တၢ်ကဲထီၣ်သးအကလုာ်

ထံကီၢ်တၢ်ပၢတၢ်ပြးကီၣ်ကးကရၢ (SAC) ခးလီၤတၢ်လၢကဘီယူၤအဃိဘၣ်ဒိသဝီဖိ

တၢ်ကဲထီၣ်သးမုၢ်နံၤမုၢ်သီ

လါယနူၤအါရံၤ ၇ သီ, ၂၀၂၅ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

ပ--- သဝီ, ပီချိဟီၣ်ကဝီၤ, ကစၢၢ်ဒိၣ်ကီၢ်ဆၣ်, ဘျံးဒဝဲၢ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤက---

နီၢ်စ---

သးနံၣ်

(၃၄) နံၣ်

(၃၃) နံၣ်

မုၣ်/ ခွါ

ခွါ

မုၣ်

ကလုာ်

ကညီ

ကညီ

ထီၣ်ပှၢ် / သဘျ့  

ထီၣ်ပှၢ်

ထီၣ်ပှၢ်

တၢ်ဖံးတၢ်မၤ

မၤအီၣ်ဃုး

မၤအီၣ်ဃုး

တၢ်ဘူၣ်တၢ်ဘါ

ခရံာ်ဖိ

ခရံာ်ဖိ

တၢ်ဟံးမူဒါ/ လီၢ်လၤ

သဝီသးစၢ်ခိၣ်

-

အိၣ်ဆိးဒူသဝီ

ပ--- သဝီ, ပီချိဟီၣ်ကဝီၤ, ကစၢၢ်ဒိၣ်ကီၢ်ဆၣ်, ဘျံးဒဝဲၢ်ကီၢ်ရ့ၣ်

ဆ--- သဝီ, ပီချိဟီၣ်ကဝီၤ, ကစၢၢ်ဒိၣ်ကီၢ်ဆၣ်, ဘျံးဒဝဲၢ်ကီၢ်ရ့ၣ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

SAC အကဘီယူၤသန့

မၠ့းဝ့ၢ်, ဘျံးဒဝဲၢ်ကီၢ်ရ့ၣ်

(ထိအီၤ မ့ၢ် ပယီၤ (SAC) သုးအကဘီယူၤသုး အခိၣ်)

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

KHRG ပျီပူၤပှၤမၤတၢ်ဖိတဂၤထံၣ်ဝဲတၢ်ကစီၣ်ဘၣ်ဃးတၢ်ကဲထီၣ်သးတခါအံၤလၢ (ကွဲၤကလုၢ်) တၢ်ကစီၣ်သန့အပူၤ, ဝံၤအ လီၢ်ခံအဝဲဆဲးကျိးဝဲ (ကညီဒီကလုာ်စၢဖှိၣ်ကရၢ - KNU) ပှၤဘၣ်မူဘၣ်ဒါလၢအအိၣ်ဖဲ ကစၢၢ်ဒိၣ်ကီၢ်ဆၣ်အပူၤ ဒီး ကီၢ်ဆၣ် ပှၤမၤသကိးတၢ်ဖိသ့ၣ်တဖၣ်န့ၣ်လီၤ. အဝဲသံကွၢ်ဝဲပှၤသ့ၣ်တဖၣ်အံၤလၢတၢ်ဂ့ၢ်တၢ်ကျိၤအလၢအပှဲၤန့ၣ်လီၤ. (ပျီပူၤပှၤမၤတၢ် ဖိကတိၤစ့ၢ်ကီးတၢ်ဒီးပှၤတူၢ်ဘၣ်တၢ်ဖိန့ၣ်လီၤ.)

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

တၢ်ကဲထီၣ်သးတခါအံၤကဲထီၣ်အသးဘူးဒီး ကစၢၢ်ဒိၣ်ကီၢ်ဆၣ်အရူအဃိမ့ၢ်တၢ်ကစီၣ်လၢအမ့ၢ်အတီလီၤ. ဖဲလၢတၢ်ကဲထီၣ် သးအဆၢကတီၢ် ကီၢ်ဆၣ်ပှၤဘၣ်မူဘၣ်ဒါ ဒီး ပှၤမၤသကိးတၢ်ဖိသ့ၣ်တဖၣ်ထံၣ်ထွဲစ့ၢ်ကီးတၢ်ကဲထီၣ်သးလၢအဝဲသ့ၣ်အနီၢ်က စၢ်န့ၣ်လီၤ. (ပျီပူၤပှၤမၤတၢ် ဖိကတိၤစ့ၢ်ကီးတၢ်ဒီးပှၤတူၢ်ဘၣ်တၢ်ဖိန့ၣ်လီၤ.)

