တၢ်ကဲထီၣ်သးအကလုာ်

ကီၢ်ပယီၤသုးအကဘီယူၤအတၢ်တ့ၢ်လီၤမ့ၣ်ပိၢ်ဒုးအိၣ်ထီၣ် တၢ်သံတၢ်ပှၢ် ဒီး တၢ်ဘၣ်ဒိဘၣ် ထံး

တၢ်ကဲထီၣ်သးမုၢ်နံၤမုၢ်သီ

လါအ့ဖြ့ၣ် ၁၅ သီ, ၂၀၂၆ နံၣ် ဒီး လါအ့ဖြ့ၣ် ၁၆ သီ, ၂၀၂၆ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

ၡအ--- သဝီ, ဃဲပၤ--- ကရူၢ်, လူၤသီကီၢ်ဆၣ်, မုၢ်တြီၢ်ကီၢ်ရ့ၣ်

ၦၤလၢအတူၢ်ဘၣ်တၢ်သ့ၣ်တဖၣ်အဂ့ၢ်အကျိၤ (ပှၤသံ)

မံၤ

စီၤအ---

စီၤဘ---

စီၤဆ---

သးနံၣ်

(၆၃) နံၣ်

(၂၈) နံၣ်

(၄၃) နံၣ်

မုၣ်/ ခွါ

ခွါ

ခွါ

ခွါ

ကလုာ်

ကညီ

ကညီ

ကညီ

ထီၣ်ပှၢ် / သဘျ့  

ထီၣ်ပှၢ်

ထီၣ်ပှၢ်

ထီၣ်ပှၢ်

တၢ်ဖံးတၢ်မၤ

ထူစံာ်

ထူစံာ်

ထူစံာ်

တၢ်ဘူၣ်တၢ်ဘါ

ခရံာ်ဖိ

ခရံာ်ဖိ

ခရံာ်ဖိ

တၢ်ဟံးမူဒါ/ လီၢ်လၤ

သဝီဖိ

သဝီဖိ

သဝီဖိ

အိၣ်ဆိးဒူသဝီ

ၡအ--- သဝီ, ဃဲပၤထၣ် ကရူၢ်, လူၤသီကီၢ်ဆၣ်, မုၢ်တြီၢ်ကီၢ်ရ့ၣ်

ၡဒ--- ဝ့ၢ် အိၣ်သူၣ်လီၤသးဖဲ ကီၢ်ပယီၤအခၢၣ်သး

ၡဒ--- ဝ့ၢ် အိၣ်သူၣ်လီၤသးဖဲ ကီၢ်ပယီၤအခၢၣ်သး

ၦၤလၢအတူၢ်ဘၣ်တၢ်သ့ၣ်တဖၣ်အဂ့ၢ်အကျိၤ (ပှၤဘၣ်ဒိ)

