တၢ်ကဲထီၣ်သးအကလုာ်

ကဘီယူၤခးလီၤတၢ်ဒီးဘၣ်သံဝဲသဝီဖိခံဂၤ

တၢ်ကဲထီၣ်သးမုၢ်နံၤမုၢ်သီ

လါမးရှး ၁၉ သီ, ၂၀၂၅ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

အအ--- သဝီဟီၣ်ကဝီၤ, နိၣ်ဖိကရူၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤအ---

စီၤဘ---

သးနံၣ်

၃၅ နံၣ်

၃၄ နံၣ်

မုၣ်/ ခွါ

ခွါ

ခွါ

ကလုာ်

ကညီ

ကညီ

ထီၣ်ပှၢ် / သဘျ့  

ထီၣ်ပှၢ်

ထီၣ်ပှၢ်

တၢ်ဖံးတၢ်မၤ

မၤဝဲၤ

မၤဝဲၤ

တၢ်ဘူၣ်တၢ်ဘါ

ဘူးဒး

ဘူးဒး

တၢ်ဟံးမူဒါ/ လီၢ်လၤ

သဝီဖိ

သဝီဖိ

အိၣ်ဆိးဒူသဝီ

အအ--- သဝီ

အအ--- သဝီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

ကီၢ်ပယီၤကလံၤသုး (လၢတၢ်တီခိၣ် ရိၣ်မဲ အီၤလၢ ထံကီၢ်တၢ်ပၢတၢ်ပြး ကီၣ်ကးကရၢ - SAC)

တသ့ၣ်ညါ

(သုးခိၣ်ဒိၣ်ထိအီၤ, ကီၢ်ပယီၤကလံၤသုး သုးရိၢ်မဲခိၣ်ကျၢၢ်)

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

KHRG ပျီပူၤပှၤမၤတၢ်ဖိဒိးန့ၢ်ဘၣ်ဝဲတၢ်ဂ့ၢ်တၢ်ကျိၤလၢလီၢ်ကဝီၤသဝီဖိတဂၤအအိၣ်ဒီး အဝဲလဲၤဝဲဆူတၢ်ကဲထီၣ်သးအလီၢ် [ဖဲအအ--- သဝီ] ဖဲလါမးရှး ၂၀၂၅ နံၣ်အပူၤလၢကမၤနီၣ်မၤဃါဝဲတၢ်ကဲထီၣ်သးအဂ့ၢ်အကျိၤန့ၣ်လီၤ. [ဖဲအအ--- သဝီပူၤ, အဝဲမၤဝဲတၢ်ထံၣ်လိာ်သံကွၢ်ဒီးနီၢ်ဆ---, လၢအမ့ၢ်စီၤဘ--- အမါ, နီၢ်ဒ----, လၢအမ့ၢ်စီၤအ--- အမါဒီးစီၤဃ---, လၢအမ့ၢ်အအ--- သဝီသးပှၢ်န့ၣ်လီၤ.]