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါယနူၤအါရံၤ ၇ သီ, ၂၀၂၅ နံၣ်, ဂီၤခီ ၁၁း၃၀ မံးနံးအဆၢကတီၢ်, ထံကီၢ်တၢ်ပၢတၢ်ပြးကီၣ်ကးကရၢ (SAC) သုး အကဘီ ယူၤဒုးသုးအိၣ်ဟဲန့ၣ်လၢ မၠ့း (မြိတ်) ဝ့ၢ်, ဘျံးဒဝဲၢ်ကီၢ်ရ့ၣ် တဘ့ၣ်တ့ၢ်လီၤမ့ၣ်ပိၢ် ဒီး ခးလီၤဝဲတၢ်ဆူ ပ--- သဝီ, ပီချိဟီၣ်ကဝီၤ, ကစၢၢ်ဒိၣ်ကီၢ်ဆၣ်, ဘျံးဒဝဲၢ်ကီၢ်ရ့ၣ်အပူၤ ဖဲပှၤမၤလၤကပီၤ ကညီနံၣ်ထီၣ်သီဝံၤအလီၢ်ခံစှၤကိးသီအတီၢ်ပူၤ (ပ--- သဝီဖိတဖၣ် မၤလၤကပီၤဝဲ ကညီနံၣ်ထီၣ်သီဖဲ လါယနူၤအါရံၤ ၁ သီ, ၂၀၂၅ နံၣ်အနံၤ) န့ၣ်လီၤ. တၢ်အံၤမ့ၢ်ဝဲ တၢ်ခးလီၤတၢ်လၢကဘီယူၤ လၢအဟဲကဲထီၣ်သးအဆိကတၢၢ်တဘျီဖဲပီချိဟီၣ်ကဝီၤပူၤ (စးထီၣ်လၢ တၢ်ဟံးန့ၢ်ဆူၣ်ထံကီၢ်တၢ်စိတၢ်ကမီၤ ဖဲ ၂၀၂၁ နံၣ်ဝံၤ အလီၢ်ခံ) န့ၣ်လီၤ. SAC သုးတဖၣ် တဟဲအိၣ်ဝဲဖဲ ပီချိဟီၣ်ကဝီၤပူၤဘၣ်စးထီၣ်လၢ ၂၀၂၄ နံၣ် နံၣ်တဝာ်ဝံၤအလီၢ်ခံ (ခီဖျိလၢ အသုးကလၢၤတဖၣ်ဘၣ်တၢ်ထီၣ်ဒုးဟံးန့ၢ်ကွံာ်အီၤလၢ တၢ်ပၢၢ်ဆၢသုးတဖၣ်) န့ၣ်လီၤ. ပီချိဟီၣ်ကဝီၤအံၤ အိၣ်ဝဲဒၣ်ထဲ KNU တၢ်ပၢတခါဧိၤန့ၣ်လီၤ.

(ဖဲလါယနူၤအါရံၤ ၇ သီ, ၂၀၂၅ နံၣ်အနံၤ) SAC သုး အကဘီယူၤဒုးသုးတ့ၢ်လီၤဝဲ မ့ၣ်ပိၢ် ၉ ဖျၢၣ် ဒီး ခးလီၤစ့ၢ်ကီးတၢ်ဒီး ကျိစဲးလး ဆူ ပ--- သဝီဟီၣ်ကဝီၤပူၤန့ၣ်လီၤ. မ့ၣ်ပိၢ် ၉ ဖျၢၣ်လၢကဘီယူၤတၢ်တ့ၢ်လီၤအီၤအံၤ, တဖျၢၣ်န့ၣ်လီၤတဲၤပိၢ်ဖးထီၣ်ဝဲ လၢသဝီဖိတဂၤအဟံၣ်ကပၤ ဒီးဘၣ်ဟးဂီၤဝဲ တီၤဘျီကၠိတဖျၢၣ်န့ၣ်လီၤ. မ့ၣ်ပိၢ် ၂ ဖျၢၣ်န့ၣ် လီၤတဲၤပိၢ်ဖးထီၣ်လၢပှၤပာ်သ့ၣ်တၢ် သူၣ်ထီၣ်အဃၢၤ ဒီး မ့ၣ်ပိၢ်အဂၤ ၆ ဖျၢၣ်တခီလီၢ်တဲၤပိၢ်ဖးထီၣ်ဝဲလၢ သဝီဖိတဖၣ် တၢ်သူၣ်အီၣ်ဖျးအီၣ်လီၢ် ဒီးအစံာ်ပူၤန့ၣ်လီၤ.

