တၢ်ကဲထီၣ်သးအကလုာ်

တၢ်ခးလီၤနါစိၤကျိဖးဒိၣ်

တၢ်ကဲထီၣ်သးမုၢ်နံၤမုၢ်သီ

လါယူၤ ၁၅ သီ, ၂၀၂၅ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

အအ--- သဝီ, ပရှီလိာ်ကရူၢ်, ဒီၣ်ဖါခိၣ်ကီၢ်ဆၣ်, တီအူကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤအ

စီၤဘ

နီၢ်ဆ---

နီၢ်ဒ---

သးနံၣ်

၃၀ နံၣ်

၄ နံၣ်

၂၈ နံၣ်

၆ နံၣ်

မုၣ်/ ခွါ

ပိာ်ခွါ

ပိာ်ခွါဖိ

ပိာ်မုၣ်

ပိာ်မုၣ်

ကလုာ်

ကညီ

ကညီ

ကညီ

ကညီ

ထီၣ်ပှၢ် / သဘျ့  

ထီၣ်ပှၢ်

-

ထီၣ်ပှၢ်

-

တၢ်ဖံးတၢ်မၤ

မၤကျီး

-

မၤကျီး

-

တၢ်ဘူၣ်တၢ်ဘါ

ခရံာ်ဖိ

ခရံာ်ဖိ

ခရံာ်ဖိ

ခရံာ်ဖိ

တၢ်ဟံးမူဒါ/ လီၢ်လၤ

သဝီဖိ

သဝီဖိ

သဝီဖိ

သဝီဖိ

အိၣ်ဆိးဒူသဝီ

အအ--- သဝီ

အအ--- သဝီ

အအ--- သဝီ

အအ--- သဝီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

ထံကီၢ်တၢ်ပၢတၢ်ပြးကီၣ်ကးကရၢ (SAC) ခီၣ်ချ့သုးရ့ၣ် (ခမရ- ၆၀၃), သုးဟူးဂဲၤ ပၢဆှၢဝဲၤလီၢ်ခိၣ်သ့ၣ် (စကခ - ၆)