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ပျီပူၤပှၤမၤတၢ်ဖိမၤဝဲတၢ်ထံၣ်လိာ်သံကွၢ်ဒီးစီၤဘ--- အမါနီၢ်ဆ--- ဒီးစီၤအ--- အမါနီၢ်ဒ---န့ၣ်လီၤ. အါန့ၢ်အန့ၣ်ပျီပူၤပှၤမၤတၢ်ဖိ မၤစ့ၢ်ကီးဝဲတၢ်ထံၣ်လိာ်သံကွၢ်ဒီးအအ--- သဝီသးပှၢ်စီၤဃ---, လၢအသ့ၣ်ညါထွဲဝဲတၢ်ကဲထီၣ်သးအံၤ [အဝဲထံၣ်ဝဲစီၤဘ--- အသံ စိၣ်] န့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါမးရှး ၁၉ သီ, ၂၀၂၅ နံၣ်အနံၤ, ဂီၤခီ ၁၁း၀၀ အဆၢကတီၢ်, ကဘီယူၤဒုးသုးတဘ့ၣ်ဟဲဒီးတ့ၢ်လီၤဝဲမ့ၣ်ပိၢ် (၅၀၀ ပီၣ်) (၂) ဖျၢၣ်ဖဲအအ---သဝီပူၤ, နိၣ်ဖိကရူၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်ဒီးဘၣ်သံဝဲသဝီဖိ (၂) ဂၤန့ၣ်လီၤ. [မ့ၣ်ပိၢ်တဖျၢၣ် လီၤတဲာ်ဖဲနီၢ်ဆ---ဒီးစီၤဘ---အဟံၣ်မဲာ်ညါဒီးမ့ၣ်ပိၢ်အဂၤတဖျၢၣ်လီၤတဲာ်ဖဲစံာ်ပျီကပၤလၢအဘူးဒီးစံာ်ပျီဒဲဖဲစီၤဘ---မံဘၣ်သး အလီၢ်န့ၣ်လီၤ. တၢ်ဒ့ၣ်စၢၤလၢမ့ၣ်ပိၢ်တၢတဖျၢၣ်ဒီးခံဖျၢၣ်တဖျၢၣ်လီၤတဲာ်အလီၢ်န့ၣ်အိၣ်ဒၣ် (၂၀ မံးထၢၣ်) န့ၣ်လီၤ.]

စီၤဘ---အတၢ်သံ

ဖဲလါမးရှး ၁၉ သီ, ၂၀၂၅ နံၣ်အနံၤန့ၣ်, စီၤဘ---အိၣ်ဖဲအစံာ်ပျီဒဲပူၤလၢအအိၣ်စီၤစုၤဒီးအဟံၣ်လၢအအ---သဝီပူၤအိၣ်ဝဲ (၂၀ မံးထၢၣ်) လၢကဖံးတၢ်မၤတၢ်အဂီၢ်န့ၣ်လီၤ. ဖဲဂီၤခီ ၁၁း၀၀ အဆၢကတီၢ်, အဝဲမံဘၣ်သးလၢစုာ်ပူၤဖဲဒဲပူၤန့ၣ်လီၤ. ဖဲန့ၣ်အဆၢ ကတီၢ်ကဘီယူၤခးလီၤတၢ်ဒီးတ့ၢ်လီၤဝဲမ့ၣ်ပိၢ်တဖျၢၣ်လၢအဘူးဒီးအဒဲန့ၣ်လီၤ. မ့ၣ်ပိၢ်အက့ဘၣ်အီၤဒီးအဝဲသံဝဲဖဲတၢ်ပျီပူၤန့ၣ် လီၤ. အဒဲစ့ၢ်ကီးဘၣ်ဒိဝဲန့ၣ်လီၤ.