မံၤ

သးနံၣ်

မုၣ်/ ခွါ

ကလုာ်

ထီၣ်ပှၢ် / သဘျ့  

တၢ်ဖံးတၢ်မၤ

တၢ်ဘူၣ်တၢ်ဘါ

တၢ်ဟံးမူဒါ/ လီၢ်လၤ

အိၣ်ဆိးဒူသဝီ

စီၤဒ---

(၄၀) နံၣ်

ခွါ

ကညီ

ထီၣ်ပှၢ်

ထူစံာ်

ခရံာ်ဖိ

သဝီဖိ

ၡအ---သဝီ, ဃဲပၤကရူၢ်, လူၤသီကီၢ်ဆၣ်, မုၢ်တြီၢ်ကီၢ်ရ့ၣ်

နီၢ်ဃ---

(၃၅) နံၣ်

မုၣ်

ကညီ

ထီၣ်ပှၢ်

ထူစံာ်

ခရံာ်ဖိ

သဝီဖိ

ၡအ--- သဝီ, ဃဲပၤကရူၢ်, လူၤသီကီၢ်ဆၣ်, မုၢ်တြီၢ်ကီၢ်ရ့ၣ်

နီၢ်ဂ---

(၁၅) နံၣ်

မုၣ်

ကညီ

-

ထူစံာ်

ခရံာ်ဖိ

သဝီဖိ

ၡအ--- သဝီ, ဃဲပၤကရူၢ်, လူၤသီကီၢ်ဆၣ်, မုၢ်တြီၢ်ကီၢ်ရ့ၣ်

စီၤဟ---

တသ့ၣ်ညါ

ခွါ

ကညီ

တသ့ၣ်ညါ

တသ့ၣ်ညါ

ခရံာ်ဖိ

သဝီဖိ

ၡဆ--- သဝီ, နါ ကိၢ်ခံကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်

စီၤဧ---

တသ့ၣ်ညါ

ခွါ

ကညီ

ထီၣ်ပှၢ်

တသ့ၣ်ညါ

ခရံာ်ဖိ

သဝီဖိ

ၡဃ--- ဝ့ၢ်, ချၢၣ်လွံၢ်ထူၣ် ကီၢ်ရ့ၣ်

သရၣ်ဒိၣ်စီၤသ---

တသ့ၣ်ညါ

ခွါ

ကညီ

တသ့ၣ်ညါ

တၢ်သးခုကစီၣ်

ခရံာ်ဖိ

သရၣ်ဒိၣ်

ၡဘ--- ဝ့ၢ်, မုၢ် တြီၢ်ကီၢ်ရ့ၣ်

သရၣ်ဒိၣ်စီၤက---

တသ့ၣ်ညါ

ခွါ

ကညီ

တသ့ၣ်ညါ

တၢ်သးခုကစီၣ်

ခရံာ်ဖိ

သရၣ်ဒိၣ်

ၡဒ--- ဝ့ၢ် အိၣ် သူၣ်လီၤသးဖဲ ကီၢ်ပယီၤအခၢၣ်သး

စီၤလ---

တသ့ၣ်ညါ

ခွါ

ကညီ

တသ့ၣ်ညါ

တသ့ၣ်ညါ

ခရံာ်ဖိ

တသ့ၣ်ညါ

ၡဂ--- သဝီ, ခီပူၤကရူၢ်, လူၤသီကီၢ်ဆၣ်, မုၢ်တြီၢ်ကီၢ်ရ့ၣ်

နီၢ်မ---

(၃၂) နံၣ်

မုၣ်

ကညီ

တသ့ၣ်ညါ

တသ့ၣ်ညါ

ခရံာ်ဖိ

တသ့ၣ်ညါ

ၡအ--- သဝီ, ဃဲပၤကရူၢ်, လူၤသီကီၢ်ဆၣ်, မုၢ်တြီၢ်ကီၢ်ရ့ၣ်

စီၤန---

တသ့ၣ်ညါ

ခွါ

ကညီ

တသ့ၣ်ညါ

တသ့ၣ်ညါ

ခရံာ်ဖိ

တသ့ၣ်ညါ

ၡဘ--- ဝ့ၢ်, မုၢ်တြီၢ်ကီၢ်ရ့ၣ်

တသ့ၣ်ညါ

တသ့ၣ်ညါ

ခွါ

ကညီ

တသ့ၣ်ညါ

တသ့ၣ်ညါ

ခရံာ်ဖိ

တသ့ၣ်ညါ

တသ့ၣ်ညါ

စီၤပ---

(၅၄) နံၣ်

ခွါ

ကညီ

ထီၣ်ပှၢ်

တသ့ၣ်ညါ

ခရံာ်ဖိ

တသ့ၣ်ညါ

ၡအ--- သဝီ, ဃဲပၤကရူၢ်, လူၤသီကီၢ်ဆၣ်, မုၢ်တြီၢ်ကီၢ်ရ့ၣ်

ၦၤလၢအမၤအၢပယွဲတၢ်အဂ့ၢ်အကျိၤ

ကဘီယူၤအကလုာ်           

သုးဂံၢ်ထံး

အိၣ်သူၣ်လီၤသးလီၢ်ကျဲ

အခိၣ်အမံၤ

ကဘီယူၤဒုးသုး

ကီၢ်ပယီၤသုးအကလံၤသုး

တသ့ၣ်ညါ

သုးခိၣ်ဒိၣ်စ့ၤယၤထိအီၤ, ကီၢ်ပယီၤသုးက လံၤသုးအသုးခိၣ်ကျၢၢ်

Y-12

ကီၢ်ပယီၤသုးအကလံၤသုး

တသ့ၣ်ညါ

သုးခိၣ်ဒိၣ်စ့ၤယၤထိအီၤ, ကီၢ်ပယီၤသုးက လံၤ သုးအသုးခိၣ်ကျၢၢ်

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ယ (KHRG ပျီပူၤပှၤမၤတၢ်ဖိ) သ့ၣ်ညါထွဲတၢ်ကဲထီၣ်သးအံၤလၢ ကညီဒီကလုာ်ပတၢ်ထူၣ်ဖျဲးသုးမုၢ်ဒိၣ် (KNLA) ပှၤအပှၤဘၣ် မူဘၣ်ဒါသ့ၣ်တဖၣ် အတၢ်ဆဲးကျီးသန့အပူၤန့ၣ်လီၤ. ဝံၤအလီၢ်ခံ ယလဲၤထံၣ်လိာ်သးဒီး လီၢ်ကဝီၤပှၤဘၣ်မူဘၣ်ဒါလၢ မဲာ် သကိးမဲာ်ဖဲတၢ်ကဲထီၣ်သးအလီၢ်န့ၣ်လီၤ. တၢ်ကဲထီၣ်သးတခါအံၤမ့ၢ်တၢ်လၢအလီၤပျံၤလီၤဖုးနီၢ်နီၢ် ဒီး ဒုးအိၣ်ထီၣ်တၢ်ဂ့ၢ်ကီ ဖးဒိၣ်န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

စီၤဝ--- လၢအဟ့ၣ်တၢ်ဂ့ၢ်တၢ်ကျိၤဖဲ KHRG ပျီပူၤပှၤမၤတၢ်ဖိမၤတၢ်ထံၣ်လိာ်သံကွၢ်ဒီးအီၤအဆၢကတီၢ်တဂၤအံၤ သ့ၣ်ညါ တၢ်ဂ့ၢ်တၢ်ကျိၤမ့ၢ်လၢတၢ်ကဲထီၣ်အသးအံၤကဲထီၣ်အသးလၢအသဝီပူၤ ဒီး အဝဲအိၣ်ဘူးစ့ၢ်ကီးဒီးတၢ်ကဲထီၣ်သးအလီၢ်အ ဃိန့ၣ်လီၤ. အဝဲမ့ၢ်စ့ၢ်ကီးပှၤတူၢ်ဘၣ်တၢ်ဖိတဂၤလၢတၢ်ကဲထီၣ်သးဘျီဝဲအံၤန့ၣ်လီၤ. လၢတၢ်န့ၣ်အဃိ တၢ်ဂ့ၢ်တၢ်ကျိၤတခါ အံၤမ့ၢ်တၢ်ဂ့ၢ်တၢ် ကျိၤလၢအမ့ၢ်အတီန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