ခီဖျိလၢကဘီယူၤခးလီၤတၢ်အံၤအဃိ, ဘၣ်ဒိဝဲဒၣ်သဝီဖိ ၂ ဂၤ န့ၣ်လီၤ. သဝီဖိတဂၤ အမံၤလၢ စီၤက---, သးနံၣ် ၃၄ နံၣ်, အဝဲမ့ၢ်ဝဲပှၤခရံာ်ဖိ ဒီးပှၤမၤစံာ်ဖိ အိၣ်ဝဲဒီး အဖိ ၂ ဂၤန့ၣ်လီၤ. အဝဲဘၣ်ဒိဝဲဒီတဂၤ လၢမ့ၣ်ပိၢ်အက့အခီတဖၣ်န့ၣ်လီၤ. သဝီဖိလၢ အဘၣ်ဒိအဂၤတဂၤ မ့ၢ်ဝဲ နီၢ်စ---, သးနံၣ် ၃၃ နံၣ်, အဝဲမ့ၢ်စ့ၢ်ကီၤဝဲပှၤခရံာ်ဖိ အိၣ်ဒီးအဖိ ၂ ဂၤန့ၣ်လီၤ. အဝဲဘၣ်ဒိဝဲဒီတဂၤ စ့ၢ်ကီးန့ၣ်လီၤ. သဝီဖိ ၂ ဂၤအံၤဘၣ်ဒိဝဲ မ့ၢ်လၢ မ့ၣ်ပိၢ်လီၤတဲာ်ပိၢ်ဖးထီၣ်ဘူးဒီးအဝဲသ့ၣ်အဃိန့ၣ်လီၤ. နီၢ်စ--- အံၤအိၣ်ဟဲဝဲလၢ ဆ--- သဝီ, ပီချိဟီၣ်ကဝီၤ ဒီးအဝဲဟဲဟးအိၣ်သကိးဝဲ စီၤက--- ဖဲ ပ--- သဝီလီၤ. ဖဲကဘီယူၤခးလီၤလီၤတၢ်အခါန့ၣ် အဝဲသ့ၣ် ဆၢထၢၣ်တဲသကိးဝဲတၢ်ဖဲ စီၤက---ဟံၣ်မဲာ်ညါအပဲတြီဃၢၤန့ၣ်လီၤ. မ့ၣ်ပိၢ်တဖျၢၣ် လီၤတဲၤပိၢ်ဖးထီၣ်ဝဲဖဲဟံၣ်ဃၢၤ ဒီးအက့အခီ တဖၣ်ဘၣ်ဒိဘၣ်ထံးဝဲ အဝဲသ့ၣ်ခံဂၤလၢာ်နးနးကျံးကျံးန့ၣ်လီၤ. စီၤက--- အခီၣ်ခံကပၤလၢာ်ဘၣ်ဒိ ဒီးဘၣ်ဒိဃုာ်ဝဲအမိၢ်ပှၢ် ဒီတဂၤန့ၣ်လီၤ. နီၢ်စ--- စ့ၢ်ကီးဘၣ်ဒိဝဲဖဲ အခီၣ်, အစုစ့ၣ်တကပၤကၢ်ကွံာ်ဝဲ ဒီး ဘၣ်ဒိဃုာ်ဝဲအမိၢ်ပှၢ်ဒီတဂၤညါန့ၣ်လီၤ.