ဖဲတၢ်တနံၤန့ၣ်ဂီၤခီဂီၤဂီၤအဆၢကတီၢ်, စီၤဃ---လၢအသးနံၣ်အိၣ်ဝဲ (၄၀) နံၣ်ဒီးမ့ၢ်ဝဲအအ---သဝီနဲၣ်ရွဲၣ်တဂၤအံၤလဲၤဃုအီၣ်ဝဲ တၢ်ဒိးဃုာ်ဒီးသဝီဖိလၢအမံၤမ့ၢ်ဝဲစီၤလ---ဖဲပှၢ်ပူၤလၢအစီၤစုၤဒီးသဝီန့ၣ်လီၤ. ပှၤ (၂) ဂၤအံၤတသ့ၣ်ညါဝဲလၢကဘီယူၤဟဲခးလီၤ တၢ်ဖဲအဝဲသ့ၣ်အသဝီပူၤဖဲဂီၤခီ ၁၁း၀၀ ဘၣ်န့ၣ်လီၤ. ဖဲမုၢ်ဃ့ၢ်လီၤအဆၢကတီၢ်အဝဲသ့ၣ်ခံဂၤဟဲက့ၤဝဲဆူသဝီပူၤန့ၣ်လီၤ. ဖဲအဝဲ သ့ၣ်ဟဲက့ၤလၢကျဲအဆၢကတီၢ်န့ၣ်, စီၤဃ---အံၤဟးဝဲလၢစီၤလ---အမဲာ်ညါန့ၣ်လီၤ. ဖဲစီၤဃ---ဟဲက့ၤတုၤလၢအအ---တၢ်`လီၢ်ဒီးအဝဲထံၣ်ဝဲစံာ်ဒဲလၢစီၤဘ---အိၣ်ဘှံးဝဲအလီၢ်လၢဘၣ်တၢ်ဘှီဝဲဖဲသ့ၣ်ကဒုဖီလာ်ဒီးတၢ်ခုၣ်ဒိၣ်မးန့ၣ်လီၤ. [အဝဲသ့ၣ် ညါဝဲလၢတၢ်ကဘၣ်မၤအသးတမံၤမံၤ]. ဖဲအဝဲကွၢ်တၢ်အဆၢကတီၢ်ထံၣ်ဝဲလၢစုာ်ပူၤန့ၣ်ပှၤခီၣ်ဒ့လီၤစဲၤခံပၤန့ၣ်လီၤ. အမိၢ်ပှၢ်န့ၣ် လီၤတဲာ်ဝဲလၢစုာ်ပူၤဒီးအိၣ်မံနီၤလၢတၢ်ပျီပူၤန့ၣ်လီၤ. စုာ်အံၤတဘၣ်တၢ်စၢအီၤထီထီဒီးဟီၣ်ခိၣ်လိၤဘၣ်န့ၣ်လီၤ. စီၤဃ---အံၤပျံၤ တၢ်ဖုးတၢ်ဒိၣ်မးလၢကလဲၤနုာ်လီၤဆူဒဲပူၤထဲတဂၤန့ၣ်လီၤ. လၢတၢ်န့ၣ်အဃိအဝဲက့ၤကဒါက့ၤဆူသဝီပူၤဒီးတဲဘၣ်ပှၤဂၤ လၢက ဟဲဃုာ်ဒီးအီၤန့ၣ် လီၤ.

ဖဲအဝဲသ့ၣ် [စီၤဃ--ဒီးလီၢ်ကဝီၤသဝီဖိတဖၣ်]ဟဲဒီးထံၣ်ဝဲလၢဝၣ်က့ဖးထီတက့ဆဲးဖျိဝဲစီၤဘ---အဟၢဖၢန့ၣ်လီၤ. ဖဲသဝီဖိသ့ၣ် တဖၣ်ထုးထီၣ်အီၤအဆၢကတီၢ်, အဝဲသ့ၣ်ထံၣ်ဝဲလၢစီၤဘ---အမိၢ်ပှၢ်အညၣ်စးထီၣ်လၢအသးနါပှၢ်တုၤလၢအယီၣ်ဒ့န့ၣ်ထီၣ် တဲာ်ကွံာ်ဝဲလၢမ့ၣ်ပိၢ်အက့န့ၣ်လီၤ. အညၣ်န့ၣ်လီၤကလဲဒီးဖျိးဝဲလၢဒဲပူၤဒီးဒဲချၢတၢ်လီၢ်သကုၤဆးဒးန့ၣ်လီၤ. သဝီဖိသ့ၣ်တဖၣ် ပာ်ဖှိၣ်ဝဲတန့ၣ်ခဲလၢာ်ဘၣ်ခီဖျိအညၣ်အံၤဆံးဒိၣ်မးဒီးဖျိးဝဲလၢတၢ်လီၢ်သကုၤဆးဒးန့ၣ်လီၤ. လၢတၢ်န့ၣ်အဃိသဝီဖိသ့ၣ်တဖၣ် ဒွဲၣ်အူထီၣ်ဝဲ ဒဲတဖျၢၣ်အံၤဒီးကုၢ်ဝဲစီၤဘ---အစိၣ်ဖဲတၢ်ကဲထီၣ်သးအလီၢ်ခီဖျိလၢတၢ်ကဟဲက့ၤစိာ်ဆူသဝီပူၤအဂီၢ်န့ၣ်ကီဒိၣ်မး အဃိန့ၣ်လီၤ.