 ဖဲ လါအ့ဖြ့ၣ် ၁၅ သီ, ၂၀၂၆ နံၣ် ဟါလီၤခီ ၄:၀၀ နၣ်ရံၣ်အဆၢကတီၢ် ကီၢ်ပယီၤသုးအကဘီယူၤဒုးသုး ဒီး Y-12 ဟဲတ့ၢ်လီၤ မ့ၣ်ပိၢ်ဒီး ခးလီၤတၢ် ဆူ ၡအ--- သဝီ, ဃဲပၤကရူၢ်, လူၤသီကီၢ်ဆၣ်, မုၢ်တြီၢ် (ဖၣ်ပူၣ်) ကီၢ်ရ့ၣ် အပူၤန့ၣ်လီၤ. ကီၢ်ပယီၤသုး တ့ၢ်လီၤဝဲမ့ၣ်ပိၢ်စးထီၣ်လၢ ဟါလီၤခီ ၄:၀၀ နၣ်ရံၣ် တုၤ ဟါလီၤခီ ၅:၃၀ မံးနံးန့ၣ်လီၤ. လၢတၢ်ကဲထီၣ်သးတခါအံၤအဖီခိၣ် မ့ၣ်ပိၢ်လၢအဘၣ်တၢ်တ့ၢ်လီၤအီၤသ့ၣ်တဖၣ်န့ၣ်မ့ၢ်ဝဲ ချၢၤစ်ထၢၤ (cluster) မ့ၣ်ပိၢ်, (၅၀၀) ပီၣ် မ့ၣ်ပိၢ် ဒီး (၃၀၀) ပီၣ်မ့ၣ်ပိၢ် သ့ၣ်တဖၣ်န့ၣ်လီၤ. အဝဲသ့ၣ်ခးလီၤစ့ၢ်ကီး ရီၣ်ကဲၣ် (rockets), အီၤလံၤကၢၤ (Oerlikon)  ဒီး အကဘီယူၤ Y-12 ခးလီၤစ့ၢ် ကီးကျိစဲးသ့ၣ်တဖၣ်န့ၣ်လီၤ. မ့ၢ်လၢအဝဲသ့ၣ်တ့ၢ်လီၤမ့ၣ်ပိၢ်အဖျၢၣ်အါမးအဃိ သဝီခိၣ်နၢ် ဒီး သဝီဖိသ့ၣ်တဖၣ်တသ့ၣ်ညါ လီၤတံၢ်လၢ မ့ၢ်တၢ်ဟဲတ့ၢ်လီၤမ့ၣ်ပိၢ်အဘျီဝဲအံၤန့ၣ်တ့ၢ်လီၤဝဲပှဲၤဖျၢၣ်လဲၣ်ဘၣ်န့ၣ်လီၤ. ဘၣ်ဆၣ်သဝီခိၣ်နၢ်သ့ၣ်တဖၣ်တယး ဝဲလၢကီၢ်ပယီၤသုးဟဲတ့ၢ်လီၤမ့ၣ်ပိၢ်ဘျီဝဲအံၤ တ့ၢ်လီၤဝဲမ့ၣ်ပိၢ်အဖျၢၣ်ကအါန့ၢ်ဒံး (၁၁၀) ဖျၢၣ်န့ၣ်လီၤ. ဒ်န့ၣ်အသိး မ့ၣ်ပိၢ်လၢ အလီၤတဲာ်ဒီးတပိၢ်ဖးထီၣ်ဘၣ်န့ၣ်အိၣ်စ့ၢ်ကီးလီၤ. မ့ၢ်မ့ၣ်ပိၢ်လၢအလီၤတဲာ်အိၣ်တ့ၢ်လၢအတပိၢ်ဖးထီၣ်ဘၣ်အိၣ်ပှဲၤဖျၢၣ်လဲၣ် န့ၣ် ပှၤဟ့ၣ်တၢ်ဂ့ၢ်တၢ်ကျိၤဖိ ဒီး သဝီဖိလၢအဂၤသ့ၣ်တဖၣ်တသ့ၣ်ညါလီၤတံၢ်ဝဲဘၣ်န့ၣ်လီၤ. ဖဲလၢကီၢ်ပယီၤသုးအကဘီ ယူၤဟဲတ့ၢ်လီၤမ့ၣ်ပိၢ် ဒီး ခးလီၤတၢ်အဆၢကတီၢ်န့ၣ်တၢ်ဒုးတၢ်ယၤကဲထီၣ်အသးလၢသဝီအံၤအပူၤမ့ၢ်ဂ့ၤ လၢသဝီလၢအဘူး ဒီးသဝီအံၤအပူၤမ့ၢ်ဂ့ၤတအိၣ် ဘၣ်န့ၣ်လီၤ.