လ့ၣ်သိၤဝ့ၢ် (လိပ်သိုမြို့), ဒီၣ်ဖါခိၣ်ကီၢ်ဆၣ်

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

သဝီဖိလၢအမ့ၢ် စီၤဃ---, လၢအိၣ်လၢ အအ--- သဝီ, ပရှီလိာ်ကရူၢ်, ဒီၣ်ဖါခိၣ်ကီၢ်ဆၣ်, တီအူကီၢ်ရ့ၣ်ပူၤတဂၤ တဲဘၣ်ဝဲ ( KHRG ပျီပူၤပှၤမၤတၢ်ဖိ) လၢတၢ်ဂ့ၢ်အံၤန့ၣ်လီၤ. ပျီပူၤပှၤမၤတၢ်ဖိမၤဝဲတၢ်ထံၣ်လိာ်သံကွၢ်ဒီး သဝီဖိခံဂၤလၢအမ့ၢ် စီၤအ--- ဒီး နီၢ်ဆ---, လၢအမ့ၢ်ဝဲပှၤတူၢ်ဘၣ်တၢ်ဖိ (လၢတၢ်ခးလီၤကျိဖးဒိၣ်အဘျီဝဲအံၤ) န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ပျီပူၤပှၤမၤတၢ်ဖိမၤဝဲတၢ်ထံၣ်လိာ်သံကွၢ်ဒီး စီၤအ--- ဒီး နီၢ်ဆ--- (ပှၤလၢအဘၣ်တူၢ်ဘၣ်ဝဲတၢ်ခးလီၤကျိးဖးဒိၣ်တၢ်ကဲထီၣ်သး) အံၤန့ၣ်လီၤ. စီၤအ--- အံၤဘၣ်ဒိဝဲဒီး အဖိခွါတဂၤစ့ၢ်ကီးဘၣ်ဒိသံဝဲလၢကျိဖးဒိၣ်ချံအက့လီၤ. နီၢ်ဆ--- အကျီး ဒီးအဟံၣ်ဘၣ်ဟးဂီၤဝဲခီဖျိကျိဖးဒိၣ်လီၤတဲာ်ပိၢ်ဖးထီၣ်ဝဲလၢအဟံၣ်ဃၢၤန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါယနူၤအါရံၤ ၁၅ သီ ၂၀၂၅ နံၣ်အနံၤဂီၤခီ ၁၀:၃၀ မံးနံးအဆၢကတီၢ်သိလ့ၣ်တခိၣ်လဲၤတၢ်လၢကျဲတဘိလၢအအိၣ်ဖဲ အအ--- သဝီဒီး အဆ--- သဝီ, ပရှီလိာ်ကရူၢ်, ဒီၣ်ဖါခိၣ်ကီၢ်ဆၣ်, တီအူကီၢ်ရ့ၣ်အဘၢၣ်စၢၤဒ်သိးကလဲၤဆှၢန့ၢ်ဝဲတၢ်အီၣ်တၢ်အီ လၢသုးပဒိၣ်လၢအဟံးန့ၢ်ဆူၣ်တၢ်စိတၢ်ကမီၤအခီၣ်ချ့သုးရ့ၣ် (ခမရ) နီၣ်ဂံၢ် - ၆၀၃ လၢအအိၣ်ဆီလီၤအသးဖဲလ့ၣ်သိၤဝ့ၢ်အဂီၢ် န့ၣ်လီၤ. ဖဲသိလ့ၣ်တခိၣ်အံၤလဲၤဆှၢတၢ်အီၣ်အဆၢကတီၢ် KNLA [ကညီတၢ်ထူၣ်ဖျဲးသုးမုၢ်ဒိၣ်] သုးက့နီၣ်ဂံၢ် ၅ ဒီး သုးက့နီၣ်ဂံၢ် ၂ အသုးသ့ၣ်တဖၣ်ခိးကစီၤခးအီၤန့ၣ်လီၤ. [တၢ်ခိးကစီၤခးလီၤတၢ်အလီၢ်ဒီးသဝီအံၤကအိၣ်စီၤစုယံၤဝဲခံမံးသၢမံးလးဃၣ်ဃၣ်န့ၣ် လီၤ]. ဖဲတၢ်ဒုးကဲထီၣ်အဆၢကတီၢ် [ဖဲတၢ်ခိးကစီၤခးတၢ်ဝံၤအလီၢ်ခံ] သဝီဖိလၢအအိၣ်ဖဲ အအ--- သဝီသ့ၣ်တဖၣ်ပျံၤဒီးဘၣ် ယိၣ်ဝဲလၢ ထံကီၢ်တၢ်ပၢတၢ်ပြးကီၣ်ကးကရၢ [SAC] ကခးလီၤတပျီၤကျိဖးဒိၣ်ဆူသဝီပူၤအဃိသဝီဖိတနီၤဃ့ၢ်ကွံာ်လၢအဝဲသ့ၣ် အတၢ်သူၣ်တၢ်ဖျးအလီၢ်ဒီးတၢ်လီၢ်လၢအပူၤဖျဲးသ့ၣ်တဖၣ်န့ၣ်လီၤ.