မ့ၣ်ပိၢ်အဂၤတဖျၢၣ်ပိၢ်ဖးထီၣ်ဘူးဒီးနီၢ်ဆ---လၢအမ့ၢ်စီၤဘ---အမါအံၤအဟံၣ်န့ၣ်လီၤ. တၢ်တနံၤန့ၣ်ဖဲအဝဲနၢ်ဟူကဘီယူၤဟဲသီၣ် န့ၣ်အဝဲအိၣ်ဖဲအဟံၣ်ပူၤန့ၣ်လီၤ. အဝဲဒီးအဖိ(၂) ဂၤလဲၤစံၣ်နုာ်ဆူတၢ်ပူၤ[တၢ်လီၢ်အမံၤဘၣ်တၢ်ပာ်ဘၢအီၤလၢတၢ်ဘံၣ်တၢ်ဘၢအ ဂီၢ်]န့ၣ်လီၤ. စှၤမံးနံးဝံၤအလီၢ်ခံအဝဲဆိကမိၢ်ဝဲလၢအနၢ်ဟူမူခိၣ်စူၤသီၣ်အဃိဟဲက့ၤထီၣ်ကွၢ်တၢ်လၢတၢ်ချၢန့ၣ်လီၤ. အဝဲထံၣ် ဝဲလၢအဟံၣ်န့ၣ်အူအီၣ်ကွံာ်အဃိ, ဟံးထီၣ်ဝဲအဖိခံဂၤဒီးလဲၤဃ့ၢ်ဝဲဆူသဝီပူၤ, ခီၣ်ဖံးတပၣ်, တၢ်မုၢ်လၢ်လၢပှၤကမၤစၢၤအီၤတ အိၣ် [ကမၤသံကွံာ်မ့ၢ်အူ]ဘၣ်န့ၣ်လီၤ. လၢခံအဝဲနၢ်ဟူဝဲလၢအဝၤန့ၣ်သံဘၣ်ဆၣ်အဝဲလဲၤထံၣ်ဝဲအဝၤအသံစိၣ်တဘူၣ်ဘၣ်ခီဖျိ အသးဘၣ်ဒိဒိၣ်မးလၢကဘၣ်ထံၣ်ဘၣ်ဝဲအဟံၣ်လီၢ်မၢ်ဒီးအဝၤသံခံခါလၢာ်န့ၣ်လီၤ.

နီၢ်ဆ---တဲဖျါဝဲဆူ KHRG ပျီပူၤပှၤမၤတၢ်ဖိအအိၣ်လၢ, အဝဲထံၣ်ဘၣ်ဝဲတၢ်ကီၢ်တၢ်ခဲဒိၣ်မးဖဲအဝၤသံဝံၤအလီၢ်ခံခီဖျိအဟံၣ်တၢ် ပီးတၢ်လီဒီးတၢ်ကိးမံၤဒဲးလၢဟံၣ်ပူၤဒ်အမ့ၢ်တၢ်အီၣ်တၢ်အီ, တၢ်ဖိတၢ်လံၤဒီးဟံၣ်ဃီပီးလီသ့ၣ်တဖၣ်ဟးဂီၤကွံာ်ဝဲခဲလၢာ်အဃိ န့ၣ်လီၤ. အဝဲစံးစ့ၢ်ကီးဝဲလၢအဖိခံဂၤအံၤအသးနံၣ်စၢ်ဒံးလၢကမၤစၢၤဟံၣ်ဃီလၢတၢ်လုၢ်အီၣ်နီၢ်ခိသးသမူအဂီၢ်န့ၣ်လီၤ.