ကရူၢ်ခိၣ် (လၢအဘၣ်တၢ်ပာ်ဘၢန့ၢ်အလီၢ်အလၤလၢတၢ်ဘံၣ်တၢ်ဘၢအဂီၢ်) လၢအမ့ၢ် စီၤဝ--- အိၣ်လၢ ၡအ--- သဝီ တဂၤ စံးဝဲ လၢ “ကဘီယူၤအကျါတဘ့ၣ်န့ၣ်မ့ၢ်ကဘီယူၤဒုးသုး အလွဲၢ်န့ၣ်လီၤဂၤဒ်သုးဆ့ကၤအကံၣ်အသိး ဒီး လၢအဂၤတဘ့ၣ် န့ၣ်အလွဲၢ်ဝါပှၤကိးလၢ Y-12. ကဘီယူၤဟဲတ့ၢ်လီၤမ့ၣ်ပိၢ် ဒီး ခးလီၤတၢ်န့ၣ်ဘၣ်လၢ ခရံာ်ဖိတၢ်ဘူၣ်တၢ်ဘါတဖုအဝဲသ့ၣ်ဟဲ မၤတၢ်ပာ်စီဆှံအဘျီၣ်ဒိၣ်သီအခါ. ကီၢ်ပယီၤသုးဟဲတ့ၢ်လီၤမ့ၣ်ပိၢ်လၢကဘီယူၤဒ်အံၤအဃိန့ၣ် ပှၤဖိသၣ်သ့ၣ်တဖၣ်န့ၣ်အဝဲ သ့ၣ်ပျံၤတီၢ်တၢ် အဝဲသ့ၣ်လဲၤဃ့ၢ်အိၣ်လၢပှၢ်ကျါသနာ်က့ အဝဲသ့ၣ်တအိၣ်လၢသ့ၣ်ကဒုလာ်ဝၣ်ကဒုလာ်ဘၣ်. အဝဲသ့ၣ်အိၣ် လၢမုၢ်ကိၢ်ကျါလီၤ. တၢ်အံၤကဲထီၣ်အသးလၢအဝဲသ့ၣ်ပျံၤတၢ်ဒိၣ်မးအဃိလီၤ.  မ့ၢ်လၢအဝဲသ့ၣ်အသးတဂၢၢ်လၢၤဘၣ်အဃိ န့ၣ်အသးတထံလၢၤဘၣ်. တၢ်အံၤကဲထီၣ်စ့ၢ်ကီးတၢ်တၤတၢ်အဒိၣ်အမုၢ်လၢပှၤမိၢ်ဒၢသ့ၣ်တဖၣ်အဂီၢ် လၢအဝဲသ့ၣ်မ့ၢ်ဘၣ် အိၣ်ဖျဲၣ်အဖိဖဲတၢ်ဘၣ်ဃ့ၢ်အိၣ်ကမှံအဆၢကတီၢ်အံၤန့ၣ်လီၤ. ခါဆူညါတၢ်အိၣ်သးမ့ၢ်ဂ့ၤထီၣ်ဒု တၢ်ဘံၣ်တၢ်ဘၢကအိၣ်လၢ ပဂီၢ်မီၤ. သနာ်က့တၢ်အိၣ်သးမ့ၢ် မၤဒံးအသးဒ်အံၤဒု ပတၢ်ဘံၣ်တၢ်ဘၢအဂီၢ်တၢ်လီၤဘၣ်ယိၣ်ကအိၣ်ထီၣ်ဖးဒိၣ်ညါ.”

မ့ၢ်လၢကီၢ်ပယီၤသုးအကဘီယူၤဟဲတ့ၢ်လီၤမ့ၣ်ပိၢ် ဒီး ခးလီၤတၢ်ဒ်အံၤအဃိ ဘၣ်သံဝဲသဝီဖိ (၃) ဂၤလၢအမ့ၢ် စီၤအ--- သး နံၣ် (၆၃) နံၣ်အိၣ်လၢ ၡအ--- သဝီ, စီၤဘ--- သးနံၣ် (၂၈) နံၣ် ဒီး စီၤဆ--- သးနံၣ် (၄၃) နံၣ် လၢအအိၣ်ဟဲန့ၣ်လၢ ၡဒ--- ဝ့ၢ် လၢအအိၣ်သူၣ်လီၤအသးဖဲ ကီၢ်ပယီၤအခၢၣ်သးခံဂၤအံၤန့ၣ်လီၤ. ပှၤသံသ့ၣ်တဖၣ်အံၤ အဟံၣ်ဖိဃီဖိလၢအအိၣ်လီၤ တဲာ်က့ၤသ့ၣ်တဖၣ် ဘၣ်သဂၢၢ်ဒီးတၢ်လုၢ်အီၣ်နီၢ်ခိသးသမူအတၢ်တၤတၢ် မ့ၢ်လၢအဝဲသ့ၣ်ဘၣ်လီၤမၢ်ကွံာ်အဟံၣ်ခိၣ်ဃီခိၣ် (ပှၤလၢလုၢ်အီၣ်အဟံၣ်ဖိဃီဖိ) သ့ၣ်တဖၣ်အဃိန့ၣ်လီၤ. ပှၤသံခဲလၢာ်န့ၣ်မ့ၢ်ပှၤလၢအထီၣ်ပှၢ်ဝံၤလံန့ၣ်လီၤ.