ကဘီယူၤခးလီၢ်တၢ်ဝံၤအလီၢ်ခံမး, သဝီဖိအဂၤတဖၣ် ဖဲ ပ--- သဝီပူၤအံၤ လဲၤမၤစၢၤဝဲသဝီဖိလၢအဘၣ်ဒိဘၣ်ထံး ခံဂၤအံၤ မ့ၢ်လၢ ဖဲကဘီယူၤဟဲခးလီၤတၢ်အခါ အဝဲသ့ၣ်လဲၤမၤစၢၤဝဲတဘူၣ်ဘၣ်န့ၣ်လီၤ. ဖဲန့ၣ်ဝံၤအလီၢ်ခံ, သဝီဖိလၢအဘၣ်ဒိခံဂၤအံၤ တၢ်လဲၤဆှၢအီၤဆူ ကစၢၢ်ဒိၣ်ကီၢ်ဆၣ်တၢ်ဆါဟံၣ်တဖျၢၣ် လၢအဘၣ်တၢ်ပၢဆှၢအီၤလၢ KNU ဖဲ ဟ--- သဝီ, ပီချိဟီၣ်ကဝီၤပူၤ လၢသဝီဖိလၢအလဲၤမၤစၢၤအီၤ ဒီး KNU ကီၢ်ဆၣ်ခိၣ်နၢ်တဖၣ်န့ၣ်လီၤ. မ့ၢ်လၢ သဝီဖိခံဂၤအံၤဘၣ်ဒိဝဲနးဒိၣ်မးအဃိ, KNU ကီၢ်ဆၣ်ခိၣ်နၢ်တဖၣ်ကျဲၤန့ၢ်အဝဲသ့ၣ်လၢတၢ်လဲၤတၢ်က့ၤလၢတနၤဃီဖဲ လါယနူၤအါရံၤ ၇ သီ အနံၤလၢတၢ်ကလဲၤဆှၢအဝဲသ့ၣ် ဆူ KNU ကီၢ်ရ့ၣ်တၢ်ဆါဟံၣ်လၢအအိၣ်လၢ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) သုးရ့ၣ် - ၁၂ တၢ်လီၢ်န့ၣ်လီၤ. မ့ၢ်လၢသဝီဖိခံဂၤအံၤဘၣ်ဒိဝဲနးဒိၣ်မးအဃိ ပှၤဘၣ်မူဘၣ်ဒါဖဲ သုးရ့ၣ် - ၁၂ အံၤ လဲၤဆှၢအဝဲသ့ၣ်ဆူတၢ်ဆါဟံၣ်လၢ ဝ--- ဝ့ၢ်, ကးခၠနၣ်ဘူးရံး ကီၢ်ရ့ၣ်, ဖဲကီၢ်ကၠီၣ်တဲၣ်ပူၤန့ၣ်လီၤ. ဖဲအလဲၤဆူကျဲအခါ မ့ၢ်လၢကျဲဟးဂီၤအဃိ, သဝီဖိတဖၣ်ဘၣ်လဲၤယိးအဝဲ သ့ၣ်ဒီးစုာ်န့ၣ်လီၤ.

သဝီဖိလၢအဘၣ်ဒိ ၂ ဂၤအံၤ တဒိးန့ၢ်ဘၣ်ဒံးဝဲဒၣ် ကျိၣ်စ့တၢ်ဆီၣ်ထွဲမၤစၢၤ (ဖဲ လါယနူၤအါရံၤ ၂၄ သီ, ၂၀၂၅ နံၣ်)ဘၣ်န့ၣ်လီၤ. အဝဲသ့ၣ်လိၣ်ဘၣ်ဝဲကျိၣ်စ့တၢ်ဆီၣ်ထွဲမၤစၢၤလၢ ကဒိးကူစါယါဘျါအသးလၢခါဆူညါအဂီၢ်န့ၣ်လီၤ.