ဖဲအဝဲသ့ၣ်ဃ့ၢ်လၢသဝီပူၤအဆၢကတီၢ်သဝီဖိတဂၤလၢအမံၤမ့ၢ် စီၤအ--- ဝံဒီးအတၢ်ဖိတၢ်လံၤလၢအချၢဃံဒီးအမါပုဒီးအဖိခွါ စီၤဘ--- လၢအသးနံၣ်အိၣ် (၄) နံၣ်တဂၤလၢအချၢဃံန့ၣ်လီၤ. ဖိသၣ်ပိာ်မုၣ် နီၢ်ဒ--- လၢအသးနံၣ်အိၣ် (၆) နံၣ်ဒီးအမိၢ်အပၢ် သ့ၣ်တဖၣ်စ့ၢ်ကီးဃ့ၢ်ဃုာ်ဒီး စီၤအ--- အဟံၣ်ဖိဃီဖိန့ၣ်လီၤ. ကဘၣ်ဖဲမုၢ်ထူၣ် ၁၂:၃၀ မံးနံးဖဲဟံၣ်ဖိဃီဖိခံဒူၣ်အံၤဃ့ၢ်ဘူးထီၣ်ဒီး သဝီဖိ နီၢ်ဆ--- အဟံၣ်ကရၢၢ်ကပၤအဆၢကတီၢ်ကျိဖးဒိၣ် ၁၂၀ မမ အချံတဖျၢၣ်လီၤတဲာ်ပိၢ်ဖးထီၣ်ဘူးဒီးဟံၣ်တဖျၢၣ်န့ၣ်န့ၣ် လီၤ. မ့မ့ၢ်ကျိဖးဒိၣ်ချံအဂၤ (၂) ဖျၢၣ်တခီလီၤတဲာ်ပိၢ်ဖးထီၣ်လၢသဝီချၢဖဲတၢ်ခးလိာ်သးအဆၢကတီၢ်အဃိတၢ်ဘၣ်ဒိဟးဂီၤတ အိၣ်နီတမံၤဘၣ်န့ၣ်လီၤ.

ခီဖျိလၢတၢ်ခးလီၤကျိဖးဒိၣ်အဃိ စီၤဘ--- (သးနံၣ် ၄ နံၣ်) တဂၤသံဝဲတဘျီဃီခီဖျိကျိဖးဒိၣ်တဖျၢအံၤအက့ဘၣ်အခိၣ်သၣ်ဃံ အဃိန့ၣ်လီၤ. ကျိဖးဒိၣ်အံၤမၤဘၣ်ဒိဘၣ်ထံးစ့ၢ်ကီးဝဲ စီၤအ--- (သးနံၣ် ၃၀ နံၣ်) တဂၤအသးနါပှၢ်ဒီးဖိသၣ်ပိာ်မုၣ် နီၢ်ဒ--- (သး နံၣ် ၆ နံၣ်) တဂၤအခံခိၣ်န့ၣ်လီၤ. နီၣ်ဒ--- အံၤကျိဖးဒိၣ်အက့ဘၣ်ကွးအီၤဒီးဘၣ်ဒိဘၣ်ထံးဝဲတဆံးတက့ၢ်န့ၣ်လီၤ. လၢတၢ်န့ၣ် အဃိ [အတၢ်ဘျါကွံာ်ဝဲဒီး] မုၢ်ဆ့ၣ်ထီၣ်အသီသနံၤအဝဲဂဲၤလိာ်ကွဲဝဲကဲဝဲဒၣ်န့ၣ်လီၤ. မ့မ့ၢ်လၢ စီၤအ--- တခီအဝဲကဘၣ်ဖွဲးထုး ထီၣ်ကွံာ်ဝဲကျိဖးဒိၣ်အက့ခံက့လၢအိၣ်တီၢ်လၢအသးနါပှၢ်ပူၤဘၣ်ဆၣ်အဝဲတလဲၤဒိးကူစါယါဘျါအသးတဘျီဃီဘၣ်န့ၣ်လီၤ. အဝဲမၤဘူၣ်ဆိန့ၢ်ဝဲအဖိခွါတၢ်သံအမူးန့ၣ်လီၤ. ဖဲအဖိခွါတၢ်သံအမူးဝံၤဖဲလါယူၤ ၁၆ သီ, ၂၀၂၅ နံၣ်အနံၤန့ၣ်အဝဲလဲၤဆူလ့ၣ်သိၤ တၢ်ဆါဟံၣ်လၢအဘၣ်တၢ်တီခိၣ်ရိၢ်မဲအီၤလၢ SAC ဒ်သိးကဖွဲးထုးထီၣ်ကွံာ်ဝဲကျိဖးဒိၣ်အက့ဘၣ်ဆၣ်တၢ်ပီးတၢ်လီလၢတၢ်ကမၤ တၢ်ဖွဲးကူစါယါဘျါတၢ်တအိၣ်လၢလၢပှဲၤပှဲၤ ဘၣ်. လၢတၢ်န့ၣ်အဃိအဝဲလဲၤကဒီးဆူတီအူတၢ်ဆါဟံၣ်လၢအဘၣ်တၢ်တီခိၣ်ရိၢ်မဲ စ့ၢ်ကီးအီၤလၢ SAC န့ၣ်လီၤ. အဝဲဘၣ်ထီၣ်ဝဲတၢ်ဆါဟံၣ်ဖဲန့ၣ်ယံာ်ဝဲယဲၢ်သီန့ၣ်လီၤ. [စီၤအ--- ဘၣ်ဟ့ၣ်ဝဲအတၢ်ကူစါယါဘျါအ ပှ့ၤဘၣ်ဆၣ်အဝဲဘၣ်ဟ့ၣ်ဝဲထဲလဲၣ်န့ၣ်တၢ်တသ့ၣ်ညါလီၤတံၢ်ဘၣ်.]