လၢန့ၣ်အမဲာ်ညါ သဝီဖိဘၣ်ဒိစ့ၢ်ကီး (၁၁) ဂၤလၢအမ့ၢ် - စီၤဒ--- သးနံၣ် (၄၀) နံၣ် ဘၣ်ဒိဖဲအစု, နီၢ်ဃ--- သးနံၣ် (၃၅) နံၣ် ဘၣ်ဒိဖဲအစုဒီးအခီၣ်က့ၣ်ဒုၣ်, နီၢ်ဂ--- သးနံၣ် (၁၅) နံၣ် ဘၣ်ဒိဖဲအဖံဘၣ်ခိၣ်အထွဲ, စီၤဟ--- အိၣ်ဟဲန့ၣ်လၢ ၡဆ--- သဝီ (နါကိၢ်ခံကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်) တဂၤဘၣ်ဒိဖဲ အစု အခီၣ် ဒီး အယီၢ်ဒ့, စီၤဧ--- အိၣ်ဟဲန့ၣ်လၢ လၢၢ်ဒိၣ်ဝ့ၢ် သုးက့ နီၣ်ဂံၢ် (၃) ချၢၣ်လွံၢ်ထူၣ်ကီၢ်ရ့ၣ် တဂၤဘၣ်ဒိဖဲ အခီၣ်ကံၣ်ဒုၣ် ဒီး အဝဲဘၣ်လီၤမၢ်ကွံာ်အခီၣ်, သရၣ်ဒိၣ်စီၤသ--- အိၣ်ဟဲန့ၣ်လၢ ၡဘ--- ဝ့ၢ် မုၢ်တြီၢ်ကီၢ်ရ့ၣ် အပူၤတဂၤ ဘၣ်ဒိဖဲအယီၢ်ဒ့ ဒီး အခီၣ်ကံၣ်ဒုၣ်, သရၣ်ဒိၣ်စီၤက--- အိၣ်ဟဲန့ၣ်လၢ ၡဒ--- ဝ့ၢ်တဂၤဘၣ်ဒိဖဲအခိၣ်သၣ်ဃံ စီၤလ--- အိၣ်ဟဲန့ၣ်လၢ ၡဂ--- သဝီ (ခီပူၤကရူၢ်, ဘုသိၣ်ကီၢ်ဆၣ်, မုၢ်တြီၢ်ကီၢ်ရ့ၣ်) အပူၤတဂၤဘၣ်ဒိဖဲအကိာ်ပူၤ, နီၢ်မ--- သးနံၣ် (၃၂) နံၣ် ဘၣ်ဒိဖဲအခီၣ်ကံၣ်ဒုၣ်, စီၤန--- (လၢတၢ်တသ့ၣ်ညါ အသးနံၣ်) အိၣ် ဟဲန့ၣ်လၢ ၡဘ--- ဝ့ၢ်တဂၤ ဘၣ်ဒိဖဲအခီၣ်နၢၣ်ခံ ဒီး  သဝီဖိလၢတၢ်တသ့ၣ်ညါအမံၤဘၣ်တဂၤဘၣ်ဒိစ့ၢ်ကီးန့ၣ်လီၤ. သဝီဖိ လၢအဘၣ်ဒိနးသ့ၣ်တဖၣ်ဘၣ်တၢ်ဆှၢအဝဲသ့ၣ်ဆူတၢ်ဆါဟံၣ်လၢအအိၣ်ဖဲ ကီၢ်ကၠီၣ်တဲၣ်အပူၤ ဒီး မ့ၢ်တၢ်လဲၤဆှၢအဝဲသ့ၣ် တၢ်ဆါဟံၣ်ဖဲလဲၣ်တဖျၢၣ်လဲၣ်န့ၣ် သဝီခိၣ်နၢ် ဒီး သဝီဖိအဂၤသ့ၣ်တဖၣ်တသ့ၣ်ညါလီၤတံၢ်ဘၣ်န့ၣ်လီၤ. သဝီဖိလၢအဘၣ် ဒိတနးကဲၣ်ဆိးဘၣ်သ့ၣ်တဖၣ်န့ၣ်ဘၣ်တၢ်လဲၤဆှၢအဝဲသ့ၣ်ဆူ ၡဟ--- တၢ်ဆါဟံၣ်လၢဘၣ်တၢ်တီခိၣ်ရိၣ်မဲအီၤလၢ ကညီဆူၣ်ချ့မၤစၢၤဝဲၤကျိၤ (KDHW) လၢအအိၣ်သူၣ်လီၤအသးဖဲ ၡဧ--- တၢ်လီၢ်, ယဲၤမုၢ်ပျီကရူၢ်, လူၤသီကီၢ်ဆၣ် အပူၤန့ၣ် လီၤ. ပှၤလၢအဆှၢပှၤဆါသ့ၣ်တဖၣ်အံၤန့ၣ်မ့ၢ်ဝဲ Stronghold Rescue & Relief အပှၤမၤတၢ်ဖိသ့ၣ်တဖၣ်န့ၣ်လီၤ. ပှၤဆါလၢဘၣ်တၢ်လဲၤဆှၢအဝဲသ့ၣ်ဆူ ၡဟ--- တၢ်ဆါဟံၣ်သ့ၣ်တဖၣ်ဒိးန့ၢ်ဘၣ်တၢ်ကူစါယါဘျါကလီ ဒီး အဝဲသ့ၣ်တ ဘၣ်ဟ့ၣ်ကသံၣ်အပှ့ၤဘၣ်န့ၣ်လီၤ.