စီၤအ---အတၢ်သံ

ဖဲလါမးရှး ၁၉ သီ, ၂၀၂၅ နံၣ်အနံၤ, ဂီၤခီအဆၢကတီၢ်, စီၤအ---လဲၤဝဲဆူအခုးပူၤလၢအအိၣ်ဖဲအအ---သဝီချၢလၢကကုၢ်ဝဲသွၣ် အဂီၢ်န့ၣ်လီၤ. အဝဲလဲၤစ့ၢ်ကီးဝဲလၢအမံၤပှၢ်အဟံၣ်လၢကဖီအီၣ်တၢ်အဂီၢ်န့ၣ်လီၤ. ဖဲဂီၤခီ ၁၁း၀၀ အဆၢကတီၢ်ဆၢတဲာ်လီၤအ သးလၢကဟဲက့ၤဆူဟံၣ်န့ၣ်လီၤ. ဖဲအဝဲဟဲက့ၤကျဲအဆၢကတီၢ်, ဘူးထီၣ်လၢသဝီပူၤန့ၣ်အဝဲဘၣ်ဒိဝဲဒီးမ့ၣ်ပိၢ်ခံဖျၢၣ်အက့လၢ အလီၤတဲာ်ပိၢ်ဖးထီၣ်ဘူးဒီးစီၤဘ---ဒီးနီၢ်ဆ---အဟံၣ်ဒီးအဝဲသံဝဲဖဲကျဲဖီခိၣ်န့ၣ်လီၤ. ပှၤတသ့ၣ်ညါနီတဂၤဘၣ်ဃးအတၢ်သံအံၤ လီၤတံၢ်လီၤဆဲးဘၣ်ခီဖျိအဝဲက့ၤဝဲလၢဟံၣ်ထဲတဂၤအဃိန့ၣ်လီၤ.

ဖဲမုၢ်ဃ့ၢ်လီၤအဆၢကတီၢ်, စီၤအ---အမံၤပှၢ်လဲၤဃုက့ၤအကျီၢ်လၢအစၢအီၣ်ဝဲအဆၣ်လၢသဝီချၢန့ၣ်လီၤ. စှၤမံးနံးဝံၤအလီၢ်ခံအ လံၤခွါလဲၤပိာ်စ့ၢ်ကီးအခံန့ၣ်လီၤ. ဖဲအဝဲသ့ၣ်လဲၤလၢကျဲအဆၢကတီၢ်, အဝဲသ့ၣ်ထံၣ်ဝဲစီၤအ---မံနီၤဝဲလၢကျဲဖီခိၣ်န့ၣ်လီၤ. တစိၢ်ဖိ, အဝဲသ့ၣ်ဆိကမိၣ်ဝဲလၢစီၤအ---အံၤမူၤသံးဒီးမံဘၣ်သးလၢကျဲဖီခိၣ်ခီဖျိအဝဲဖျါလီၤဂာ်လၢအကသါဒံးန့ၣ်လီၤ. လၢတၢ် န့ၣ်အဃိအဝဲသ့ၣ် လဲၤဃီၤဆူစီၤအ---အအိၣ်ဒီးကွၢ်ဝဲအီၤန့ၣ်လီၤ. အဝဲသ့ၣ်ထံၣ်ဝဲစီၤအ---အကျိခးအီၣ်တၢ်တခိၣ်လၢအလီၤ တဲာ်ဖဲအမဲာ်ညါအံၤစဲဘူးဒီးတၢ်သွံၣ်န့ၣ်လီၤ. အဆိကတၢၢ်, အမံၤပှၢ်အံၤဆိကမိၣ်ဝဲလၢစီၤအ---အံၤခးလီၤအနီၢ်ကစၢ်အသးန့ၣ် လီၤ. စီၤအ---အပျိၢ်ဃံ ကၢ်ကွံာ်ဝဲဒီးအမိၢ်ပှၢ်လီၤကလဲကွံာ်ခီဖျိအဘၣ်ဒိဒီးမ့ၣ်ပိၢ်က့န့ၣ်လီၤ. ဖဲအမံၤပှၢ်ထုးထီၣ်အီၤအဆၢကတီၢ်, စီၤအ---အပှံာ်လၢတၢ် ကိပူၤဟဲဖျိးထီၣ်လၢတၢ်ချၢန့ၣ်လီၤ. အမဲာ်ချံဖျးဆံးအသးဒီးအကိာ်ပူၤအီထီၣ်အသးဘၣ်ဆၣ်တဲတၢ်တ သ့လၢၤဘၣ်န့ၣ်လီၤ. အမံၤပှၢ်ဟဲက့ၤဆူသဝီပူၤလၢကတဲဘၣ်သဝီဖိအဂၤသ့ၣ်တဖၣ်န့ၣ်လီၤ. တစိၢ်ဖိအလံၤခွါအိၣ်တ့ၢ်ဖဲတၢ်သံ စိၣ်အကပၤဒီးဟီၣ်ကိးပသူဝဲဒၣ်န့ၣ်လီၤ. တၢ်သံစိၣ်အံၤဘၣ်တၢ်ဟဲက့ၤစိာ်အီၤလၢအဟံၣ်န့ၣ်လီၤ. အစိၣ်အံၤဘၣ်တၢ်မၤက ဆှီအီၤတချုးလၢတၢ်ဒွဲၣ်အူထီၣ်ဒံးဘၣ်န့ၣ်လီၤ.