ဖဲလါယူၤ ၂၀၂၅ နံၣ်ဖဲအဝဲဒိးထံၣ်လိာ်သံကွၢ်အသးဒီး KHRG ပျီပူၤပှၤမၤတၢ်ဖိအခါန့ၣ်အတၢ်ဘၣ်ဒိဘၣ်ထံးတဘျါဒံးဝဲဂ့ၤဂ့ၤ ဘၣ်. ဆၢကတီၢ်ဖဲန့ၣ်အဝဲဘၣ်အီဒံးဒၣ်ကသံၣ်ဒီးဘၣ်လဲၤဒုးနဲၣ်ဒံးဒၣ်အတၢ်ပူၤလီၢ်လၢကသံၣ်အရၣ်အိၣ်န့ၣ်လီၤ. အဝဲတဒိးန့ၢ် ဘၣ်ဝဲတၢ်ဆီၣ်ထွဲမၤစၢၤနီတမံၤလၢတၢ်တိစၢၤမၤစၢၤပှၤဂ့ၢ်ဝီတၢ်ကရၢကရိအအိၣ်နီတဖု [လၢအဖိခွါအတၢ်သံဒီးအဝဲထီၣ်တၢ်ဆါ ဟံၣ်အဂီၢ်] ဘၣ်န့ၣ်လီၤ. ဘၣ်ဆၣ်သနာ်က့ [ခရံာ်ဖိ] လီၢ်ကဝီၤတၢ်ဘူၣ်တၢ်ဘါတၢ်ကရၢကရိတဖုဒီးသဝီဖိသ့ၣ်တဖၣ်တိစၢၤမၤ စၢၤအီၤလၢအဖိခွါအတၢ်သံမူးအဂီၢ်ဒီးခူၣ်လီၤန့ၢ်ဝဲအဖိခွါအစိၣ်န့ၣ်လီၤ. ဒ်အဝဲမ့ၢ်ဝၤတဂၤဒီးပၢ်တဂၤလၢအိၣ်လီၤတဲာ်တ့ၢ်ဒီးအဖိ ခံဂၤအသိးအတၢ်ဒိးကူစါယါဘျါသးအံၤဒုးကဲထီၣ်ဝဲတၢ်ကီတၢ်ခဲလၢအဟံၣ်ဖိဃိဖိတၢ်လုၢ်အီၣ်နီၢ်ခိသးသမူအဂီၢ်န့ၣ်လီၤ. လၢအ ဟံၣ်ဖိဃီဖိတၢ်ဟဲနုာ်အဂီၢ်အဝဲမ့ၢ်ဝဲပှၤထဲတဂၤဧိၤလၢအဖံးတၢ်မၤတၢ်အဃိအဝဲသ့ၣ်ဘၣ်ကွၢ်ဆၢၣ်မဲာ်ဒီးကျိၣ်ဖိစ့ဖိတၢ်ဂ့ၢ်ကီခီဖျိ အဝဲဖံးတၢ်မၤတၢ်တကဲဘၣ်ဖဲအဝဲဘၣ်ဒိနးနးကလဲာ်အဆၢကတီၢ်န့ၣ်လီၤ. [ဖဲလါယနူၤအါရံၤ ၂၀၂၆ နံၣ်န့ၣ် စီၤအ--- က့ၤဖံးမၤ က့ၤတၢ်လံဒီးအဟံၣ်ဖိဃီဖိဟဲက့ၤအိၣ်ကဒါက့ၤဆူ အအ--- သဝီလံန့ၣ်လီၤ.]