လၢန့ၣ်အမဲာ်ညါ သဝီဖိအဟံၣ်အါဖျၢၣ်ဘၣ်ဟးဂီၤလီၤပှီၢ်ကွံာ်လၢကီၢ်ပယီၤသုးအကဘီယူၤအတၢ်ဟဲတ့ၢ်လီၤမ့ၣ်ပိၢ် ဒီး ခး လီၤတၢ်အံၤအဃိန့ၣ်လီၤ. ဒ်န့ၣ်အသိး သဝီဖိအဟံၣ် (၂၀) ဖျၢၣ်လၢအမ့ၢ် စီၤခ---, စီၤရ---, စီၤအ---, စီၤစ---, စီၤတ---, စီၤဘ---, စီၤဖ---, စီၤည---, စီၤထ---, စီၤယ---, စီၤၡ---, စီၤအအ---, စီၤအဘ---, စီၤအ---, နီၢ်အဃ---, စီၤအဂ---, နီၢ်အဟ---, စီၤအဧ---, ဒီး သဝီဖိလၢ တၢ်တသ့ၣ်ညါအမံၤဘၣ် (၂) ဂၤ အဟံၣ်အူအီၣ်ကွံာ်ဝဲစီဖ့ကလ့ာ်န့ၣ်လီၤ.

အါန့ၢ်အန့ၣ် သဝီဖိအတၢ်ဖိတၢ်လံၤတနီၤ ဟးဂူာ်ဟးဂီၤကွံာ်ခီဖျိကီၢ်ပယီၤသုးအကဘီယူၤအတၢ်ဟဲတ့ၢ်လီၤမ့ၣ်ပိၢ် ဒီးတၢ်ခး လီၤတၢ်အံၤအဃိန့ၣ်လီၤ. သဝီဖိအတၢ်ဖိတၢ်လံၤလၢဟးဂီၤကွံာ်သ့ၣ်တဖၣ်မ့ၢ်ဝဲ - စီၤၡ အသိလ့ၣ်ယီၢ် (၃) ခိၣ်, စဲးကူာ်သ့ၣ် (၃) ဖျၢၣ်, တၢ်သူၣ်တၢ်ဖျးအစဲးတယိးနံၤ (၃) ဖျၢၣ်, နီၢ်ဘ--- အသိလ့ၣ်ယီၢ် (၁) ခိၣ်, စတါလံၣ်ခ် (Starlink) (၁) ဘ့ၣ်, နီၢ်အဃ--- အစတါလံၣ်ခ် (၁) ဘ့ၣ်, စီၤအဧ--- အသိလ့ၣ် (၁) ခိၣ်, သိလ့ၣ်ယီၢ် (၂) ခိၣ်, စီၤယ--- အသိလ့ၣ်ယီၢ် (၂) ခိၣ်, စဲးဂံာ်ဘု (၁) ဖျၢၣ်, စီၤအသ--- အသိလ့ၣ်ယီၢ် (၁) ခိၣ်, သရၣ်စီၤအက--- လၢအအိၣ်ဟဲန့ၣ်လၢ ၡဘ--- ဝ့ၢ်တဂၤအသိ လ့ၣ်ယီၢ် (၁) ခိၣ်, စီၤအဘ--- အသိလ့ၣ် (၁) ခိၣ်, စီၤအလ--- အသိလ့ၣ် (၁) ခိၣ်, စီၤခ--- အစဲးကူာ်သ့ၣ် (၁) ဖျၢၣ်, မ့ၣ်အူစဲး (၁) ဖျၢၣ်, စီၤဝ--- အမ့ၣ်အူစဲး (၁) ဖျၢၣ်, စီၤရ--- အသိလ့ၣ်ယီၢ် (၁) ခိၣ်, အစဲးထဲၣ်တၢ် (၁) ခိၣ်, သရၣ်ဒိၣ်စီၤ အန--- လၢအအိၣ်ဟဲ န့ၣ်လၢ ၡဂ--- သဝီ (ခီပူၤကရူၢ်) တဂၤအသိလ့ၣ်ယီၢ် (၁) ခိၣ်, စီၤည--- အကျိခးအီၣ် တၢ်မံၤလၤ (၁) ခိၣ်, စီၤအဝ--- အိၣ်ဟဲ န့ၣ်လၢ ၡပ--- သဝီ (ဃဲပၤကရူၢ် အသိလ့ၣ်ယီၢ် (၁) ခိၣ်, စီၤအပ--- အသိလ့ၣ်ယီၢ် (၁) ခိၣ်, စီၤဟ--- လၢအိၣ်ဟဲန့ၣ်လၢ ၡဆ--- သဝီတဂၤ အသိလ့ၣ်ယီၢ် (၁) ခိၣ်, ဒီး ပှၤတမှံၤသ့ၣ်တဖၣ် အသိလ့ၣ်ယီၢ် (၇) ခိၣ်န့ၣ် လီၤ.