ခီဖျိလၢ တၢ်ခးလီၤတၢ်လၢ ကဘီယူၤအံၤအဃိ, သဝီဖိအဟံၣ်ဟးဂီၤဝဲတဖျၢၣ်, ဆဲးကဲးတခိၣ် ဒီး တၢ်သူၣ်တၢ်ဖျးလီၢ်တဖၣ် ဟးဂီၤစ့ၢ်ကီးဝဲဒၣ်န့ၣ်လီၤ. ဖဲလါယနူၤအါရံၤ ၂၀၂၅ နံၣ်အပူၤ မ့ၢ်လၢသဝီဖိဘၣ်ဒိဝဲခံဂၤဒ်အံၤအဃိ, သဝီဖိအဂၤတဖၣ် ဖဲပီချိဟီၣ်ကဝီၤပူၤအံၤဘၣ်အိၣ်ဝဲလၢတၢ်ပျံၤတၢ်ဖုးအပူၤ ဒီး အဝဲသ့ၣ်ပျံၤဝဲလၢ ကဘီယူၤကဟဲခးလီၤကဒီးတၢ်အသီတဘျီန့ၣ် လီၤ. လၢတၢ်န့ၣ်အဃိ, စးထီၣ် ဖဲလါယနူၤအါရံၤ ၂၀၂၅ နံၣ်အပူၤအံၤ, ကၠိသရၣ်တဖၣ်အိးထီၣ်ဝဲကၠိတဘူၣ်ဒံးဘၣ် ဒီး မိၢ်ပၢ်သ့ၣ်တဖၣ် ဒုးလဲၤထီၣ်အဖိဆူကၠိတဘူၣ်ဒံးဝဲဒၣ်ဘၣ်န့ၣ်လီၤ.

တၢ်လီၢ်လၢ SAC ဟဲခးလီၤတၢ်လၢ ကဘီယူၤအံၤ မ့ၢ်ဝဲတၢ်လီၢ်လၢ တၢ်မၤလၤကပီၤဝဲ ကညီနံၣ်ထီၣ်သီအလီၢ်န့ၣ်လီၤ. ခီဖျိလၢ SAC ဟဲခးလီၤတၢ်လၢကဘီယူၤအံၤအဆၢကတီၢ် တၢ်ဒုးတၢ်ယၤတၢ်ကဲထီၣ်သးတအိၣ်ဝဲဘၣ်အဖီခိၣ် သဝီဖိတနီၤပျံၤတၢ် ဖုးတၢ်ဒိၣ်မး ဒီးဘၣ်ကိၢ်ဘၣ်ဂီၤတၢ်လၢ ကဘီယူၤကဟဲခးလီၤကဒီးတၢ်ဆူမဲာ်ညါန့ၣ်လီၤ. မ့ၢ်လၢ SAC ဟဲခးလီၤတၢ်လၢကဘီ ယူၤ ပူၤကွံာ်ဒံးစှၤသီ ဖဲတၢ်မၤလၢကပီၤကညီနံၣ်ထီၣ်သီဝံၤအလီၢ်ခံအဃိ, သဝီဖိတနီၤသးဒ့ဒီဝဲလၢ မ့ၢ်အဝဲသ့ၣ် ကြၢးမၤလၤ ကပီၤဒံးဝဲ ကညီနံၣ်ထီၣ်သီအံၤလၢနံၣ်လၢကဟဲတဖၣ်န့ၣ်ဧါန့ၣ်လီၤ.

[ လီၢ်ကဝီၤ KNU ခိၣ်နၢ်တဖၣ် တဲဘၣ်ဝဲ KHRG ပျီပူၤပှၤမၤတၢ်ဖိလၢ ကဘီယူၤဒုးသုးအံၤ အိၣ်ဟဲဝဲလၢ မၠ့း (မြိတ်) ဝ့ၢ် န့ၣ်လီၤ. ဖဲဘျံးဒဝဲၢ်ကီၢ်ရ့ၣ်ပူၤအံၤ ကဘီယူၤဒုးသုးကဘီယူၤပျီ အိၣ်ဝဲထဲတၢ်လီၢ်တတီၤဧိၤ ဖဲ မၠ့းဝ့ၢ်န့ၣ်လီၤ. ]

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

KHRG ဒိးန့ၢ်ဘၣ်တၢ်ပျဲလၢ (ကစၢၢ်ဒိၣ်ကီၢ်ဆၣ်) ဟီၣ်ကဝီၤ (KNU) ပှၤဘၣ်မူဘၣ်ဒါ ဒီး သဝီဖိ သ့ၣ်တဖၣ်အအိၣ်လၢကသူဝဲ တၢ်ဂ့ၢ်တၢ်ကျိၤအံၤန့ၣ်လီၤ. သဝီဖိလၢအဘၣ်ဒိ စီၤက--- ဒီး နီၢ်စ---, ခံဂၤအံၤဟ့ၣ်စ့ၢ်ကီးပှၤတၢ်ပျဲလၢပကရၤလီၤတၢ်ဂ့ၢ်တၢ်ကျိၤ အံၤန့ၣ်လီၤ.