ဖဲကဘီယူၤဟဲအဆၢကတီၢ်န့ၣ်စီၤအ---အမါနီၢ်ဒ---အိၣ်ဖဲဟံၣ်ပူၤဖဲသဝီဃုာ်ဒီးအဖိလၢအသးနံၣ်အိၣ်ဝဲ (၂) နံၣ်လၢအအိၣ်ဖဲ ဟံၣ်ဖီခိၣ်န့ၣ်လီၤ. အဖိလၢအသးနံၣ်အိၣ်ဝဲ (၉) နံၣ် ဒီး (၈) နံၣ်ခံဂၤအံၤဂဲၤလိၣ်ကွဲလၢဟံၣ်ချၢဖဲတၢ်ပျီပူၤန့ၣ်လီၤ. အဝဲကိးဝဲအဖိ ခံဂၤန့ၣ်ဒီးစိာ်ထီၣ်ဝဲအဖိလၢအဆံးကတၢၢ်တဂၤဒီးဃ့ၢ်နုာ်ဝဲဆူတၢ်ပူၤန့ၣ်လီၤ. ဖဲဟါလီၤခီအဆၢကတီၢ်အဝဲသ့ၣ်ညါဝဲလၢ အဝၤန့ၣ်သံဒီးအဝဲသါပ့ၤနီၣ်ဘၣ်အသးခံဘျီညါန့ၣ်လီၤ. နီၢ်ဒ---ပာ်ဖျါထီၣ်ဝဲဆူ [KHRG ပျီပူၤပှၤမၤတၢ်ဖိ]လၢ, ဖဲအဝဲသံဝံၤအ လီၢ်ခံန့ၣ်, တၢ်လုၢ်အီၣ်နီၢ်ခိသးသမူတၢ်ဂ့ၢ်ကီပိာ်ထွဲထီၣ်အခံအါမးန့ၣ်လီၤ. အဝဲဘၣ်ကိၢ်ဘၣ်ဂီၤဝဲလၢဆှၢအဖိလၢကၠိတန့ၢ်လၢၤ ဘၣ်ခီဖျိတသ့ၣ်ညါဝဲလၢကဘၣ်မၤအီၣ်မနုၤတၢ်မၤလၢတၢ်ကဒိးန့ၢ်ဘၣ်တၢ်ဟဲနုာ်ဘၣ်န့ၣ်လီၤ. စီၤအ---န့ၣ်မ့ၢ်ဝဲပှၤလၢဃုကျိၣ်စ့ လၢဟံၣ်ဖိဃီဖိအဂီၢ်ဒီးအဟံၣ်ဖိဃီဖိဒိးသန့ၤထီၣ်အသးလၢအီၤန့ၣ်လီၤ.