ဟံၣ်လၢအအိၣ်လၢသဝီအံၤအပူၤသ့ၣ်တဖၣ်ဘူးကဘၣ်ဒိဟးဂီၤကွံာ်ခဲလၢာ်လၢမ့ၣ်ပိၢ်လၢကီၢ်ပယီၤသုးအကဘီယူၤတ့ၢ်လီၤပိၢ်ဖးထီၣ်အက့သ့ၣ်တဖၣ် ဒီး ကျိစဲးအချံလၢ ကီၢ်ပယီၤသုးအကဘီယူၤခးလီၤဝဲသ့ၣ်တဖၣ်န့ၣ်လီၤ. ကီၢ်ပယီၤသုးအက ဘီယူၤအတၢ်ဟဲတ့ၢ်လီၤမ့ၣ်ပိၢ် ဒီး ခးလီၤတၢ်အံၤန့ၣ်ဘၣ်ဟးဂူာ်ဟးဂီၤစ့ၢ်ကီး - သရိာ် (၁) ဖျၢၣ်, သရိာ်အတၢ်အီၣ်မ့ၤလီၢ် (၁) ဖျၢၣ်, သရိာ်အဘျီၣ်ဒိၣ် (၁) ဖျၢၣ်, တီၤခၢၣ်သးကၠိဖိအဟံၣ်ဒွဲ (၁) ဖျၢၣ် ဒီး ကၠိလၢအဘၣ်တၢ်တီခိၣ်ရိၣ်မဲအီၤလၢ ကညီကူၣ်သ့ဆဲးလၤဝဲၤကျိၤ (KECD) အတၢ်သူၣ်ထီၣ်သ့ၣ်တဖၣ်န့ၣ်လီၤ. ကၠိအံၤစးထီၣ်အသးလၢ KG တုၤ (၇) တီၤ န့ၣ်လီၤ. ဘၣ်ဒိ ဟးဂီၤစ့ၢ်ကီး KDHW အတၢ်ဟ့ၣ်ကသံၣ်ဒၢး (၁) ဖျၢၣ်လၢအအိၣ်သူၣ်လီၤအသးဖဲ ၡအ--- သဝီပူၤန့ၣ်လီၤ. ပှၤလၢအမၤတၢ် လၢတၢ်ဟ့ၣ်ကသံၣ်ဒၢးတဖျၢၣ်အံၤအပူၤန့ၣ်မ့ၢ်ဝဲလီၢ်ကဝီၤ KDHW ဆူၣ်ချ့ပှၤမၤတၢ်ဖိသ့ၣ်တဖၣ်န့ၣ်လီၤ.

ဝံၤအလီၢ်ခံ ဖဲလါအ့ဖြ့ၣ် ၁၆ သီ, ၂၀၂၆ နံၣ်အနံၤန့ၣ်, ကီၢ်ပယီၤသုးအကဘီယူၤဒုးသုးဟဲတ့ၢ်လီၤကဒီးမ့ၣ်ပိၢ်အသီတဘျီဆူ ၡအ--- သဝီ စးထီၣ်လၢဂီၤခီအနၣ်ရံၣ် ၁၀:၁၀ မံးနံး တုၤလၢ ၁၀:၂၅ မံးနံး ဒီးဘၣ်ဒိဝဲ စီၤပ--- သးနံၣ် (၅၄) နံၣ်တဂၤဖဲအ ဖံဘၣ်ခိၣ်န့ၣ်လီၤ.

