပူၤဘၣ်. ယလိၣ်ဘၣ်တၢ်အီၣ်တၢ်အီ, တၢ်ကူတၢ်သိးဒီးတၢ် ဖီအီၣ်အပီးအလီသ့ၣ်တဖၣ်ခီဖျိယဟံၣ်ဘၣ်ဟးဂီၤဝဲဒီဖျၢၣ်လၢ SAC ကဘီယူၤခးလီၤတၢ်အဃိလီၤ.''

KHRG ပျီပူၤပှၤမၤတၢ်ဖိပာ်ဖျါထီၣ်ဝဲလၢ, SAC ပညိၣ်ခးလီၤဝဲကျိဖးဒိၣ်လိၤလိၤ ဒီးခးလီၤတၢ်ဒီးကဘီယူၤဆူသဝီသ့ၣ်တဖၣ်, တၢ်ဖံးအီၣ်မၤအီၣ်အလီၢ်လၢအမ့ၢ် စံာ်ပျီဒီးပှၤဃ့ၢ်အိၣ်ကဒုအလီၢ်သ့ၣ်တဖၣ် န့ၣ်လီၤ. SAC တခးဝဲလိၤလိၤဆူအဒုၣ်အဒါအိၣ်တၢ် အလီၢ်ဘၣ်. တၢ်အံၤမ့ၢ်တၢ်မၤဘၣ်ဒိဝဲ (Geneva Convention) လၢတၢ်ကဘၣ်လူၤပိာ်မၤထွဲအီၤဒီးပှၤဟီၣ်ခိၣ်ဖိခွဲးယာ်န့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

ပှၤတူၢ်ဘၣ်တၢ်ဖိလၢအမ့ၢ် စီၤဘ--- အံၤဟ့ၣ်တၢ်ပျဲလၢတၢ်ကသူဝဲတၢ်ဂ့ၢ်တၢ်ကျိၤအံၤန့ၣ်လီၤ. စီၤအ--- အဒီပုၢ်ဝဲၢ်ခွါစ့ၢ်ကီးဟ့ၣ်တၢ် ပျဲလၢတၢ်ကရၤလီၤဝဲတၢ်ဂ့ၢ်တၢ်ကျိၤအံၤန့ၣ်လီၤ.