ကျိဖးဒိၣ်အံၤမၤဘၣ်ဒိဟးဂီၤဝဲ နီၢ်ဆ--- အဟံၣ်ဒူၣ်ဒီးအဟံၣ်ထူၣ်ဒီးမၤဘၣ်ဒိဟးဂီၤစ့ၢ်ကီးဝဲလီၢ်မံခးလၢအအိၣ်လၢဟံၣ်ပူၤ, သ့ၣ် ဘၣ်လၢဘၣ်တၢ်ပာ်ဃာ်အီၤလၢဟံၣ်ဖီလာ်ဒီးတကွံထူၣ်ဒီးသဲးထူၣ်သ့ၣ်တဖၣ်လၢအအိၣ်ဖဲအဟံၣ်ကပၤတၢ်သူၣ်တၢ်ဖျးလီၢ်အပူၤန့ၣ်လီၤ. ဘၣ်ဆၣ်သနာ်က့ နီၢ်ဆ--- ဒီးအဟံၣ်ဖိဃီဖိသ့ၣ်တဖၣ်ဃ့ၢ်ကွံာ်ဝဲဆူတၢ်သူၣ်တၢ်ဖျးအလီၢ်တတီၤလၢအအိၣ်ယံၤဒီးအ ဟံၣ်လံအဃိအဟံၣ်ဖိဃီဖိတဘၣ်ဒိဘၣ်ထံးဘၣ်သံဘၣ်ပှၢ်နီတဂၤဘၣ်န့ၣ်လီၤ.

သဝီဖိသ့ၣ်တဖၣ်စံးဝဲလၢ SAC အံၤမ့ၢ်ဝဲသုးကရူၢ်တဖုလၢအဟးခးလီၤတၢ်ဒီးကျိဖးဒိလၢသဝီသ့ၣ်တဖၣ်အပူၤခဲအံၤခဲအံၤအဃိ တၢ်ခးလီၤကျိဖးဒိၣ်တဘျီအံၤဘၣ်သ့ၣ်သ့ၣ်ကမ့ၢ်အဝဲသ့ၣ်န့ၣ်လီၤ. သဝီဖိသ့ၣ်တဖၣ်စံးဝဲလၢဖဲတၢ်ဒုးဝံၤအလီၢ်ခံ SAC အပှၤသုး ဖိသ့ၣ်တဖၣ်ဒွဲအူထီၣ်စ့ၢ်ကီးဝဲသဝီဖိတဂၤအဟံၣ်လၢအအိၣ်ဘူးဒီးကျဲမုၢ်ဖးဒိၣ်ဖဲသဝီပူၤန့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

အဝဲသ့ၣ် (နီၢ်ဆ--- ဒီး စီၤအ---) ဟ့ၣ်အခွဲးလၢ (KHRG) ကသူဝဲတၢ်ဂ့ၢ်တၢ်ကျိၤအံၤန့ၣ်လီၤ.