ကီၢ်ပယီၤသုးအကဘီယူၤဟဲတ့ၢ်လီၤမ့ၣ်ပိၢ် ဒီး ခးလီၤတၢ်ဝံၤအလီၢ်ခံ မ့ၢ်လၢသဝီဖိသ့ၣ်တဖၣ်အါဒံအါဂၤဘၣ်သံဘၣ်ပှၢ် ဘၣ် ဒိဘၣ်ထံး ဒီး ဟံၣ်အါဖျၢၣ်ဘၣ်ဒိလီၤပှီၢ်အဃိ သဝီဖိလၢအအိၣ်ဖဲသဝီအံၤအပူၤ ဒီး သဝီလၢအအိၣ်ဘူးဒီးသဝီအံၤသ့ၣ်တ ဖၣ် တူၢ်ဘၣ်သ့ၣ်ဝဲလၢတၢ်ဘံၣ်တၢ်ဘၢတအိၣ်လၢအဝဲသ့ၣ်အဂီၢ်လၢၤဘၣ် ဒီး အဝဲသ့ၣ်ဘၣ်အိၣ်ပှဲၤမးဒီးတၢ်ပျံၤတၢ်ဖုး တၢ် ဘၣ်ယိၣ်ဘၣ်ဘှီန့ၣ်လီၤ. လၢတၢ်န့ၣ်အဃိ အဝဲသ့ၣ်အိၣ်လၢအသဝီပူၤတဘူၣ်လၢၤဘၣ်သတးဒီး လဲၤအိၣ်က့ၤဝဲဆူတၢ်လီၢ် လၢအဝဲသ့ၣ်ဆိကမိၣ်လၢတၢ်ဘံၣ်တၢ်ဘၢကအိၣ်လၢအဝဲသ့ၣ်အဂီၢ်ဒီး အဝဲသ့ၣ်ကပူၤကဖျဲးဘၣ်လၢတၢ်ဆှုၣ်မဲာ်ကဲာ်မဲာ်အ လီၢ်န့ၣ်လီၤ. သဝီဖိတနီၤလဲၤဃ့ၢ်အိၣ်က့ၤဆူတနီၤလဲၤဃ့ၢ်အိၣ်က့ၤဆူ ကီၢ်ကၠီၣ်တဲၣ် အပူၤဘၣ်ဆၣ်သဝီဖိအါဒံအါဂၤအိၣ် တ့ၢ်ဒံးလၢသဝီပူၤဒီး ဃုအိၣ်ဝဲတၢ်အိၣ်သဒၢအလီၢ်လၢပှၢ်လၢ်ကျါ လၢအဝဲသ့ၣ်အနီၢ်ကစၢ်တၢ်ပူၤဖျဲးအဂီၢ်န့ၣ်လီၤ. တၢ်ကီ တၢ်ခဲလၢသဝီဖိသ့ၣ်တဖၣ် ဘၣ်ကွၢ်ဆၢၣ်မဲာ်ဖဲအဝဲသ့ၣ်ဘၣ်ဟးဃ့ၢ်အိၣ်ကမှံအဆၢကတီၢ်တဖၣ်န့ၣ်မ့ၢ်ဝဲ - တၢ်အီၣ်မိၢ်ပှၢ်တ အိၣ်, တးလးပၣ်လၢကတ့ထီၣ်တၢ်အိၣ်ကဒုအဂီၢ်, ဟံၣ်ဃီပီးလီ, တၢ်အိၣ်ဆူၣ်အိၣ်ချ့အတၢ်ဂ့ၢ်ကီ ဒီး တၢ်ကူၣ်ဘၣ်ကူၣ်သ့ အတၢ်ဂ့ၢ်ကီသ့ၣ်တဖၣ်န့ၣ်လီၤ. သဝီဖိတနီၤဖဲလၢအဝဲသ့ၣ်ဃ့ၢ်ဆၢကတီၢ်အဝဲသ့ၣ်ဃ့ၢ်တဘ့ၣ်လိၤန့ၣ်လီၤ. အဝဲသ့ၣ်ဘိၣ်ထီၣ် အတၢ်ဘိၣ် ဒီး စိာ်ထီၣ်အတၢ်ဘိၣ်တချုးဘၣ် မ့ၢ်လၢကီၢ်ပယီၤသုးအကဘီယူၤဟဲတ့ၢ်လီၤမ့ၣ်ပိၢ်ဒီး ခးလီၤတၢ်လၢတဖျးမဲာ် အပူၤအဃိသတးဒီး အဝဲသ့ၣ်ပျံၤတၢ်ဖုးတၢ်ဒိၣ်တလၢအဃိန့ၣ်လီၤ. ဆၢကတီၢ်ခဲအံၤ (ဖဲလါမ့ၤ ၂၀၂၆ နံၣ်) န့ၣ် တၢ်ကရၢက ရိ ဒီး ကရူၢ်ကရၢ လၢအဟဲမၤစၢၤအဝဲသ့ၣ်န့ၣ် တအိၣ်နီတဖုဒံးဘၣ်န့ၣ်လီၤ. ဘၣ်ဆၣ်သနာ်က့ သဝီဖိသ့ၣ်တဖၣ်အံၤဒိးန့ၢ် ဘၣ်တၢ်ဆီၣ်ထွဲမၤစၢၤဆံးကိာ်လၢအဘူးအတံၢ်အအိၣ်ဒ်အမ့ၢ် သပၢၤ ဒီး လီခီ သ့ၣ်တဖၣ်န့ၣ်လီၤ. စးထီၣ်လၢကီၢ်ပယီၤ အကဘီယူၤဟဲတ့ၢ်လီၤမ့ၣ်ပိၢ် ဒီး ခးလီၤတၢ် ဖဲလါအ့ဖြ့ၣ် ၁၅ သီ, ၂၀၂၆ နံၣ် တုၤလၢခဲအံၤ (လါမ့ၤ ၂၀၂၆) နံၣ်န့ၣ် သဝီဖိ သ့ၣ်တဖၣ်က့ၤအိၣ်လၢအဝဲသ့ၣ်သဝီပူၤတဘူၣ်ဒံးဘၣ်န့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

စီၤဝ--- ပှၤလၢအဟ့ၣ်တၢ်ဂ့ၢ်တၢ်ကျိၤတဂၤအံၤအဝဲဟ့ၣ် KHRG တၢ်ပျဲလၢကသူဝဲတၢ်ဂ့ၢ်တၢ်ကျိၤအံၤန့ၣ်လီၤ. မ့ၢ်လၢသဝီ ဖိသ့ၣ်တဖၣ် ဒီး အနီၢ်ကစၢ်ဒၣ်ဝဲဘၣ်ကွၢ်ဆၢၣ်မဲာ် ဒီး လဲၤခီဖျိဘၣ်ကီၢ်ပယီၤသုးအကဘီယူၤအတၢ်ဟဲတ့ၢ်လီၤမ့ၣ်ပိၢ်ဒီးခး လီၤတၢ်လၢအလီၤဆှုၣ်မဲာ်ကဲာ်မဲာ်လၢဘျီဝဲအံၤအဃိန့ၣ်လီၤ. လၢတၢ်န့ၣ်အဃိ အဝဲဟ့ၣ်အခွဲးလၢ KHRG ကသူဝဲတၢ်ဂ့ၢ်တၢ် ကျိၤအံၤ ဒီး မုၢ်လၢ်ဝဲလၢခါဆူမဲာ်ညါန့ၣ်တၢ်လဲၤခီဖျိဒ်အံၤတကလုာ်အံၤကလီၤစှၤ ဒီး သုတအိၣ်လၢၤတဂ့ၤအဂီၢ်န့ၣ်လီၤ.