လီၢ်ကဝီၤသဝီဖိသ့ၣ်တဖၣ်နာ်ဝဲလၢသုးကဘီယူၤလၢအဟဲခးလီၤတၢ်အံၤမ့ၢ်ဝဲထံကီၢ်တၢ်ပၢတၢ်ပြးကီၣ်ကးကရၢ (SAC) အကဘီ ယူၤခီဖျိကလုာ်ဒူၣ်သုးဖီၣ်စုကဝဲၤတအိၣ်ဒီးကဘီယူၤဒုးသုးဘၣ်န့ၣ်လီၤ. သဝီဖိသ့ၣ်တဖၣ်နာ်စ့ၢ်ကီးဝဲလၢကဘီယူၤဟဲခးလီၤ တၢ်အံၤမ့ၢ်ဝဲ SAC ပညိၣ်ဝဲတၢ်သူၣ်ထီၣ်လၢတၢ်ဒီသဒၢကမျၢၢ်သုး (PDF) မၤတ့ၢ်ဝဲသုးတၢ်သိၣ်လိအလီၢ်လၢအအိၣ်လိၤလိာ်သး ဒီးကျဲမုၢ်ဖဲစီၤဘ---အဟံၣ်အပၤန့ၣ်လီၤ.

တချုးလၢတၢ်ကဲထီၣ်သးဒ်အံၤဘၣ်န့ၣ်, ကဘီယူၤတခးလီၤတၢ်နီတဘျီဘၣ်န့ၣ်လီၤ. ဆၢကတီၢ်ခဲအံၤသဝီဖိသ့ၣ်တဖၣ်အိးထီၣ် မ့ၣ်အူလၢမုၢ်နၤခါအဆၢကတီၢ်တဘူၣ်ဘၣ်ခီဖျိအဝဲသ့ၣ်ပျံၤဝဲလၢကဘီယူၤကဟဲအဃိန့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

ဘၣ်ထွဲဒီးတၢ်ကဲထီၣ်သးဘၣ်ဃးဒီးကဘီယူၤခးလီၤတၢ်ဖဲအအ--- သဝီပူၤတၢ်ဂ့ၢ်တၢ်ကျိၤလၢ [ပျီပူၤပှၤမၤတၢ်ဖိ] မၤနီၣ်မၤဃါ အီၤဒီးကွဲးပာ်ဖျါထီၣ်အီၤအံၤ, ပှၤတူၢ်ဘၣ်တၢ်အဟံၣ်ဖိဃီဖိတဖၣ် [နီၢ်စ--- ဒီး နီၢ်ဒ---] ဟ့ၣ်ဝဲအခွဲးလၢတၢ်ကသူဝဲတၢ်ဂ့ၢ်တၢ် ကျိၤသ့ၣ်တဖၣ်အံၤဒ် KHRG တၢ်ဘိးဘၣ်ရၤလီၤအကျိၤအကျဲအိၣ်ဝဲအသိးသ့ဝဲဒၣ်န့ၣ်လီၤ. [အါန့ၢ်အန့ၣ်, စီၤဃ--- လၢအမ့ၢ် သဝီသးပှၢ်အံၤ ဟ့ၣ်စ့ၢ်ကီးဝဲတၢ်ပျဲလၢတၢ်ကသူဝဲတၢ်တၢ်ဂ့ၢ်တၢ်ကျိၤအံၤန့ၣ်လီၤ.]